VR hlaðvarpið

VR stéttarfélag
  • 0.0 (0)
  • Non-Profit

Hlaðvarp VR stéttarfélags um réttindi, vinnumarkaðinn og málefni sem snertir félagsfólk og samfélagið allt.

  1. H fyrir hagfræði #8 – Atvinnustefna og efnahagsmál með Gylfa Zoega

    May 7

    H fyrir hagfræði #8 – Atvinnustefna og efnahagsmál með Gylfa Zoega

    Atvinnustefna ríkisstjórnarinnar hefur nú litið dagsins ljós. Hvað felst í henni og hvað þýðir hún fyrir launafólk? Hefur hún áhrif á atvinnuhorfur næstu kynslóða? Gylfi Zoega hagfræðiprófessor ræðir við þau Höllu Gunnarsdóttur, formann VR, og Ásgeir Brynjar Torfason, ritstjóra Vísbendingar, um atvinnustefnu og menntakerfið og, ekki síst, stöðu efnahagsmála.

    1h 31m
  2. H fyrir hagfræði #7 - Hvað er þjóðarsátt?

    Apr 17

    H fyrir hagfræði #7 - Hvað er þjóðarsátt?

    Ýmsum hugtökum er fleygt fram um þessar mundir í tengslum við kjarasamninga og efnahagsmál. Höfrungahlaup er eitt þeirra, þar sem alþjóðlegur barnaleikur er notaður sem myndlíking. Annað er Þjóðarsátt og þá vísað til þríhliða samninga sem gerðir voru á vinnumarkaði á síðustu öld. En hvað var Þjóðarsáttin og við hvað er átt þegar fólk kallar eftir Þjóðarsátt í dag? Halla Gunnarsdóttir, formaður VR og Ásgeir Brynjar Torfason, ritstjóri Vísbendingar fara yfir þetta og fleira ásamt Ögmundi Jónassyni, fyrrverandi ráðherra og fleira, sem var á vettvangi þegar Þjóðarsáttin var gerð. Þau reyna líka fyrir sér í höfrungahlaupi, en það náðist ekki á mynd.

    59 min
  3. H fyrir hagfræði #6 - Olíukreppan og hagnaðardrifin verðbólga

    Mar 26

    H fyrir hagfræði #6 - Olíukreppan og hagnaðardrifin verðbólga

    Verðbólgan mælist nú 5,4% og verðhækkanir á olíu eru farnar að taka til sín. Í nýjasta þætti H fyrir hagfræði fara Halla Gunnarsdóttir, formaður VR og Ásgeir Brynjar Torfason, ritstjóri Vísbendingar, yfir hvernig verðbólga getur verið keyrð áfram af verðhækkunum. Þá fara þau sérstaklega yfir þau víðtæku áhrif sem olíukreppan gæti haft og hvað er hægt að gera í því.  Gestur þáttarins er Runólfur Ólafsson, framkvæmdastjóri Félags íslenskra bifreiðaeigenda, sem að hefur lagst yfir heimsmarkaðsverð á olíu og hvernig það getur birst hér á landi.

    1 hr
  4. H fyrir hagfræði #5 - Aðhald í ríkisrekstri

    Mar 13

    H fyrir hagfræði #5 - Aðhald í ríkisrekstri

    Orðið aðhald kemur fyrir tæplega 300 sinnum í ræðusafni Alþingis á yfirstandandi þingi. En hvað er þetta aðhald? Halla Gunnarsdóttir, formaður VR, og Ásgeir Brynjar Torfason, ritstjóri Vísbendingar, halda áfram að spá í spilin í efnahagsmálum. Gestur þáttarins er Runólfur Pálsson, forstjóri Landspítala, sem segir frá því hvernig aðhald í ríkisfjármálum hefur áhrif á stærstu heilbrigðisstofnun landsins.

    1h 7m
  5. H fyrir hagfræði #4 - Hagfræði leikskólanna

    Feb 26

    H fyrir hagfræði #4 - Hagfræði leikskólanna

    Hagfræði leikskólanna – er það til?  Já, leikskólar eru ein af grunnstoðum samfélagsins og þeir eru þjóðhagslega hagkvæmir. Í nýjasta hlaðvarpsþætti VR, H fyrir hagfræði eru því leikskólarnir aðalumræðuefnið. Í þættinum ræða Halla Gunnarsdóttir, formaður VR, og Ásgeir Brynjar Torfason, ritstjóri Vísbendingar, saman um efnahagsmál, á mannamáli. Gestur þáttarins að þessu sinni er Henný Hinz, aðstoðarframkvæmdastjóri ASÍ, sem fjallar um leikskólana út frá hagfræðinni – en með mýkt og mildi að leiðarljósi.

    1h 3m
  6. H fyrir hagfræði #3 – Stýra stýrivextir þér?

    Feb 12

    H fyrir hagfræði #3 – Stýra stýrivextir þér?

    Allt hækkar og ekki lækka lánin! Í síðustu viku tilkynnti Seðlabankinn að stýrivextir yrðu óbreyttir. En til hvers eru eiginlega stýrivextir? Í þriðja þætti af hlaðvarpi VR H fyrir hagfræði fjalla Halla Gunnarsdóttir og Ásgeir Brynjar Torfason um tæki til að draga úr verðbólgu. Hávaxtastefnan er komin í þrot, segja þau, hún er hörð við skuldara og leigjendur en ívilnar þeim sem eiga peninga. Gestur þeirra að þessu sinni er Arnaldur Sölvi Kristjánsson, lektor við hagfræðideild Háskóla Íslands, sem hefur einstaklega mikinn áhuga á fjármálum hins opinbera. Hvert er samspilið á milli opinberra fjármála og peningastefnu

    1h 10m
  7. H fyrir hagfræði #2 – Verðbólga og náttúrulögmál

    Jan 29

    H fyrir hagfræði #2 – Verðbólga og náttúrulögmál

    Verðbólga er komin yfir 5% samkvæmt nýjustu mælingum Hagstofunnar. Er verðbólgan eitthvað náttúrulögmál? Hvað er vísitala neysluverðs?Hlaðvarp VR fjallar að þessu sinni um verðbólgu og verðbólgumælingar. Halla Gunnarsdóttir, formaður VR, og Ásgeir Brynjar Torfason, ritstjóri Vísbendingar, ræða nýjar verðbólgutölur. Ásta Jenný Sigurðardóttir, sérfræðingur í vísitöludeild Hagstofunnar, útskýrir vísitölu neysluverðs.

    1h 9m
  8. H fyrir hagfræði #1 - Atvinnustefnan og Mariana Mazzucato

    Jan 15

    H fyrir hagfræði #1 - Atvinnustefnan og Mariana Mazzucato

    H fyrir hagfræði er hlaðvarpsþáttur þar sem fjallað er um efnahagsmál út frá sjónarhóli launafólks. Halla Gunnarsdóttir, formaður VR og Ásgeir Brynjar Torfason, doktor í fjármálum, kryfja hugmyndir á sviði hagfræðinnar og draga fram tengslin á milli kenninga og dagslegs lífs. Þau fá til sín góða gesti sem hafa sérþekkingu á sviði efnahagsmála og ræða bæði stórar og smáar hugmyndir, allt á mannamáli!  Áherslur hagfræðingsins Mariönu Mazzucato um meiri virkni og aðkomu hins opinbera á mótun atvinnustefnu og þróun atvinnulífs voru til umræðu í nýju hlaðvarpi VR – H fyrir hagfræði – þar sem Sveinbjörn Finnsson, aðstoðarmaður ríkisstjórnarinnar, benti á að forsætisráðherra tali á svipuðum nótum. Mazzucato hélt erindi á fundi um mótun atvinnustefnu Íslands nýlega.

    50 min
See All (13)

About

Hlaðvarp VR stéttarfélags um réttindi, vinnumarkaðinn og málefni sem snertir félagsfólk og samfélagið allt.

Information

  • Creator
    VR stéttarfélag
  • Years Active
    2025 - 2026
  • Episodes
    13
  • Rating
    Clean
  • Copyright
    © 2026 VR stéttarfélag
  • Show Website
    VR hlaðvarpið

You Might Also Like