Y Coridor Ansicrwydd

BBC Radio Cymru

5.0 (1)
SPORTS
UPDATED WEEKLY

Owain Tudur Jones a Malcolm Allen sydd yn "Y Coridor Ansicrwydd" ac yn barod i drafod digwyddiadau diweddar y byd pêl-droed yn ogystal â phob math o bethau eraill yng nghwmni Dylan Griffiths.

3D AGO

Dysgu gwersi a chadw'r ffydd

Ar ôl wythnos llawn emosiwn a siom enfawr wrth beidio â chyrraedd rowndiau terfynol Cwpan y Byd 2026, mae'r criw yn asesu be ddaw nesaf i Gymru o dan Craig Bellamy. Ac i ychwanegu at y straen, mae Dylan yn gwneud smonach lwyr o'r tabl proffwydo (eto!).

49 min
MAR 27

Dim Cwpan y Byd i Gymru

Dylan Griffiths, Owain Tudur Jones a Malcolm Allen sy'n asesu beth aeth o'i le i Gymru wrth golli i Bosnia-Herzegovina ar giciau o'r smotyn mewn gêm ail-gyfle i gyrraedd Cwpan y Byd 2026. Wel am bodlediad ddigalon!

38 min
MAR 24

Dwy gêm o gyrraedd Cwpan y Byd

Wedi pedwar mis hir o aros, mae gemau ail-gyfle Cymru yn rowndiau rhagbrofol Cwpan y Byd 2026 wedi cyrraedd o'r diwedd. Mae yna densiwn, mae yna bili-pala yn y stumog ac mae yna ychydig o anghytuno ar bwy fydd y rheolwr Craig Bellamy yn ei ddewis i gychwyn yn erbyn Bosnia-Herzegovina nos Iau. Ond mae yna un peth yn sicr, mae'r criw i gyd yn hyderus fydd Cymru yn symud ymlaen i'r rownd derfynol i wynebu un ai'r Eidal neu Gogledd Iwerddon nos Fawrth.

50 min
MAR 19

Malcolm, tania'r mower 'na!

Mae 'na gyffro ymysg y criw! Nid yn unig oherwydd bod cyfle o'r diwedd i nôl y peiriant torri gwair allan o'r sied, ond mae gêm anferth Cymru yn erbyn Bosnia-Herzegovina yn rowndiau rhagbrofol Cwpan y Byd ar y gorwel. Sut fydd Cymru yn delio heb Kieffer Moore? Oes 'na ddigon o opsiynau amddiffynnol yn dilyn anafiadau Ben Davies, Chris Mepham a Connor Roberts? A pham bod ambell gwestiwn yn y gynhadledd i'r wasg wedi codi gwrychyn Craig Bellamy? A beth ar y ddaear sy'n digwydd efo Cwpan Cenhedloedd Affrica? Mae'r holl sefyllfa bron mor anghredadwy â dewis OTJ o grysau siec.

52 min
MAR 12

Abertawe llawn hyder wrth anelu am Wrecsam

Ydi canlyniadau da Abertawe yn golygu bod nhw wedi ymuno yn y ras am gemau ail-gyfle y Bencampwriaeth? Pum pwynt ydi'r bwlch bellach rhwng y ddau glwb, ac fe all hynny leihau i ddau gyda buddugoliaeth i'r Elyrch ar y Cae Ras nos Wener. Mae hi wedi bod yn dipyn o wythnos i Wrecsam yn dilyn amser ychwanegol yn erbyn Chelsea ac yna colled gartref yn erbyn Hull City. A chyda rhagor o anafiadau - gan gynnwys i Kieffer Moore fydd yn bryder i Gymru - ydi'r Dreigiau yn dechrau colli stêm? Ac wrth i Ryan a Rob baratoi i sylwebu ar y gêm am y tro cyntaf, pa air o gyngor sydd gan y criw i rannu gyda'r ddau actor enwog?

42 min
MAR 5

Ydi pêl-droed yn ddiflas?

Oes 'na ormod o basio a dim digon o gyffro yn y gêm fodern? Ydi ciciau cornel wedi mynd dros ben llestri go iawn? Ydi Malcolm wedi clywed gan Snoop Dogg ers ei rap bythgofiadwy? Oes, mae 'na gwestiynau dyrys i'w hateb ar y bennod yma... Mae'r criw yn cychwyn gyda'r pwynt gwerthfawr lwyddodd Cymru i gipio wrth agor y gemau rhagbrofol ar gyfer Cwpan y Byd 2027 gyda gêm gyfartal yn y Weriniaeth Siec. Canlyniad da, ond perfformiad siomedig. Roedd 'na ragor o ddathlu i'r Seintiau Newydd nos Fawrth wrth iddyn nhw gael eu coroni'n bencampwyr Cymru Premier am y pumed tymor yn olynol. Mae Casnewydd wedi codi allan o'r ddau safle isaf am y tro cyntaf mewn pum mis ar ôl curo Tranmere Rovers, ac am gol sgoriodd Dylan Lawlor i Gaerdydd (doedd honno ddim yn ddiflas)! Ac mae hi'n benwythnos mawr yn y gwpan wrth i Wrecsam groesawu mawrion Chelsea, tra bod Cwpan Cymru yn cyrraedd y pedwar olaf. Blwyddyn y Cofis o'r diwedd?

54 min
FEB 26

Syrcas Snoop yn cynhyrfu Abertawe

Welsoch chi erioed olygfa mwy swrreal na Snoop Dogg - un o rapwyr enwoca'r byd - yn cyfarch cefnogwyr Abertawe tra bod rai o'i ganeuon yn bloeddio o uchelseinydd cartref yr Elyrch? Go brin. Roedd hi'n anodd i Dyl, Ows a Mal wybod lle i gychwyn efo'r holl firi - ond mi fydd y digwyddiad yn sicr yn aros yn hir yn y cof. Ac wrth gwrs, mi oedd rhaid i Mal roi gynnig ar rap bach ei hun... Mi oedd 'na ychydig o amser i drafod pêl-droed hefyd, wrth i Wrecsam sicrhau dwy fuddugoliaeth llawn cymeriad (eto), tra bod 'na sioc i Gaerdydd wrth golli'n drwm i Plymouth. A beth am Eric Ramsay druan... 44 diwrnod yn unig gafodd y Cymro yn West Brom cyn cael ei ddiswyddo.

42 min
FEB 19

OTJ - Pencampwr fflipio Llanelli

Dylan Griffiths, Owain Tudur Jones a Malcolm Allen sy'n trafod gem Wrecsam yn erbyn Chelsea yn Nghwpan Lloegr a gobeithion y pedwar clwb tan ddiwedd y tymor. Ma Ows hefyd yn dathlu fod yn Bencampwr Ras Crempog Llanelli, heb cael anaf!

43 min

See All (58)

Owain Tudur Jones a Malcolm Allen sydd yn "Y Coridor Ansicrwydd" ac yn barod i drafod digwyddiadau diweddar y byd pêl-droed yn ogystal â phob math o bethau eraill yng nghwmni Dylan Griffiths.