Einkalífið

einkalifid

0.0 (0)
SOCIETY & CULTURE
UPDATED WEEKLY

Einkalífið eru þættir á Vísi þar sem rætt er við fólk sem skarar fram úr á sínu sviði. Hvort sem um er að ræða leikara, tónlistarfólk, afreksfólk í íþróttum, samfélagsmiðlastjörnur eða stjórnmálamenn, þá eru öll velkomin. Þáttastjórnendur eru Dóra Júlía Agnarsdóttir og Oddur Ævar Gunnarsson.

05/01/2025

Donna Cruz

Áhrifavaldurinn, fegurðardrottninginn, húmoristinn, leikkonan og nú bráðum tölvunarfræðingurinn Donna Cruz hefur komið víða við á sínum ferli, ólst upp sem meðlimur sértrúarsafnaðarins Vottar Jehóva, var kosin vinsælasta stúlkan í Ungfrú Ísland og lék aðalhlutverk í íslenskri kvikmynd sem hlaut mikið lof víða um heim. Donna Cruz er viðmælandi í Einkalífinu þar sem hún fer yfir uppeldisárin í Breiðholti og hjá Vottar Jehóva, erfið unglingsár og andleg veikindi, ævintýraleg augnablik í leiklistarbransanum, fegurðarsamkeppnir hér og í Filipseyjum, fjölskylduna, ástina, áskoranir, að ögra sér og fara í tölvunarfræði og margt fleira.

41 min
04/17/2025

Sandra Barilli

Leikkonan, umboðsmaðurinn og stuðboltinn Sandra Barilli skaust upp á íslenska stjörnuhimininn sem Molly í IceGuys og lífið gjörbreyttist í kjölfarið. Sandra, sem heitir í raun Sandra Gísladóttir, fer yfir skrautlegt og skemmtilegt líf sitt í Einkalífinu, ræðir æskuna, nafnabreytinguna eftir búsetu á Ítalíu, árin í London, ótrúlegt sjálfstæði sitt, sambandið við sjálfa sig, IceGuys ævintýrið og ótal margt fleira.

53 min
04/03/2025

Ólafur Jóhann Steinsson

Ólafur Jóhann Steinsson er útvarpsmaður og ein skærasta Tik-Tok stjarna landsins. Hann er nýbúinn í hjartaaðgerð í Svíþjóð en hann lýsir þeim dögum sem þeim verstu í sínu lífi. Ólafur ræðir líka æskuna, utanlandsferðirnar og upphafsskrefin á Tik-Tok svo fátt eitt sé nefnt.

45 min
03/20/2025

Birnir Sigurðarson

Rapparinn Birnir skaust upp á íslenska stjörnuhimininn árið 2017 og er með vinsælustu tónlistarmönnum landsins. Birnir, sem er þekktur fyrir yfirvegað viðmót og heldur persónulegu lífi sínu að mestu úr sviðsljósinu, er viðmælandi í Einkalífinu þar sem hann fer um víðan völl. Hann hefur ýmsa fjöruna sopið og farið í gegnum hæðir og lægðir lífsins en hefur sjaldan verið á betri stað en í dag. Hann ræðir hér um magnaðan tónlistarferilinn, föðurhlutverkið, æskuárin, æðruleysið, edrúmennskuna og ákvörðunina að breyta lífi sínu til hins betra, komandi plötu, stór verkefni, ástina, sjálfsvinnuna, sköpunargleðina og nauðsynlegar sundferðir svo eitthvað sé nefnt.

45 min
03/06/2025

Brynjar Karl Sigurðsson

Brynjar Karl Sigurðsson körfuknattleiksþjálfari Aþenu er einn athyglisverðasti þjálfari landsins. Hann ræðir æskuárin í Breiðholtinu, frelsissviptingu og árin í körfuboltanum þar sem hann varð ungur fyrir kynferðislegri áreitni. Brynjar ræðir líka árin í Bandaríkjunum, ævintýralega velgengni Sideline Sports og áhrifin sem barátta hans hefur haft á fjölskyldu hans.

54 min
02/20/2025

Sonja Valdín

Sonja Valdín, jafnan þekkt sem Sonja Story, skaust upp á stjörnuhimininn árið 2016 sem ein stærsta Snapchat stjarna landsins. Hún gerði garðinn frægan með Áttunni, var með tugþúsund fylgjenda, gaf út gríðarlega vinsæl lög og lék í bíómynd. Svo eyddi hún öllum samfélagsmiðlum og dró sig algjörlega í hlé. Sonja er viðmælandi í Einkalífinu sem er jafnframt hennar fyrsta viðtal í fjögur ár. Þar ræðir hún æskuna, ferilinn, samfélagsmiðlafíkn, kvíða, nettröll, að læra að setja mörk, hlúa að andlegri heilsu, hafa gaman að lífinu og vera í dag slétt sama hvað fólki finnst.

46 min
10/28/2024

Birna Rún Eiríksdóttir

Leikkonan og grínistinn Birna Rún Eiríksdóttir er viðmælandi í Einkalífinu. Birna Rún hefur komið víða að í leiklistinni, er einn vinsælasti veislustjóri landsins, er óhrædd við að berskjalda sig og standa uppi á sviði fyrir framan hóp fólks og segja brandara og tekur lífinu ekki of alvarlega. Hún talar hér hispurslaust um sjálfa sig, ADHD-ið, ferilinn, að hafa eignast barn átján ára, að bæta sambandið við sjálfa sig, ástina, lífið og margt fleira.

49 min
10/14/2024

Gugga í gúmmíbát

Guðrún Svava Egilsdóttir, betur þekkt sem Gugga í gúmmíbát, skaust nýverið upp á stjörnuhimininn og er rísandi stjarna í samfélagsmiðlaheiminum. Gugga, eins og hún er alltaf kölluð, leggur mikið upp úr jákvæðu hugarfari, er dugleg að hvetja aðrar stelpur áfram og fer sínar eigin leiðir óháð áliti annarra. Hún er viðmælandi í Einkalífinu þar sem hún ræðir vegferð sína, erfið áföll, að fagna líkama sínum, brjóstamyndina á plötuumslagi ClubDub, útvarpið, fyrsta giggið sem var á stóra sviðinu á Þjóðhátíð, að vilja ekki vera fyrirmynd og einfaldlega fá að hafa gaman að lífinu.

33 min

Einkalífið eru þættir á Vísi þar sem rætt er við fólk sem skarar fram úr á sínu sviði. Hvort sem um er að ræða leikara, tónlistarfólk, afreksfólk í íþróttum, samfélagsmiðlastjörnur eða stjórnmálamenn, þá eru öll velkomin. Þáttastjórnendur eru Dóra Júlía Agnarsdóttir og Oddur Ævar Gunnarsson.

Creator

einkalifid
Years Active

2023 - 2025
Episodes

27
Rating

Clean
Copyright

© Copyright 2023 All rights reserved.
Show Website

Einkalífið