كلام بالعقل مع د.باسم سليمان

0.0 (0)
MENTAL HEALTH
UPDATED WEEKLY

"كلام بالعقل" هو بودكاست أسبوعي هدفه استكشاف العقل والمشاعر من منظور جديد ومبسط. في كل حلقة، بيشاركنا د. باسم سليمان، استشاري الطب النفسي، بأفكار ونصايح عملية تساعدنا نفهم نفسنا أكتر ونعيش حياة نفسية أفضل.

4 AUG

إحساسك بالخوف مش ضعف

عمرك حسيت إنك خايف ومش عارف من إيه؟ أو بتتكسف تعترف بخوفك عشان ما يبانش إنك ضعيف؟ في آخر حلقة من الموسم التالت من كلام بالعقل، د. باسم سليمان بيكسر لنا الصورة النمطية عن الخوف، وبيفهمنا إنه مش عيب ولا ضعف، ده إحساس طبيعي، وله دور مهم في حياتنا. من قصة سيدنا موسى، لحد الرهاب الاجتماعي ونوبات الهلع والخوف من الفشل أو الوحدة. هنكتشف مع بعض أنواع الخوف، ليه بيحصل، وإزاي نقدر نعيش معاه من غير ما يسيطر علينا

24 min
28 JUL

مساحة آمنة ٤

في الحلقة دي من كلام بالعقل، د. باسم بيرد على رسائل من ناس بتواجه مواقف إنسانية مختلفة. من أب بيتساءل ليه زوجته اللي كانت بتحلم بالأمومة بقت مكتئبة وعصبية بعد الولادة، لأم مش قادرة تتعامل مع غضب ابنها الشاب اللي حياته وقفت بسبب الرفض الاجتماعي. بنسمع كمان عن أم تانية بتحاول تفهم تصرفات ابنها المراهق اللي اتغير تمامًا ورفض أي حوار أو مسؤولية، وصديق حاسس بالعجز قدّام واحد من أقرب الناس ليه بيغرق في عزلة وحزن من غير سبب واضح. الحلقة دي بتفكك المشاعر المتداخلة دي، وبتقدم طرق للتعامل معاها بفهم وهدوء

19 min
21 JUL

! أنا مكتئب ولا عندي اكتئاب

في الحلقة دي من بودكاست "كلام بالعقل"، د. باسم سليمان بيشرح الفرق بين الاكتئاب والمشاعر العادية زي الحزن أو الملل، ويفهمنا ليه الاكتئاب مش دلع ولا ضعف إيمان، لكنه اضطراب نفسي حقيقي بيأثر على التفكير والمشاعر. بنتكلم عن أعراضه، أسبابه، والطرق اللي ممكن نساعد بيها اللي بيعاني منه من غير حكم أو تجريح. حلقة مهمة لأي حد بيحاول يفهم نفسه أو اللي حواليه أكتر. اسمعوا واتفرجوا على الحلقة كاملة على يوتيوب وكل منصات البودكاست

19 min
14 JUL

مساحة آمنة ٣

ليه بنثق في الناس بسرعة وبنندم بعد كده؟ هل طبيعي نحس بالذنب لما نختار نفسنا وسط مسؤوليات أكبر من طاقتنا؟ إزاي نعرف نفرّق بين الحذر والوسواس القهري؟ وهل ممكن نعالجه من غير أدوية؟ في الحلقة دي من "مساحة آمنة"، د. باسم سليمان بيجاوب على الأسئلة دي وبيساعدنا نتعامل مع التحديات دي بطريقة واعية وعملية

20 min
7 JUL

واحنا اللي كنا فاكرينهم أصحابنا

مش كل اللي بنسميهم أصحاب يستحقوا الكلمة. في حلقة النهاردة من #بودكاست_كلام_بالعقل، بنتكلم عن علاقة الصداقة: إمتى نقول على حد "صديقي بجد"؟ وإزاي نفهم مين اللي يستحق يبقى قريب مننا ومين مجرد عابر؟ د. باسم سليمان بيشاركنا مواقف واقعية وأفكار بتمر علينا عن خيبة الظن، الثقة اللي بتتحط في المكان الغلط، والمشاعر اللي أوقات بنديها لناس مش قدها. لو حسّيت يوم إنك اندفعت في علاقة وسميتها صداقة بسرعة… أو حسيت إنك اتخدعت من شخص كنت شايفه "صاحب العمر"، الحلقة دي ليك. اسمعوا واتفرجوا على الحلقة كاملة على يوتيوب وكل منصات البودكاست

11 min
30 JUN

قلق خارج السيطرة

هل التفكير الكتير عادي؟ ولا أنا كدا بقلق؟ في الحلقة دي من كلام بالعقل، د. باسم سليمان بيشرح الفرق بين القلق الطبيعي والقلق المرضي، أنواعه، وأعراضه، وازاي نقدر ندير أفكارنا ونفهم مشاعرنا. اسمعوا الحلقة واعرفوا إزاي تهدوا سرعتكم وتتعاملوا مع قلقكم بوعي. #بودكاست_كلام_بالعقل

24 min
23 JUN

مساحة آمنة 2

في حلقة جديدة من كلام بالعقل، د. باسم بيرد على مجموعة أسئلة جديدة من مستمعين بيمروا بلحظات صعبة في حياتهم. من تحديات الطلاق وتأثيره على الأطفال، لفقدان الأمان بعد رحيل شخص عزيز، لمشاعر الخوف من الارتباط، والغضب اللي ملوش سبب واضح. حلقة مليانة مشاعر وأسئلة ممكن تلمس كل واحد فينا

20 min
16 JUN

دماغي مش بتبطل تفكير

في الحلقة دي من بودكاست كلام بالعقل، د. باسم سليمان بيكلمنا عن واحدة من أكتر الحاجات اللي بتتعبنا نفسياً: التفكير الزائد – Overthinking ليه بنفكر كتير؟ وهل فعلاً نقدر نوقف عقلنا عن التفكير؟ ولا دي حاجة خارجة عن إرادتنا؟ اسمعوا واتفرجوا على الحلقة على يوتيوب وكل منصات البودكاست وقولولنا في التعليقات: إمتى بتحسوا إن تفكيركوا بيهزم بدل ما يساعد؟

16 min

See All (32)

إحنا ٣ أصحاب بنتكلم من ٣ وجهات نظر مختلفة، قعدتنا مفيهاش استفادة لو مش بتعتبر الانبساط ده استفادة. من إنتاج TPP

0.0 (0)

COMEDY

View Subscription FAQs

"كلام بالعقل" هو بودكاست أسبوعي هدفه استكشاف العقل والمشاعر من منظور جديد ومبسط. في كل حلقة، بيشاركنا د. باسم سليمان، استشاري الطب النفسي، بأفكار ونصايح عملية تساعدنا نفهم نفسنا أكتر ونعيش حياة نفسية أفضل.