Глыбінны народ

Подкасты ЦНИ
  • 0.0 (0)
  • POLITICS
  • UPDATED WEEKLY
Глыбінны народ

Глыбінны народ — гэта падкаст Цэнтра новых ідэй пра тое, як і чым жывуць беларускія рэгіёны і што ім, або нам з імі рабіць. Чым жыве “несталіца”, якія ў іх праблемы і ў чым яны наадварот – крутыя. Пра ўсё гэта мы будзем размаўляць з экспертамі і нашымі рэгіянальнымі лідэрамі. Падкаст вядзе Яўген Меркіс.

  1. 08/11/2022

    Голас рэгіёнаў: як пачуваюцца падкасты па-за Мінскам

    У новым выпуску падкаста "Глыбінны народ" размаўляем пра беларускія падкасты. Дазнацца сёння пра тое, што робіцца ў беларускіх рэгіёнах не так проста: большасць лакальных СМІ былі вымушаныя спыніць сваю працу праз рэпрэсіі, а шматлікія журналісты ды актывісты, якія маглі б распавесці пра актуальнае і набалелае, з’ехалі за мяжу (у лепшым выпадку) ці трапілі трапілі пад пераслед уладаў. Тым большую ролю адыгрываюць беларускія падкасты, якія даюць магчымасць не толькі пачуць, але і адчуць атмасферу па-за сталіцай. Як яны ўзніклі, як пачуваюцца ды якая будучыня іх чакае? Абмеркаваць гэтыя ды іншыя пытанні дапамагла Дар’я Гардзейчык — журналістка, аўтарка падкаста “Утульны горад” і “Гісторыя беларускага сэкса”.

    26 min

  2. 07/21/2022

    Слава Воршы ўжо не горша: праблемы і перспектывы “ўсходняй брамы” Беларусі

    Новы выпуск падкаста "Глыбінны народ" прысвечаны Оршы. Горад з крымінальным мінулым ды радзіма Караткевіча, занепадаючы прамысловы цэнтр, які дагэтуль не мае ўласнага ўніверсітэта ды тэатра, але можа пахваліцца вялізнай колькасцю адметных аб’ектаў архітэктурнай спадчыны. Усё гэта – Орша і яе плюсы, мінусы ды будучыню мы і абмеркавалі. А дапамог у гэтым Ігар Казмерчак — рэгіянальны актывіст, рэдактар сайта Orsha.eu.

    29 min

  3. 07/04/2022

    Беларускія Мальдывы або Дэтройт: няпэўная будучыня Салігорска

    Новы выпуск падкаста "Глыбінны народ" прысвечаны Салігорску. Горад з самымі высокімі заробкамі па краіне і самай высокай шчыльнасцю насельніцтва на квадратны кіламетр. Горад рабочых з гонарам, што не баяцца змагацца за свае правы, але зараз маюць няпэўную будучыню. Зрэшты як і большасць беларусаў. Пагамонім сёння пра Салігорск з актывістам Паўлам Батуевым.

    36 min

  4. 05/26/2022

    Зляцець з Беларусі і вярнуцца: прыгоды птушак у Сінявокай

    Новы выпуск падкаста "Глыбінны народ" прысвечаны беларускім птушкам. На сённяшні момант лётаць у Беларусь і вылятаць з яе ў іншыя краіны вельмі няпроста. Але ў кагосьці гэта дагэтуль атрымліваецца нягледзячы на ўсе санкцыі. Пра іх і пра гаворым сёння. А менавіта – пра птушак. Якімі адметнымі відамі можа пахваліцца нашая краіна, як на крылатых уплываюць змены клімату і чалавек, а таксама абмяркуем розныя парады і антыпарады адносна абыходжання з імі. Дапаможа мне з гэтым Дзмітры Вінчэўскі — арнітолаг і рэдактар сайта “Птушкі штодня”.

    37 min

  5. 05/05/2022

    Без навук як без рук: дасягненні і праблемы маладых беларускіх даследчыкаў

    Новы выпуск падкаста "Глыбінны народ" прысвечаны беларускай навуцы. Фізікі, лірыкі – у Беларусі сёння ўсім навукоўцам няпроста. Як складваецца лёс маладых даследчыкаў? Ці можна выжыць на заробак навукоўца? Якім чынам лепш за ўсё папулярызаваць гістарычныя веды аб мінулым? На гэтыя, а таксама іншыя пытанні паразмаўлялі з Ганнай Дзягель – гісторыкам, кандыдатам гістарычных навук і аўтаркай гісторыка-культурніцкага падкаста “Так склалася гістарычна”.

    35 min

  6. 04/21/2022

    Будзе горш, а наколькі – пакуль пытанне: несуцяшальны прагноз для беларускай эканомікі

    Новы выпуск падкаста "Глыбінны народ" пра эканоміку. У беларускай эканоміцы не ўсё добра. Нават кепска. Пры гэтым такая сітуацыя назіраецца далёка не першы год і ёй няспынна прадракаюць крах і заняпад. Старыя і новыя санкцыі, знешнеэканамічныя цуды, а цяпер яшчэ і вялікая вайна – ва ўсім гэтым сапраўды няпроста разабрацца. Дзе мы знаходзімся на сённяшні дзень, што нас чакае ў будучыні і як расійскае ўварванне ва Украіну адаб’ецца на нас усіх? З гэтымі пытаннямі нам дапамог разабрацца старэйшы навуковы супрацоўнік Цэнтра эканамічных даследаванняў BEROC Зміцер Крук.

    46 min

  7. 04/08/2022

    Беларускаму спорту канец? Разбіраем чатыры вершнікі апакаліпсісу — адсутнасць рэформаў, 2020-ты, эканамічны крызіс ды вайну

    Новы выпуск падкаста "Глыбінны народ" прысвечаны спорту ў Беларусі. Як вядома, развіццё спорта ў краіне неадрыўна звязана не толькі з эканамічнай сітуацыяй, але і існымі грамадска-палітычнымі рэаліямі. А яны ў Беларусі нагадваюць шторм, які няспынна павялічваецца не толькі апошнія гады, але нават і месяцы. Эканамічны крызіс, кавід, бурлівы 2020-ы і яго наступствы, а цяпер яшчэ і вайна ва Ўкраіне ў якой Беларусь стала суагрэсарам. У якім стане знаходзіцца спорт у сталіцы ды рэгіёнах пасля ўсяго гэтага? Ці трэніравацца спартоўцам ва ўмовах, калі яны могуць не пабачыць міжнародных спаборніцтваў і як палепшыць існую сітуацыю? Усё гэта і нават больш абмяркуем з Максімам Беразінскім – кіраўніком спартовага праекта Трыбуна.ком у Беларусі ды Ўкраіне.

    37 min

  8. 03/22/2022

    Марнатраўства, карупцыя і неэфектыўнасць: што робіцца з бюджэтамі ў рэгіёнах

    У новым выпуску падкаста “Глыбінны народ” Яўген Меркіс разам з Уладзімірам Кавалкіным абмяркоўваюць мясцовыя бюджэты. У нашых суседзяў ва Ўкраіне вайна. Самая сапраўдная з кроўю, боллю і стратамі. Ужо цяпер зразумела, што гэты канфлікт мае і будзе мець вялізны ўплыў на ўвесь рэгіён і Беларусь чакаюць істотныя цяжкасці і змены. Застаецца спадзявацца, што нашым паўднёвым братам хутчэй удасца дамагчыся міру і заняцца адбудовай сваёй краіны. Для нас жа па-ранейшаму застаецца важным аналізаваць тое, што адбываецца ў Беларусі і асабліва – у яе рэгіёнах. Толькі разумеючы ў дэталях тое, што мы маем і як гэта можна змяніць у нас ёсць шанец нарэшце пачаць жыць годна і свабодна ў будучыні і адбудаваць тую Беларусь, у якой усе хочуць жыць. У чарговым выпуску падкаста “Глыбінны народ” захацелася пагаманіць пра грошыкі, а дакладней – пра бюджэты. Што ў нас з імі ў цэлым, як пачуваюцца рэгіёны і што іх у звязку з гэтым чакае. А дапамог у гэтым кіраўнік праектаў “Кошт урада” ды анлайн-платформы “Petitions.by” Уладзімір Кавалкін.

    32 min
See All (27)

About

Глыбінны народ — гэта падкаст Цэнтра новых ідэй пра тое, як і чым жывуць беларускія рэгіёны і што ім, або нам з імі рабіць. Чым жыве “несталіца”, якія ў іх праблемы і ў чым яны наадварот – крутыя. Пра ўсё гэта мы будзем размаўляць з экспертамі і нашымі рэгіянальнымі лідэрамі. Падкаст вядзе Яўген Меркіс.

Information

More From Подкасты ЦНИ

To listen to explicit episodes, sign in.

Stay up to date with this show

Sign in or sign up to follow shows, save episodes, and get the latest updates.
Select a country or region

Africa, Middle East, and India

Asia Pacific

Europe

Latin America and the Caribbean

The United States and Canada