Afrikaans.Radio

•

Channel • 6 Shows

Society & Culture

Society & Culture

Updated Weekly
Comedy

Comedy

Weekly Series
Business

Business

Biweekly Series
Social Sciences

Social Sciences

Weekly Series
Alternative Health

Alternative Health

Updated Semimonthly
Christianity

Christianity

Updated Daily

JAN 28

Donder, Bliksem, Dis steeds Januarie

Dis Januarie. Nogsteeds. En asof die jaar self dit wil bevestig, breek Gauteng oop met ’n moerse donderstorm terwyl Matthys en Colene die mikrofone aanskakel. Perfekte weer vir ’n KLETS vol hoop, verwarring en ligte paniek. In hierdie week se episode gesels ons oor daardie emosionele rollercoaster van Januarie. Die vakansie is verby, die out-of-office is af, en skielik onthou jy weer hoekom jy in Desember belowe het: “Volgende jaar gaan anders wees.” Elke jaar dink ons Januarie gaan sag met ons wees, rustig, dalk selfs beter. En elke jaar tref die ongemaklike realiteit van “ek weet nie waar dit heen gegaan het nie” nie ’n finansiële strategie is nie. Januarie-salarisse het ’n unieke talent om in te kom en weer te verdwyn sonder dat jy eers asemhaal. Een van die oomblikke wat bly, is Colene se aanhaling: “Try again is the softest form of rebellion, but it rewrites everything.” ’n Sagte herinnering dat aanhou probeer, al voel jy moeg, steeds ’n vorm van weerstand is teen moedeloosheid. Natuurlik kyk ons ook na die nuus. Nuwe SARS-wetgewing wat jou nou nooi om verdagte dinge aan te meld van oor jou friende, familie en kollegas - die kan interessant raak. Lego en Crocs span saam om iets te skep wat niemand voor gevra het nie, Suid-Afrika word weereens geteister deur 'n dreigende waterkrisis en ons KLETS oor die impak van semigrasie op Kaapstad. En dan die groot vraag: wat sal gebeur as die aarde vir sewe sekondes sy swaartekrag verloor? Dis die laaste Woensdag in Januarie 2026. Dis donner. Dis bliksem. Dis KLETS. Afrikaans.Radio · KLETS · KLETS - YouTube

Jan 28

•

53 min
JAN 14

Wat Wag vir Suid-Afrika in 2026?

In deel twee van ons Astrologie KLETS oor 2026 bring ons alles terug huis toe. Die groot wêreldbewegings is een ding, maar wat beteken dit alles vir Suid-Afrika, ’n verkiesingsjaar, en vir jou persoonlik? Saam met Catherine Laurent kyk ons na die Suid-Afrikaanse politieke klimaat in 2026, ’n jaar waar druk, verwagtinge en magspeletjies nie meer agter geslote deure gaan bly nie. Die sterre wys duidelik dat die verkiesingsjaar nie stil of netjies gaan verloop nie. Daar is skuifwerk, herposisionering en name wat begin opduik waaroor mense fluister. Is Suid-Afrika op pad na nóg ’n “oorgang”, of staan ons op die rand van ’n werklike magsverskuiwing? Maar dis nie net politiek nie. Op grondvlak gebeur daar ook dinge wat hoop en ironie in een asem bring. Suid-Afrika het glo van die slimste matrikulante in sy geskiedenis opgelewer, jong mense met breinkrag en potensiaal. Die vraag bly net: in watter land gaan daardie breine uiteindelik hul toekoms bou? Intussen leer ons dat die DA se kredietkaart darem nie vir John se lyfie verantwoordelik is nie, en dat ministers steeds hoog en ver vlieg op die belastingbetaler se rekening, asof ekonomiese realiteite iets is wat net gewone mense raak. En dan, vir die deel waarvoor almal wag, die 12 sterretekens. Catherine vat ons deur wat 2026 vir elke teken inhou, met temas van begin, beweging, druk en keuses wat nie meer uitgestel kan word nie. Dis nie ’n jaar vir wegkruip nie. Dis ’n jaar vir posisie inneem, persoonlik én kollektief. Hierdie episode is minder oor voorspellings en meer oor voorbereiding. Minder oor vrees en meer oor bewussyn. Want of jy nou glo in sterre of nie, een ding is seker: 2026 gaan vra dat jy wakker moet wees. Dis politiek, astrologie, realiteit en ’n paar ongemaklike waarhede. Dis Suid-Afrika in ’n verkiesingsjaar. En dis KLETS. Afrikaans.Radio · KLETS · KLETS - YouTube

Jan 14

•

1h 15m
JAN 21

’n Dieet, ’n Diktator en ’n App

Is jou Nuwejaarsvoornemens om gewig te verloor? Colene deel ’n wenner-dieet uit 1977 wat jou óf laat maer word, óf gelukkig gaan maak. Carl Niehaus het ’n plan. ’n Groot plan. Hy vermoed hy weet presies hoe om Amerika op hul plek te sit, terwyl Cyril Ramaphosa meen ministers verdien eintlik meer geld. Want as daar een ding is wat Suid-Afrikaners kort, is dit empatie vir onderbetaalde politici. Ons leer waar Lego vandaan kom, kyk na millennials se liefdesgeite, en ontdek ’n app wat jou vra of jy dood is, net om seker te maak. Dis KLETS. Afrikaans.Radio · KLETS · KLETS - YouTube

Jan 21

•

56 min
05/16/2023

Is al die goeie Afrikaanse musiek reeds gemaak?

Tannie Lettie en Tante Meraai gee raad oor Afrikaanse musiek. Die Tannies het ‘n brief ontvang wat vra vir goeie Afrikaanse liedjies wat die persoon kan luister in hul bakkie en ook wanneer hulle braai. Die Tannies deel hul idees oor wat is ‘n goeie begin sonder om spookasem musiek te luiter. Afrikaans.Radio · Wat sê die Tannies

05/16/2023

•

16 min
12/17/2025

Die jaar is klaar, die kos is afgelewer

Dis die laaste KLETS van 2025. Suid-Afrika is halfpad afgeskakel, die verkeer bestaan net in ou herinneringe, WhatsApp-groepe het verdwyn, en almal belowe weer dat 2026 “anders” gaan wees. Jy weet, soos elke jaar. Dis dus die ideale oomblik om terug te kyk, bietjie asem te haal, en eerlik te wees oor wat ons werklik hierdie jaar gedryf het. Spoiler alert: dit was nie altyd waardes of visie nie. Baie keer was dit kos. In hierdie finale KLETS van die jaar sit Matthys en Colene om die tafel met die 2025 Uber Eats Cravings Report. Ons kyk na waarna Suid-Afrikaners regtig gesmag het om te eet, hoeveel keer ’n mens Uber Eats kan bestel voordat dit tegnies deel van jou persoonlikheid raak, en hoeveel ure van ons lewens gespaar is omdat niemand meer energie gehad het vir die vraag “wat eet ons vanaand?” nie. Ons kyk ook terug na die afgelope week se politieke t"akeaways", daardie laaste styftrekkings van 2025 se politieke drama. Groot beloftes, groter verklarings, en daai bekende stilte net voor almal vir die vakansie verdwyn. Wat bly oor as die geraas gaan lê? Wat was net nog ’n jaar-einde rookskerm? Dan twee meningspeilings oor die veiligste lande in die wêreld. Waar pas Suid-Afrika in? Is veiligheid iets wat jy meet, iets wat jy voel, of iets wat jy eers ernstig opneem wanneer dit nie meer daar is nie? En vir nagereg sluit ons af met 'n storie van ’n 15-jarige se sukses wat jou laat terugleun en dink: “Ag, so dis hoe produktiwiteit dan kan lyk.” Nie as inspirasie-preek nie, maar as stille herinnering dat party mense ongelooflike dinge regkry sonder Tiktok en Instagram reels daaroor. Dis ’n episode oor honger en vervulling, oor tyd wat gespaar is en tyd wat vermors is, oor kos, politiek, veiligheid en mense wat probeer sin maak van ’n jaar wat vinniger verby is as wat enigiemand beplan het. Dankie dat jy in 2025 saam met ons ge-KLETS het. Sit die foon neer, skink nog iets in, en luister saam na die laaste gesprek van die jaar. 2026? Dan kyk ons weer wat ons belowe. Gaan goed, gaan groot en onthou aan die anderkant van 40 is 'n babelaas soms nodig! Afrikaans.Radio · KLETS · KLETS - YouTube

12/17/2025

•

1 hr
12/10/2025

ANC op ŉ afdraand, Mashazi op ŉ catwalk en SA op ŉ misdaadlys

In hierdie week se KLETS "beklets" ons politiek, mode-skandes en ’n paar statistieke wat jou na jou paspport sal gryp. Die ANC verloor blanke stemme vinniger as wat kan "Afriforum" sẽ, en daar is glo drie name in die hoed vir die volgende ANC-president. Die vraag is eenvoudig: Gaan ’n tannie die wa deur die drif kan trek, of gaan hierdie hoed nog ’n konyn uitspoeg wat niemand voor gevra het nie? Dan kyk ons na Dr Imogen Mashazi se wardrobe. Wat presies kos een uitrusting, juwele en ’n handsak in haar wêreld terwyl die ANC nie eens salarisse kan betaal nie. Dis 'n fashion show, ’n forensic audit, en heeltemal Suid-Afrika. Woolworths is ook terug in die kollig en nie vanweë die specials nie. Iets kook daar agter die skerms en dis nie die rotisserie hoender nie. Ons probeer ontrafel wat aangaan, maar soos gewoonlik kry ons net genoeg inligting om meer vrae te vra. En dan, die skokkende maar nie-so-skokkende statistiek: Suid-Afrika het dit reggekry om weer onder die wêreld se top tien gevaarlikste stede te wees, en presteer beter as meeste matrieks in hul matriekeindeksamen. Dis politiek, glam, chaos en die realiteite van lewe in die Suide van Afrika. Hou vas aan jou panic button. Dis KLETS. Afrikaans.Radio · KLETS · KLETS - YouTube

12/10/2025

•

1h 1m
11/19/2025

Wie is Ons Nou? ’n Gesprek oor Identiteit en Verantwoordelikheid

In hierdie kragtige en eerlike KLETS-episode grawe ons diep in die veelvlakkige vraagstuk van Afrikaanse identiteit en wat dit vandag beteken om ’n Afrikaner in Suid-Afrika te wees. Ons begin by die omstrede “Nie in ons naam” brief, wat ’n hele veldbrand aan gesprekke in en buite die Afrikaanse gemeenskap begin het. Van daar af ontleed ons die rol en verantwoordelikheid van organisasies soos Solidariteit en AfriForum, en waarom gemeenskapsbetrokkenheid meer is as net kommentaar op sosiale media. Die gesprek beweeg na die breër landskap van Suid-Afrika vandag: die G20-beraad, die nalatenskap van Apartheid, rassisme, vryheid van spraak, swart ekonomiese bemagtiging, en hoe korrupsie sistemies ons toekoms stuit. Dit is ’n onverskrokke duik in geskiedenis, konteks en ongemaklike waarhede, maar ook ’n uitnodiging om te dink oor nuwe patrone van samewerking en gedeelde vooruitgang. Deur al die temas loop een duidelike lyn: ons kan die land nie herstel sonder mekaar nie. Identiteit, verantwoordelikheid en die uitdagende pad vorentoe word breedvoerig verken in ’n gesprek wat eerlik is, soms rou, maar altyd noodsaaklik. Skakels genoem in die episode: - Afrikaners vir Suid-Afrika (Nie in ons naam brief): https://www.afrikanersvirsa.co.za/ - Willem Petzer se onderhoud met Gareth Cliff: https://www.youtube.com/watch?v=oWUlXVZpUlM Afrikaans.Radio · KLETS · KLETS - YouTube

11/19/2025

•

57 min
12/03/2025

Trump blink, DSTV sink en Afrikaanse boeke skitter

In hierdie week se KLETS "beklets" ons alles van wêreldpolitiek, plaaslike “affairs”, kultuur, wyn, inkopies, en natuurlik ’n paar Suid-Afrikaanse oorwinnings. Trump het op 1 Desember 2025 die G20 oorgeneem in tipiese Trump-styl, met 'n gebalde vuis en selfversekerd, met sy belofte dat “The Best is Yet to Come”. Ons vermoed hy bedoel nie vir Suid-Afrika nie, maar hey, dis mos nie nuus nie. Wat wel nuus is: as jy ’n lesbeen is, kan jy volgens nuwe gerugte bietjie ligter asemhaal, want jou kans vir HIV-blootstelling is glo heelwat laer as jou ander broers en susters. En natuurlik kry Matthys sy weeklikse Steenhuisen-steek in, want tradisie is tradisie. DSTV bloei steeds subskripsies soos ’n kraan met ’n strip oopgedraai, en nou gaan daar waarskynlik nog 12 kanale van die boeket verdwyn net betyds vir Kersfees. MultiChoice, baie dankie vir die geskenk. Maar gelukkig is dit nie net slegte nuus nie. Die Top 100 Afrikaanse boeke van die afgelope 100 jaar is aangekondig. En as jy in jou middeljare is, het jy ten minste een van hulle gelees – óf onder protes op skool, óf omdat Daleen Matthee se bostriologie jou hart in jou borskas laat bons het. En kom nou… watter Afrikaanse huis is volledig sonder Kook en Geniet van tannie SJA de Villiers? Intussen maak Isabella Niehaus en Louis Janse van Vuuren weer internasionale nuus. Hulle boek There’s a Vegan on my Verandah het nóg ’n Gourmand World Cookbook Award ingepalm, hierdie keer as die beste vegan kookboek van die afgelope 30 jaar. Luister weer na ons onderhoud uit 2023 met Isabella Niehaus - https://afrikaans.radio/klets/die-grande-madame-langebaan/ Bartho Eksteen Wynlandgoed, saam met Maroela Media, het ’n reeks unieke wynbottels geskep wat Afrikaanse ikone vereer. Nou kan jy met trots én tanniene ’n glasie klink op ’n Suid-Afrikaanse legende. En as jy ons gesprek met Bartho en Pieter Willem gemis het, luister hier: https://afrikaans.radio/klets/wyn-woorde-en-waardes/ Colene sluit die episode af met die 2025 trending Kersgeskenke, én die lys van die mees gekaapte voertuie in Suid-Afrika. Moenie sê ons het jou nie gewaarsku nie. Dis politiek, kultuur, bietjie krisisbestuur en ’n hele sak vol idees vir Kersgeskenke. Dis KLETS. Afrikaans.Radio · KLETS · KLETS - YouTube

12/03/2025

•

1 hr
JAN 7

Begin, Beweeg, Besluit: Wat 2026 Bring en Inhou

In die heel eerste episode van KLETS skop ons 2026 af met konteks eerder as chaos, en met patrone eerder as paniek. Ons KLETS met die astroloog Catherine Laurent in hierdie eerste deel van ’n twee-delige reeks, waar ons kyk na siklusse, getalle en wêreldwye energieverskuiwings wat 2026 gaan vorm. Hierdie episode is oor die groot prentjie. Volgens numerologie is 2026 ’n 1-jaar. Dis nie ’n jaar van afronding of herstel nie, dis ’n nuwe begin. ’n Jaar van selfstandigheid, inisiatief en rigting kies. Die tipe jaar waar jy nie meer kan wag vir toestemming nie. Jy begin. Jy waag. Jy beweeg, al voel dit soms ongemaklik. Dis minder “kom ons kyk” en meer “kom ons doen”. In Oosterse astrologie kyk ons ook die Jaar van die Vuurperd binne. Die Perd bring beweging, onafhanklikheid en momentum. Voeg vuur by, en jy kry energie wat vinnig beweeg, intens voel en nie daarvan hou om vasgehou te word nie. Dis ’n jaar wat verandering afdwing, nie deur fyn onderhandeling nie, maar deur aksie. Dinge gebeur vinnig. Soms voor almal gereed is. Van daar af maak ons die lens wyer en kyk na die internasionale speelveld. Moontlike spanningspunte. Magsverskuiwings. Ekonomiese druk. En die tipe wêreldgebeure wat mens nie voorspel nie, maar wel kan raaksien as jy weet waarna om te kyk. Hierdie is nie doemprofesieë nie. Dis patroonlees. Dis voorbereiding. Dis om te verstaan hoekom sekere jare voel soos hulle “harder praat” as ander. Hierdie episode lê die fondasie. In deel twee bring ons alles huis toe. Ons kyk na Suid-Afrika, die politiek, die GNU, en wat 2026 moontlik vir elk van die twaalf sterretekens inhou. As jy eers wil verstaan voordat jy reageer, dan begin die jaar hier. Dis nie ’n kristalbal nie. Dis ’n kompas. Mag die gras groen wees waar jou bokke wei, dit reën waar jou lusern geplant is en mag jou krale vol lammers wees! Happy 2026! Afrikaans.Radio · KLETS · KLETS - YouTube

Jan 7

•

1h 12m
11/26/2025

Die G20, Wynroem en DA Uber Eats Gate

In hierdie week se “KLETS” word wêreldpolitiek, plaaslike drama en ’n tikkie Uber Eats op die tafel gesit, "dis koue kos, skat!" Ons begin by Gauteng se G20-lockdown, die konferensie wat Suid-Afrika trots as ’n reuse sukses verklaar het. Want niks sê “internasionale sukses” so goed soos om jou grootste ekonomiese stad oor ’n naweek toe te sluit nie. Maar was dit werklik so suksesvol… of was dit net suksesvol omdat Trump nié daar was nie? Die VSA het die Suid-Afrikaanse G20 openlik geboikot, en op die elfde uur probeer om tog ’n afgewaterde afvaardiging te stuur, ’n versoek wat Suid-Afrika afgekeur het. Intussen het die wêreldleiers sonder Amerika voortgegaan en die G20-verklaring onderteken, terwyl Trump duidelik gemaak het die VSA sal dit glad nie ondersteun nie. So wat beteken dit vir Suid-Afrika, en die ander G20-lande, vir my en jou, en die wêreld… en natuurlik vir Trump se ego? Met die wêreld se oë op Suid-Afrika het Suid-Afrikaanse vroue regoor die land die Vrydag voor die G20 “opgestaan” teen geslagsgebaseerde geweld deur te gaan “lê.” GBV is een van die land se ergste en mees volgehoue krisisse, en Cyril het geen ander uitweg gehad as om geslagsgebaseerde geweld en vrouemoord tot ’n nasionale ramp te verklaar nie. Maar was “gaan lê” die regte simboliek? En omdat Suid-Afrika nooit net een of twee dramas of "commissions of enquiry" op ’n slag het nie, kyk ons na nog ’n effens vetter storie, letterlik. Die DA-moddergeveg tussen John Steenhuisen en Deon Gorge is in volle swang, en Matthys se vraag oor John se gewig word uiteindelik beantwoord. Spoiler: hy het nie gewig verloor nie… maar sy DA-kredietkaart se Uber Eats-aankope verduidelik baie. Dis Black Friday. Met die kenmerkende “afslag” prysstrategieë wat nie heeltemal afslag is nie, en selfoonkontrakte wat soos ’n wiskunde-eksamen saamgestel is, word jy gelos om te wonder of die doel is om jou te verbind… of te verarm. Gelukkig het ons darem iets om oor ’n glasie te klink: die Suid-Afrikaanse wynbedryf wat glansryk internasionaal presteer. Twee Suid-Afrikaanse wynplase is onder die top 10 in die wêreld erken, en vier ander in die top 100. En dan iets nuuts vir die kultuur- en joernalistieke landskap: ’n splinternuwe weeklikse Afrikaanse koerant, Die Papier, wat op 6 Maart 2026 sy verskyning maak, word aangekondig – ’n historiese nuwe asem in ’n ouderwetse gedrukte mediavorm. Baie vensters gaan na 7 Maart 2026 weer skoon wees in Suid-Afrika. Dit is wêreldpolitiek sonder Amerika, plaaslike politiek met te veel kalorieë, pryse wat nie sin maak nie, pynlike realiteite en ’n wynbedryf wat almal se waardigheid red. Dis politiek, pryse, pyn en Papier. Dis Suid-Afrika. Dis KLETS. Afrikaans.Radio · KLETS · KLETS - YouTube

11/26/2025

•

53 min

Die KLANKBANK vir Afrikaanse Podsendings! Afrikaans.Radio is ‘n platform wat ‘n “nuwe manier van Afrikaans wees” ontdek en verken, sonder grense of beperkings. Kom luister en praat saam! In jou TYD. In jou TAAL.

Website

Afrikaans.Radio

Top Shows

Donder, Bliksem, Dis steeds Januarie

Wat Wag vir Suid-Afrika in 2026?

’n Dieet, ’n Diktator en ’n App

Is al die goeie Afrikaanse musiek reeds gemaak?

Die jaar is klaar, die kos is afgelewer

ANC op ŉ afdraand, Mashazi op ŉ catwalk en SA op ŉ misdaadlys

Wie is Ons Nou? ’n Gesprek oor Identiteit en Verantwoordelikheid

Trump blink, DSTV sink en Afrikaanse boeke skitter

Begin, Beweeg, Besluit: Wat 2026 Bring en Inhou

Die G20, Wynroem en DA Uber Eats Gate

About

Afrikaans.Radio

Top Shows

Top Episodes

About