讀樂樂 - 與你一起分享讀書的快樂 (廣東話)

Tofu
  • 0.0 (0)
  • Education
  • Weekly

《讀樂樂》係一個陪你閱讀、學習及享受書本世界嘅 podcast，用廣東話為你介紹不同有趣的書。逢星期二 (盡量 :)) 更新~ 內容涵蓋個人讀後心得、書籍介紹及評論。節目中所引用之書籍內容，僅用於教育及評論目的，本節目尊重知識產權，所有引用內容皆有註明書名及作者。如您對所介紹的書籍感興趣，誠意推薦您支持正版，購買原著。 讀樂樂IG : https://www.instagram.com/goodreads.hk/ 讀樂樂Youtube podcast: https://www.youtube.com/@goodreadshk 讀樂樂Patreon podcast: https://patreon.com/GoodReadHK?utm_medium=unknown&utm_source=join_link&utm_campaign=creatorshare_creator&utm_content=copyLink

  1. 11h ago

    078 - 《正常的迷思》「唔係你嘅錯」

    書名：《正常的迷思》（The Myth of Normal）作者：嘉柏‧麥特（Gabor Maté）、丹尼爾・麥特（Daniel Maté） 一位七十一歲嘅醫生，啱啱做完一場好成功嘅演講，坐飛機返到溫哥華，收到太太一句「我仲未出門」，就黑面足足二十四個鐘。點解一句咁普通嘅說話，會令佢嬲成咁？答案原來要追溯到佢一歲前，喺二戰期間嘅布達佩斯，同媽媽分開嘅經歷。 呢位醫生，就係《正常的迷思》嘅作者嘉柏‧麥特。佢做咗三十幾年醫生，喺書中問咗一個好大嘅問題：點解醫學咁進步，我哋反而越嚟越多慢性病同精神困擾？佢嘅答案係，好多我哋當作「正常」嘅嘢，其實唔健康，只係我哋習慣咗，好似魚唔知道水係咩。 作者話，創傷唔一定係大事，冇被看見、冇被了解，都可能喺我哋入面留低傷口。我哋會講到「好人」特質嘅代價：成日照顧人、唔敢令人失望、收埋自己嘅憤怒。就好似書中嘅 Stanley，為咗唔令媽媽同老婆失望，每日食兩餐晚飯。作者亦講得好清楚：冇得揀嘅地方，就冇罪責，呢啲都唔係你嘅錯。 最後，我哋會一齊試吓書中嘅一個練習，問自己：喺生活入面，有邊啲「唔」，我冇講出口？作者話，療癒冇保證，但一直都有可能。 書中亦有唔少沉重嘅真人故事，今集冇詳談。想睇原書嘅朋友，可以慢慢睇，唔使一口氣睇晒。

  2. Oct 26

    077 - 《閉嘴的藝術》少講兩句，身邊嘅人會開心啲

    書名：《閉嘴的藝術》作者：Dan Lyons（丹．萊昂斯） 女兒為英文功課崩潰嗰陣，一個口水多過浪花嘅爸爸，第一次忍住唔教佢點做，淨係坐喺度聽。個女慢慢靜落嚟，講出咗真正嘅擔心：佢驚自己未準備好長大。 今集《讀樂樂》繼續同大家傾《閉嘴的藝術》。上集講咗點解我哋停唔到口，今集就睇吓作者學識收聲之後，點樣將呢套方法帶返屋企、帶返去工作。 我哋會講到：父母點樣做「園丁」，唔好做「木匠」，等仔女自己搵出路；作者同太太分開之後，點樣用「不說話治療」重新相處；談人工時沉默兩次，點解可以令待遇多咗兩成；仲有蘋果 Tim Cook 淨係問一條問題，就令見工嘅人講個不停嘅故事。 最後，就係作者覺得最難嘅一招：主動聆聽。

  3. Oct 19

    076 - 《閉嘴的藝術》點解我哋停唔到口？

    書名：《閉嘴的藝術》作者：Dan Lyons（丹．萊昂斯） 一篇衝動嘅臉書帖文，令佢少咗可能值八百萬美元嘅股票。作者 Dan Lyons 做過科技記者，亦做過美劇《Sillicon Valley》編劇，但佢同時係一個口水多過浪花嘅人。佢喺話癆量表攞咗滿分，於是開始研究：點解我哋停唔到口？ 今集同大家傾吓作者講嘅「焦慮之輪」，網絡同社交媒體點樣令我哋愈講愈多，以及點解一場認真嘅對話、一次靜靜嘅森林浴，可能係一帖良藥。

  4. Oct 12

    075 - 《論生命之短暫》我們總以為，還有很多時間

    書名：《論生命之短暫》作者：塞內卡（Lucius Annaeus Seneca） 我哋成日話人生太短，但塞內卡喺《論生命之短暫》一開始就提出另一個角度：生命未必本來就太短，可能只係我哋將太多時間交咗出去。 今集想同大家分享呢本接近二千年前寫成、但今日讀起來依然好貼身嘅作品。 塞內卡由權力、工作、野心、享樂，一路講到我哋最常做嘅一件事——將真正想過嘅生活推去「遲啲」。等忙完先、等退休先、等有時間先……但未來從來冇人可以保證，而今日卻一路流走。 今集我哋會一齊睇下： 點解一個人可以忙足一世，仍然未必真正活過？ 點解權力、成功，甚至休息同學問，都可能令人失去自己嘅時間？ 而塞內卡所講真正嘅「閒暇」，究竟又係乜？ 去到最後，可能最值得問自己嘅，已經唔係「我仲有幾多時間」，而係： 我而家擁有嘅時間，究竟想留畀乜嘢？

  5. Oct 5

    074 - 《人類最後的工作：在AI浪潮下，最難被取代也最受威脅的工作能力》

    書名：《人類最後的工作：在AI浪潮下，最難被取代也最受威脅的工作能力》作者：艾莉森・普格（Allison Pugh） 矽谷一間實驗學校，一屋細路戴住耳機，對住電腦學嘢。 有個六歲嘅紅頭髮男仔做啱咗一題，舉起手嗌咗一聲「Yes!」，然後四圍望。 冇人望佢。 呢一幕出自《人類最後的工作》。作者用五年時間，訪問超過一百位醫生、老師、治療師、院牧同髮型師，為一種一直冇名字嘅工作改咗個名：連結性勞動——睇見另一個人，並且讓佢知道自己被睇見。 呢本書最特別嘅地方，係佢嘅方向同大部分講 AI 嘅書啱啱掉轉。一般嘅講法係：機器越嚟越勁，所以人類危險。佢話：我哋先把呢份工磨蝕到近乎冇嘢剩，然後「畀部機做」先顯得合理。 呢一集，我地一齊睇下：點解有醫院嘅虛擬護理師，會有七成四病人話寧願要部機？倦怠係咪真係因為關係太多？一間診所點樣把診症時間由十五分鐘拉長到兩個鐘？而喺一個 AI 越做越多嘅世界，淨低畀人類做嘅會係咩？

  6. Sep 28

    073 - 《北歐時間：世界第一幸福國度教會我的事》

    書名:《北歐時間：世界第一幸福國度教會我的事》作者: 日暮Inko今日我地要睇嘅呢本書嘅作者曾經係東京一名身心俱疲的上班族，移居丹麥後發現，北歐人之所以年年高踞全球幸福榜，關鍵不在收入或成就，而在「時間的使用方式」。 從「8・8・8規則」、善待自己的內心語言、每天只做三件事，到北歐的Hygge與睡前三件感恩小事，本集整理書中適合高壓城市人的實用提示——就算做不到下午四點收工，我們仍能在忙碌裡，為自己偷回一格慢下來的時間。

  7. Sep 21

    072 - 《業餘愛好的力量：過度努力時代的快樂指南》業餘者的快樂：唔叻，原來係一種自由

    書名: 《業餘愛好的力量：過度努力時代的快樂指南》作者: Karen Walrond 過度努力嘅時代，我哋係咪已經唔識得——淨係為咗鍾意，去做一件事？ 今集《讀樂樂》同大家睇下 Karen Walrond 嘅書 In Defense of Dabbling（中文版《業餘愛好的力量：過度努力時代的快樂指南》）。作者用咗十八個月，刻意去做一個「業餘者」——學陶藝、游水、彈琴、衝浪、影銀河，唔為精通、唔為賺錢，淨係為咗喜悅。 佢由 amateur 呢個字嘅本義（原來係「愛」）講起，帶出「有意識的業餘主義」七大特質：好奇、正念、自我慈悲、玩、伸展區、連結、敬畏。如果你成日覺得「做嘢一定要有成果」，或者心底有一件想試好耐、又驚獻醜嘅事——呢一集，或者係畀你嘅一張溫柔許可證。

  8. Sep 14

    071 - 《掌握市場週期》唔使預測未來，學識同市場「探熱」

    書名: 《掌握市場週期》 作者: Howard Marks 連牛頓都喺南海泡沫輸身家？《掌握市場週期》下集，我地會同你行入泡沫現場：一開一關、決定公司生死嘅信貸窗口；牛市三階段同「最後嘅傻瓜」；雷曼爆煲後每星期投資五億美元嘅膽識。馬克斯話，你唔使預測未來——學識同市場「探熱」、知道自己企喺鐘擺邊一邊，然後喺真正極端嗰陣先出手。 最後仲有一句留俾所有普通人嘅話：「訣竅是設法活下來！」

See All (78)

About

《讀樂樂》係一個陪你閱讀、學習及享受書本世界嘅 podcast，用廣東話為你介紹不同有趣的書。逢星期二 (盡量 :)) 更新~ 內容涵蓋個人讀後心得、書籍介紹及評論。節目中所引用之書籍內容，僅用於教育及評論目的，本節目尊重知識產權，所有引用內容皆有註明書名及作者。如您對所介紹的書籍感興趣，誠意推薦您支持正版，購買原著。 讀樂樂IG : https://www.instagram.com/goodreads.hk/ 讀樂樂Youtube podcast: https://www.youtube.com/@goodreadshk 讀樂樂Patreon podcast: https://patreon.com/GoodReadHK?utm_medium=unknown&utm_source=join_link&utm_campaign=creatorshare_creator&utm_content=copyLink

Information

You Might Also Like