# 1855: "भोंडला" लेखिका : नीता चंद्रकांत कुलकर्णी. कथन : (प्रा. सौ. अनुराधा भडसावळे. )

Send us a text

देवीचे नवरात्र बसलं की आमचा आवडता  भोंडला सुरू व्हायचा .  आमच्या वडिलांना आणि भावाला सुद्धा ही गाणी पाठ असायची.

 किती सुखाचे दिवस होते ते . सहज मिळणारा हा निर्मळ आनंद होता.

आज वाड्यातल्या काकू ,ताई आठवल्या...

न ओळखता येणाऱ्या वेगवेगळ्या खिरापती कौतुकानी करणारी आई आठवली...

पोरी भोंडला खेळणार म्हणून अंगण झाडून घेणारी आजी आठवली... आमच्या पायाला टोचू नये म्हणून खडे सुद्धा ती उचलून टाकायची...!