បទយកការណ៍

RFI ខេមរភាសា / RFI Khmer
  • 0.0 (0)
  • NEWS
  • UPDATED DAILY

គឺជា​ការ​ចាប់អារម្មណ៍ និង​ការ​ក្រឡេកមើល ទៅលើ​បញ្ហា​នយោបាយ សង្គម ឬ​សេដ្ឋកិច្ច នៃ​ប្រទេស​កម្ពុជា​បច្ចុប្បន្ន។ កម្មវិធីនេះ រៀបចំ​ដោយ​អ្នកឆ្លើយឆ្លងព័ត៌មាន​របស់​យើង នៅ​ភ្នំពេញ ហើយ​នឹង​ត្រូវ​ចាក់ផ្សាយ ជារៀងរាល់​ថ្ងៃ ពី​ថ្ងៃចន្ទ​ដល់​ថ្ងៃ​អាទិត្យ។

  1. 1D AGO

    លោក អ៊ុច បូររិទ្ធ៖ កិច្ចប្រជុំសភាប្រើភាសាបារាំងសំខាន់ក្នុងការស្វែងរកដំណោះស្រាយព្រំដែន​

    កិច្ចប្រជុំគណៈកម្មការនយោបាយនៃសភាប្រើភាសាបារាំង ហៅកាត់ថា APF ត្រូវបានរៀបចំឡើងជាលើកទី២ នៅលើទឹកដីនៃខេត្តសៀមរាប ដោយមានការចូលរួមពីសំណាក់សមាជិកសភាកម្ពុជា សភាប្រើភាសាបារាំងមកពី ១៧ប្រទេស តំណាងអង្គការអន្តរជាតិហ្វ្រង់កូហ្វូនី ហៅកាត់ថា OIF ព្រមទាំងមន្ត្រីជាន់ខ្ពស់នៃអគ្គលេខាធិការដ្ឋានព្រឹទ្ធសភា និងរដ្ឋសភាកម្ពុជាសរុបជាង ១០០នាក់។ នៅក្នុងអំឡុងចូលរួមកិច្ចប្រជុំដែលមានរយៈពេល ៣ថ្ងៃ ចាប់ពីថ្ងៃទី២ ដល់ថ្ងៃទី៤ ខែឧសភា ឆ្នាំ២០២៦នេះ លោក អ៊ុច បូររិទ្ធ ប្រធានស្តីទីព្រឹទ្ធសភា និងជាប្រធានក្រុមសភាជាតិកម្ពុជានៃសភានិយាយភាសាបារាំង APF បានផ្តល់បទសម្ភាសន៍ពិសេសដល់វិទ្យុបារាំងអន្តរជាតិ RFI។ លោក អ៊ុច បូររិទ្ធ បានសង្កត់ធ្ងន់ថា កិច្ចប្រជុំសភាប្រើភាសាបារាំងនៅប្រទេសកម្ពុជាមានសារៈសំខាន់ខ្លាំងនៅក្នុងការបង្កើនកិច្ចសហប្រតិបត្តិការក្នុងក្របខ័ណ្ឌអន្តរសភា និងកិច្ចសហប្រតិបត្តិការអន្តរជាតិ ដើម្បីស្វែងរកដំណោះស្រាយលើបញ្ហាប្រឈមនានារបស់តំបន់ និងពិភពលោក ជាពិសេសបញ្ហាទាក់ទងប្រទេសកម្ពុជាខ្លួនឯងផ្ទាល់ ដែលបន្ត​ខិតខំស្វែងរកដំណោះស្រាយដោយសន្តិភាពយូរអង្វែងតាមផ្លូវច្បាប់ សម្រាប់បញ្ហាជម្លោះព្រំដែនកម្ពុជា-ថៃ៕

    13 min

  2. 3D AGO

    អ្នក​រត់​កង់​បី​មួយ​ចំនួនស្នាក់នៅតាមដងផ្លូវសាធារណៈ ក្រោយធ្លាក់ចុះចំណូល

    អ្នកប្រកប​របររត់​កង់បីមួយចំនួននៅក្នុងទីក្រុងភ្នំពេញ រកចំណូលបានតិចតួច ជាហេតុធ្វើឲ្យពួកគេសម្រេចចិត្តស្នាក់​នៅ​​​តាម​ដង​ផ្លូវ​សាធារណៈ ដោយយកកង់បីធ្វើជាបន្ទប់គេង និងយកមេឃធ្វើជាដំបូល។ ទិដ្ឋភាពបែបនេះ គឺដោយសារតែតម្លៃហ្គាស និងទំនិញនៅលើទីផ្សារបានឡើងថ្លៃ ដែលបញ្ហានេះ ជាការប្រឈមដល់ជីវភាពអ្នកប្រកបរបរសេដ្ឋកិច្ចក្រៅប្រព័ន្ធ។ ក្នុងកាលៈទេសៈដ៏លំបាកនេះ ក្រុមអ្នករត់កង់បីមួយចំនួនស្នើសុំឱ្យរដ្ឋាភិបាលជួយសម្របសម្រួលបញ្ចុះតម្លៃហ្គាស និងសុំឱ្យក្រុមហ៊ុនដឹកជញ្ជូនបញ្ចុះតម្លៃជើងសារ៕

    10 min

  3. 5D AGO

    ទិវាពលកម្មអន្តរជាតិ ២០២៦ មេដឹកនាំសហជីពបន្តស្នើឲ្យអាជ្ញាធរបញ្ឈប់ការរឹតត្បិតសិទ្ធិសេរីភ

    ទិវាពលកម្មអន្តរជាតិ ១ ឧសភា ឆ្នាំ២០២៦នេះ ក្រុមសង្គមស៊ីវិលផ្នែកការងារ សហជីព និងកម្មករប្រមាណជាង ២០០នាក់បានជួបជុំគ្នានៅលើសួនច្បារខាងមុខស្ថានទូតបារាំង ដើម្បីដង្ហែរញត្តិទៅកាន់ស្ថានទូតលោកខាងលិចនានា និងទៅកាន់ស្ថាប័នរដ្ឋាភិបាលមួយចំនួន។ ខ្លឹមសារញត្តិត្រូវបានមេដឹកនាំសហជីពផ្ដោតលើប្រធានបទ «ស្តារឡើងវិញ និងកែទម្រង់ឧបសគ្គនានារារាំងដល់ការអនុវត្តសេរីភាពសហជីព»។ តែក្រសួងការងារអះអាងថា ក្រសួងតែងយកចិត្តទុកដាក់ពីកង្វល់របស់កម្មករនិយោជិត និងស្វែងរកដំណោះស្រាយពិតប្រាកដសម្រាប់ពួកគេ៕

    9 min

  4. APR 29

    ស្ត្រីបារាំង Alix Langlois បានកែច្នៃសម្រាមប្លាស្ទិកនៅកម្ពុជាធ្វើជាវត្ថុមានតម្លៃ

    Alix Langlois គឺជាសហគ្រិនស្ត្រីវ័យក្មេងជនជាតិបារាំងម្នាក់ដែលធ្លាប់ធ្វើដំណើរមកប្រទេសកម្ពុជាតាមរយៈការងារស្ម័គ្រចិត្តក្នុងអង្គការក្រៅរដ្ឋាភិបាលមួយកាលពីឆ្នាំ ២០១៦។ ដោយចាប់ចិត្តស្រលាញ់ស្នាមញញឹមរបស់ប្រទេសអាស៊ីអាគ្នេយ៍មួយនេះ Alix បានត្រឡប់មកកម្ពុជាវិញក្នុងឆ្នាំ ២០១៩ ជាមួយនឹងការបង្កើតគម្រោងថ្មីមួយឈ្មោះ Trash is Nice ឬហៅថា សម្រាមល្អដោយបានបង្កើតសិប្បកម្មកែច្នៃសម្រាមប្លាស្ទិកឲ្យទៅជាវត្ថុមានតម្លៃ និងសម្ភារៈដែលអាចប្រើប្រាស់ឡើងវិញបាន។ តាមរយៈសិប្បកម្មមួយនេះ Alix ចង់បង្ហាញពីគំរូសេដ្ឋកិច្ចដ៏សំខាន់មួយ និន​ចូលរួមបង្កើតការងារធ្វើក្នុងស្រុក ពិសេសបង្កើនការអប់រំ និងផ្សព្វផ្សាយពីផលប៉ះពាល់នៃសំណល់ប្លាស្ទិកលើបរិស្ថាន។

    8 min

  5. APR 27

    អ្នករត់កង់បីប្រមូលផ្តុំនៅមុខក្រុមហ៊ុន Grab តវ៉ានឹងតម្លៃជើងសារ និងថ្លៃដឹកជញ្ជូន

    នៅព្រឹកថ្ងៃទី២៧ ខែមេសា ឆ្នាំ២០២៦ នេះ អ្នកប្រកបរបររត់កង់បីប្រមាណ ២០០នាក់ បាននាំគ្នាតវ៉ាជាលើកទី២ នៅមុខការិយាល័យក្រុមហ៊ុនដឹកជញ្ជូន Grab ស្ថិតលើផ្លូវត្រសក់ផ្អែមជិតផ្សារថ្មី ខណ្ឌដូនពេញ រាជធានីភ្នំពេញ។ តែក្រុមហ៊ុនដឹកជញ្ជូន Grab បានអះអាងថា ខ្លួនបានកែប្រែតម្លៃជើងសារ និងថ្លៃដឹកជញ្ជូន ក្នុងនោះ តម្លៃដឹកជញ្ជូនក្នុងរង្វង់ ១២០០រៀលក្នុងមួយគីឡូម៉ែត្រ ហើយតម្លៃជើងសារក្នុងរង្វង់ ១៥%ក្នុងមួយថ្ងៃ។ ចំណែកការកាត់តម្លៃជើងសារលើសពី ១៥% នឹងត្រូវក្រុមហ៊ុន Grab ទូទាត់សងវិញនៅថ្ងៃបន្ទាប់។

    8 min

  6. APR 25

    ឌីជេ យ៉ូយ៉ូ៖ ស្រុកខ្មែរគឺជាផ្ទះទីពីររបស់ខ្ញុំ

    ឌីជេ យ៉ូយ៉ូ ដែលមានឈ្មោះពិតហៅថា Matthias គឺជាយុវជនជនជាតិបារាំងម្នាក់ ដែលបានធ្វើដំណើរមកប្រទេសកម្ពុជាតាំងពីអាយុ ១៨ឆ្នាំ។ ជាអ្នកស្រលាញ់ចូលចិត្តវប្បធម៌ ប្រពៃណី ស្នាមញញឹម និងភាពរួសរាយរាក់ទាក់របស់ប្រជាជនខ្មែរ យ៉ូយ៉ូ បានសម្រេចចិត្តបោះបង់អាជីព និងការសិក្សារបស់ខ្លួននៅប្រទេសបារាំង មករស់នៅដោយមានសេចក្តីសុខ ជាមនុស្សសាមញ្ញម្នាក់នៅកម្ពុជា។ ហែលឆ្លងនឹងជីវិតជាកម្មករសំណង់តាំងពីវ័យក្មេង យ៉ូយ៉ូ បានហាត់រៀននិយាយភាសាខ្មែរបានយ៉ាងស្ទាត់ជំនាញ មុននឹងរូបគេឈានចាប់យកអាជីពជាតារាឌីជេ និងក្លាយជាអ្នកមានឥទ្ធិពលម្នាក់នៅក្នុងបណ្តាញសង្គម ព្រមទាំងជាតារាបង្ហាញម៉ូតម្នាក់ផងដែរ។ រយៈពេលជាង ៦ឆ្នាំនៃការរស់នៅក្នុងប្រទេសកម្ពុជា ឌីជេយ៉ូយ៉ូ នៅតែស្រលាញ់ចូលចិត្តប្រជាជនខ្មែរ និងចាត់ទុកស្រុកខ្មែរគឺជាផ្ទះទីពីររបស់ខ្លួន៕

    7 min

  7. APR 24

    កសិករស្រុកស្អាងសម្រេចបន្ថយផ្ទៃដីដាំដុះបន្លែ អំឡុងពេលប្រេងឥន្ធនៈឡើងថ្លៃ

    ប្រេងឥន្ធនៈ និងជីកសិកម្មបន្តឡើងថ្លៃ រហូតធ្វើឲ្យកសិករដាំបន្លែមួយចំនួន នៅស្រុកស្អាង ខេត្តកណ្ដាល បង្ខំចិត្តបន្ថយផ្ទៃដីដាំដុះ ចំណែកខ្លះទៀតទុកដីទំនេរចោលមួយរយៈ។ នៅចំពោះមុខវិបត្តិប្រេង និងជីកសិកម្មឡើងថ្លៃ ក្រសួងកសិកម្មបានអះអាងថា ស្ថានភាពដែលកំពុងកើតមាន នាពេលនេះ នឹងមិនប៉ះពាល់ខ្លាំងដល់ការផ្គត់ផ្គង់បន្លែក្នុងស្រុកឡើយ។ មិនប៉ះពាល់ ដ្បិតថា កម្ពុជាមានការកើនឡើងនៃការដាំដុះ ក្នុងផ្ទះសំណាញ់ ដែលអាចផ្គត់ផ្គង់បន្លែបានពេញមួយឆ្នាំ៕

    8 min

  8. APR 21

    ខួប១០ឆ្នាំនៃមរណភាព៖កវី ម្ចាស់ស្ទឹងសង្កែ លោក គង្គ ប៊ុនឈឿនបានទទួលរូបសំណាកដូចក្តីប្រាថ្នា

    ថ្ងៃទី១៧ មេសា ឆ្នាំ២០២៦ គឺជាខួបមរណភាព១០ឆ្នាំ របស់សិល្បករកវីនិពន្ធកម្ពុជាម្នាក់គឺ លោក គង្គ ប៊ុនឈឿន។ លោក គង្គ ប៊ុនឈឿន មិនត្រឹមតែជាកវីនិពន្ធប្រលោមលោកដ៏ល្បីឈ្មោះម្នាក់ដែលឆ្លុះបញ្ចាំងពីតថភាពសង្គមពិតប៉ុណ្ណោះទេ ប៉ុន្តែក៏ជាកវីនិពន្ធបទភ្លេង និពន្ធបទចម្រៀងនិងខ្សែភាពយន្តដ៏ល្បីឈ្មោះផងដែរ ក្នុងយុគសម័យមាសនៃបទចម្រៀងនិងខ្សែភាពយន្តខ្មែរនា ទសវត្សរ៍ទី៦០ និង៧០។ បទចម្រៀងនិងស្នាដៃនិពន្ធរបស់លោក គង្គ ប៊ុនឈឿន ជាច្រើនត្រូវបានច្រៀងដោយអធិរាជសំឡេងមាសលោកស៊ិន ស៊ីសាមុត និងអ្នកចម្រៀងល្បីៗផ្សេងទៀតដូចជាលោកស្រីរស់ សេរីសុទ្ធា។ សម្រាប់ខួប១០ឆ្នាំនៃមរណភាពរបស់លោកគង្គ ប៊ុនឈឿន រូបសំណាករបស់កវីម្ចាស់ស្ទឹងសង្កែរូបនេះ ក៏ត្រូវបានឆ្លាក់ជាលើកដំបូងនិងដំឡើងនៅក្បែររូបសំណាកអធិរាជសំឡេងមាស លោក ស៊ិន ស៊ីសាមុត តាមដងស្ទឹងសង្កែក្នុងខេត្តបាត់ដំបង តាមបណ្តាំនិងបំណងប្រាថ្នាចុងក្រោយរបស់លោក ហើយភាពយន្តឯកសារអំពីស្នាដៃនិងជីវិតចុងក្រោយរបស់លោកក៏ត្រូវបានបង្ហោះនៅតាមបណ្តាញសង្គមដោយក្រុមគ្រួសាររបស់លោកផងដែរ៕

    10 min
See All (76)

About

គឺជា​ការ​ចាប់អារម្មណ៍ និង​ការ​ក្រឡេកមើល ទៅលើ​បញ្ហា​នយោបាយ សង្គម ឬ​សេដ្ឋកិច្ច នៃ​ប្រទេស​កម្ពុជា​បច្ចុប្បន្ន។ កម្មវិធីនេះ រៀបចំ​ដោយ​អ្នកឆ្លើយឆ្លងព័ត៌មាន​របស់​យើង នៅ​ភ្នំពេញ ហើយ​នឹង​ត្រូវ​ចាក់ផ្សាយ ជារៀងរាល់​ថ្ងៃ ពី​ថ្ងៃចន្ទ​ដល់​ថ្ងៃ​អាទិត្យ។

Information

More From RFI ខេមរភាសា / RFI Khmer

You Might Also Like