Breddin

Kringvarp Føroya

Sending um aktuel evni, sum verður send týsdag, hósdag og fríggjadag klokkan 10.00.

  1. 1 day ago

    Breddin: Føroyskir vinnumøguleikar í Grønlandi

    Í dag seta vit Grønland á Breddan. Umleið 120 vinnulívsfólk úr Føroyum hava síðstu dagarnar verið við á stórum vinnuátaki í Grønlandi. Í gjárkvøldið undirskrivaðu Føroya Arbeiðsgevarafelag og Grønlands Erhverv eina samstarvsavtalu, sum skal styrkja bondini millum vinnulívið í báðum londum. Tað er nógv virksemi í Grønlandi, og risa íløgur skulu gerast á fleiri økjum. Talan er um útbyggingar á orkuøkinum, teleøkinum og infrakervinum sum heild. Eisini skulu nógvir pengar brúkast til at fáa gongd á eina námsvinnu í Grønlandi. Ferðavinnan skal mennast, og eisini skulu nógvir bústaðir byggjast og aðrir umvælast. Aftrat øllum hesum koma tær útbyggingar, sum skulu gerast á trygdar- og verjuøkinum. Við í sendingini: Kristin Isholm, Marius Olsen, Tummas Lervig, Benjamin Deveci, Christian Keldsen, Kristian Stórhamar og Jón Sigurðsson Gjørt sendingina: Jón Brian Hvidtfeldt og Katrin Johannessenn, sum eisini var redaktørur. Teknikari: Kári Annand Berg

  2. 2 days ago

    Breddin: Fíggarlógin og vaktarskipini

    Í gjár kom fíggjarlógaruppskotið fyri 2027. Tað fyrsta frá nýggju samgonguni. Rakstraravlopið var 38,5 milliónir krónur, men 25 milliónir krónur fara út aftur beinanvegin at fíggja inntøkuminkingina, ið stendst av, at inntøkumarkið fyri mótrokning í pensjónini verður munandi hækkað. Tá tann millumrokningin er gjørd, er avlopið tódnað niður í 13,5 milliónir krónur. Avlopið er fingið til vega við sparingum onkrum samanleggingum. Ein almennur stovnur, sum kundi hugsað sær nøkur oyru úr landskassanum, er Vørn, sum í løtuni er uttan vaktar- og bjargingarskip, nú bæði Tjaldrið og Brimil liggja - Tjaldrið við brotnum giri og Brimil vegna planlagt viðlíkahald. Í fíggjarlógaruppskotinum fær Vørn fýra milliónir krónur til at fyrireika og prosjektera eitt nýtt vaktarskip, sum skal koma í staðin fyri 50 ára gamla Tjaldrið. Landsstýrið ætlar, at nýggja skipið skal verða liðugt 2030. Fíggjarlógin og vaktarskipini eru evnini í Breddanum í dag. Við í sendingini: Rebekka Joensen, búskaparfrøðingur, Aksel V. Johannesen, landsstýrismaður í fíggjarmálum, Jóhan Simonesen, fyribilsstjóri hjá Vørn, Jóannes Heimustovu, samskipari hjá Vørn og Bárður á Steig Nielsen, landsstýrismaður í uttanríkis- og fiskimálum Gjørt sendingina: Birita Matras Petersen, Ingolf S. Olsen og Katrin Johannessen, sum eisini var redaktørur. Framleiðari: Herluf Sørensen Teknikari: Kári Annand Berg.

  3. 4 days ago

    Breddin: Hvussu tryggja vit vælferðina í framtíðini?

    Fíggjarpolitiskt haldføri hava vit hoyrt nógv um. Hetta snýr seg um, hvussu vit tryggja, at pengarnir í landskassanum røkka nóg langt, men hvussu tryggja vit, at fólk eru haldfør? Hvussu tryggja vit, at tey trívast, orka og kunnu vera við í samfelagnum? Hvussu kunnu vit taka fólk og náttúruna við í roknistykkið, sum metir um haldføri? 'Hvussu framtíðartryggja vit vælferðarsamfelagið?' spyr felagsskapurin, MEGD, á ráðstevnu í dag. Breddin í dag viðger, hvussu vit kunnu tryggja eina haldføra vælferð. Við í sendingini: Ása Olsen, Romina Boarini, Majbritt Skov og Johnny í Grótinum. Gjørt sendingina: Birita Matras Petersen, Ingolf Sólheim Olsen og Katrin Johannessen, sum eisini var redaktørur. Framleiðari var Herluf Sørensen, og teknikari var Kári Annand Berg.

  4. 25 Sept

    Breddin: Hækkandi matvøruprísir

    Tað er vorðið munandi dýrari at seta matin á borðið. Seinastu fimm árini eru prísirnir á mati og drykkjuvørum hækkaðir meira enn 30 prosent. Hetta seinasta árið er mat- og drykkjuvørur vorðnar knapt eitt prosent dýrari, men kjøt er dýrkað nærum átta prosent. Men hví er maturin so nógv dýrari? Er tað fyrst og fremst kríggj, kreppur og príshækkingar uttanlands, sum er orsøkin? Ella er eisini okkurt við føroyska matvørumarknaðinum og kappingini, sum eisini trýstir prísirnar uppeftir? Matvøruprísir er evnið í Breddanum í dag. Gestir: Heri Joensen, hagfrøðingur á Hagstovuni, og Bjarni Dal-Christiansen, fulltrúi í Kappingareftirlitinum. Gjørt sendingina hava: Birita Matras Petersen og Sigurjón Einarsson, sum eisini er redaktørur.

  5. 24 Sept

    Breddin: Grønland og verjuavtalan

    Týsdagin var nýggja verjuavtalan millum Grønland, Danmark og USA undirskrivað. Ein avtala, sum gevur USA víðkaðar karmar at hava hernaðarligt virksemi í Grønlandi, men sum samstundis staðfestir danska fullveldið og grønlendska sjálvsavgerðarrættin. Hvat hava londini í veruleikanum fingið burturúr avtaluni? Hevur USA fingið tað, sum USA trygdarpolitiskt vildi hava burturúr, men uttan at fáa Grønland? Harafturat er spurningurin, hvat avtalan merkir fyri framtíðina hjá Grønlandi, tí avtalan staðfestir sjálvsavgerðarrættin hjá grønlendingum. Verður Grønland einaferð sjálvstøðugt, leggur avtalan upp til, at Grønland framvegis skal vera partur av NATO og halda fram við verjuavtaluni. Sendingin viðger eisini, hvussu frítt stendur eitt framtíðar sjálvstøðugt Grønland í veruleikanum, og um friður nú er um Grønland. Við í sendingini: Birita í Dali, stjórnmálafrøðingur, og Heini í Skorini, lektari og ph.d. í altjóða politikki. Gjørt sendingina: Birita Matras Petersen og Sigurjón Einarsson, sum eisini var redaktørur. Framleiðari: Bárður Thomsen. Teknikari: Kári Annand Berg.

  6. 22 Sept

    Breddin: Demenssjúka og trygdaravtalan um Grønland

    Demensur rakar ikki bert tað einstaka menniskja, men eisini familju, vinir og nærumhvørvið. Mett verður, at umleið 1.000 føroyingar hava demenssjúku, og 4.000 eru avvarðandi. Tað eru kommunurnar, sum varða av eldra- og demensøkinum. Allar kommunur eru ikki eins væl fyri, og tí er eisini munur á tænastuni kring landið. Har er einki minstakrav. Hóast føroyska Alzheimerfelagið fylti 25 ár í gjár, á altjóða alzheimerdegnum, so er demenssjúkan framvegis merkt av tabu og vantandi vitan. Hvussu eru umstøðurnar hjá demenssjúkum og avvarðandi? Hvussu verður góða sambandið við demenssjúklingar varðveitt? At síggja til kann drúgva og heldur óvanliga ósemjan um Grønland fáa ein fyribils enda, tá ið stjórnarleiðararnir í Danmark og Grønlandi í dag skriva undir trygdaravtalu við USA. Hvat avtalan ítøkiliga ber í sær, fáa vit kanska at vita meira um seinni í dag, tá ið avtalan verður undirskrivað á aðalfundi hjá Sameindu tjóðum í New York í dag. Gestir: Naina Túgvustein, forkvinna í Alzheimerfelagnum, Unn Justinussen, næstforkvinna í Alzheimerfelagnum, og Anneke Dapper-Skaaning, sálarfrøðingur og serfrøðingur í demens. Vertur: Annika Bolton Mortensen. Gjørt sendingina hava Annika Bolton Mortensen, Birita Matras Petersen og Sigurjón Einarsson, sum eisini er redaktørur.

  7. 18 Sept

    Breddin: Sjúk mentan í løgtinginum?

    Tað er undantakið, at ein samgonga tekur undir við uppskoti frá andstøðuni. Hetta er ein sjúk mentan, heldur Erhard Joensen, løgtingsmaður fyri Sambandsflokkin, sum í løtuni er í samgongu. Í síðstu viku var hann sum partur av samgonguni við til at fella eittt uppskot hjá andstøðuni. Sjálvur helt Erhard Joensen tað vera eitt gott uppskot, men samgongan hevði gjørt av at fella tað. Hevur løgtingið eina sjúka mentan? Hevur tað altíð verið so? Og hvat kann gerast við tað? Við í sendingini: Bjørt Samuelsen, fyrrverandi løgtingsforkvinna, og Hallur av Rana, stjórnmálafrøðingur. Gjørt sendingina: Birita Matras Petersen og Katrin Johannessen, sum eisini var redaktørur.

  8. 17 Sept

    Breddin: Evnisfrágreiðingin hjá Búskaparráðnum og kópaveiða

    Verða inntøkurnar ikki øktar, ella útreiðslurnar skerdar, má ein vaksandi partur av almennu útreiðslunum fíggjast við lántøku, og tað elvir til ein áhaldandi skuldarvøkstur. Longu um 10 ár verður hallið í almenna geiranum ein milliard krónur. Haldførisavbjóðingin kann loysast, men tað krevur, at politisku myndugleikarnir fara undir miðvísar tillagingar í stundini. Tað sigur Búskaparráðið nýggju halførisfrágreiðingini, sum verður løgd fram fyrrapartin. - Hann sær nokk so fittur út, og tí vil man ikki fara eftir honum, men í veruleikanum er hetta eitt skaðadjór. - Tað er eingin ivi um, at hetta er ein alvorligur kappingarneyti, sum eigur at verða hildin niðri. Millum annað soleiðis ljóðaði í løgtinginum fyri nøkrum vikum síðani. Og nei, talan var ikki um úlv ella rottu, men um kóp. Orðini eiga tingmenn, sum vilja loyva kópaveiðu í Føroyum. Tað er eingin lóg, sum skipar kópuveiðu, men tað skal nú vera, sigur landsstýrismaðurin í fiskivinnumálum, Bárður á Steig Nielsen. Sendinginga gjørdu Birita Matras Petersen og Katrin Johannessen, sum eisini var redaktørur.

See All (50)

About

Sending um aktuel evni, sum verður send týsdag, hósdag og fríggjadag klokkan 10.00.

Information

  • Creator
    Kringvarp Føroya
  • Years Active
    2019 - 2026
  • Episodes
    53
  • Rating
    Clean
  • Copyright
    © All rights reserved.
  • Show Website
    Breddin

You Might Also Like