ព្រឹត្តិការណ៍​កម្ពុជា​ប្រចាំថ្ងៃ

RFI ខេមរភាសា / RFI Khmer
RFI ខេមរភាសា / RFI Khmer
  • 0.0 (0)
  • News
  • Updated Daily

រៀងរាល់ថ្ងៃ ពី​ថ្ងៃចន្ទ ដល់​ថ្ងៃ​អាទិត្យ យើង​នឹង​លើក​យក​ព្រឹត្តិការណ៍​ក្តៅគគុក​ជាងគេ​បង្អស់​មួយ នៅ​កម្ពុជា​ មក​ពន្យល់​ ដោយ​មាន​អន្តរាគមន៍​ពី​ឥស្សរជន​នយោបាយ អ្នក​ជំនាញ ឬ​មន្រ្តី​សង្គមស៊ីវិល។

  1. 1d ago

    បើការតវ៉ាតាមការទូតមិនអាចបញ្ឈប់ទង្វើឈ្លានពានរបស់ថៃ តើកម្ពុជាអាចមានផ្លូវអ្វីផ្សេងទៀតដែរ

    កម្ពុជាតាមរយៈក្រសួងការបរទេសនៅថ្ងៃទី១០ ខែសីហា ឆ្នាំ២០២៦ បានចេញលិខិតតវ៉ាសាជាថ្មីទៀត បន្ទាប់ពីយោធាថៃបានសាងសង់​លេណដ្ឋានថ្មី​របស់ខ្លួន​រំលោភចូលទឹកដី​កម្ពុជា នៅច្រក​ទ្វារអន្តរជាតិ​ថ្មដា ក្នុង​ខេត្ត​ពោធិ៍សាត់ កាលពី​ថ្ងៃ​ទី៦ ខែសីហា និង​ការប្រកាសភ្ជាប់​អគ្គិសនី​របស់ថៃ​ទៅកាន់​ប្រាសាទ​តាក្របី ​និង​ភ្នំ៣៣៣ កាលពីថ្ងៃទី៧​ខែ សីហា។ អ្នកជំនាញ​កិច្ចការ​អន្តរជាតិខ្លះ​យល់​ថា ការចេញកំណត់ទូត​តវ៉ា ជាបន្តបន្ទាប់​របស់​កម្ពុជា​នេះ គឺជា​យុទ្ធសាស្រ្ត​ប្រតិកម្ម​អសកម្ម ពោលជាវិធី​ដែល​ខ្វះ​ប្រសិទ្ធភាព​ទប់ស្កាត់ ឬវិធានការឆ្លើយតប​ជាក់ស្តែង។ តែ​អ្នកជំនាញ​មួយចំនួន​មើលឃើញ​ថា ការចេញកំណត់​ទូត​តវ៉ានេះ ពុំមានន័យថា រដ្ឋាភិបាលកម្ពុជា​គ្មានជម្រើស​នោះឡើយ និងថា នេះគឺជា​មធ្យោបាយការទូតស្របច្បាប់ ដែល​ជួយ​បញ្ជាក់​ជំហរ​របស់​កម្ពុជា ដែល​មិន​ទទួល​ស្គាល់​សកម្មភាពរំលោភឈ្លានពាន​ដោយ​ខុសច្បាប់​របស់​ថៃមកលើ​កម្ពុជា។ ក្នុង​ករណី​ដែល​ការតវ៉ា​តាមការទូតមិនអាចបញ្ឈប់សកម្មភាពរបស់ថៃ តើកម្ពុជាគួរពិចារណាប្រើយន្តការអន្តរជាតិ ឬផ្លូវច្បាប់អ្វីបន្ថែមទៀតដែរឬទេ?

  2. 2d ago

    តើយុវជនគួរជ្រើសរើសមុខជំនាញអ្វី ក្រោយពីដឹងលទ្ធផលប្រឡងបាក់ឌុប?

    នៅឆ្នាំ២០២៦នេះមានបេក្ខជនប្រឡងបាក់ឌុបជាង១៥ម៉ឺន១ពាន់នាក់ ពោលគឺកើនឡើងជាងឆ្នាំ២០២៥ដែលមានបេក្ខជន ជាង១៤ម៉ឺន៦ពាន់នាក់។ នៅឆ្នាំ២០២៦នេះ មានបេក្ខជនថ្នាក់វិទ្យាសាស្ត្រ ប្រមាណតែ២៨ភាគរយប៉ុណ្ណោះ ខណៈបេក្ខជនថ្នាក់វិទ្យាសាស្ត្រសង្គម មានរហូតដល់ទៅ៧២ភាគរយ។ ទោះបីជាជាប់ ឬធ្លាក់បាក់ឌុប តើយុវជនខ្មែរគួរជ្រើសរើសមុខជំនាញអ្វី ដើម្បីកសាងអនាគតខ្លួនឯង និងក្លាយជាខឿនសេដ្ឋកិច្ចរបស់ប្រទេសជាតិ?

  3. 4d ago

    ហេតុអ្វីថៃប្រតិកម្មនឹងរបាយការណ៍របស់ UN ជុំវិញជម្លោះព្រំដែនកម្ពុជា និងថៃ?

    អ្នករាយការណ៍ពិសេសអង្គការសហប្រជាជាតិ ស្តីពីសិទ្ធិមនុស្សនៅកម្ពុជា លោក Tom Andrews នៅថ្ងៃទី៦ ខែ​សីហា ឆ្នាំ២០២៦ បានបញ្ចេញប្រតិកម្មតបនឹងរដ្ឋាភិបាលថៃ។ ថៃដែលចោទលោក Tom Andrews ថាកាន់ជើងកម្ពុជាពាក់ព័ន្ធនឹងជម្លោះព្រំដែនកម្ពុជា-ថៃ។ តែបើតាមអ្នករាយការណ៍ពិសេសរូបនេះ ២ថ្ងៃមុននឹងចេញរបាយការណ៍ លោកក៏បានផ្ញើសេចក្តីព្រាងរបាយការណ៍​ពាក់ព័ន្ធនឹងជម្លោះព្រំដែនកម្ពុជា-ថៃទៅរដ្ឋាភិបាលថៃដែរ តែរដ្ឋាភិបាលទីក្រុងបាងកកមិនបានឆ្លើយតបអ្វីទាំងអស់។ ហេតុអ្វីភាគីថៃសំដែងប្រតិកម្មជាបន្តបន្ទាប់ចំពោះរបាយការណ៍របស់អ្នករាយការណ៍ពិសេសអង្គការសហប្រជាជាតិ ស្តីពីសិទ្ធិមនុស្សនៅកម្ពុជា?

  4. 5d ago

    តើកម្ពុជាគួរពង្រីកការលើកលែងទិដ្ឋាការសម្រាប់ភ្ញៀវទេសចរមកពីប្រទេសផ្សេងក្រៅពីចិនដែរ ឬទេ?

    ថ្មីៗនេះ សភាពាណិជ្ជកម្មអឺរ៉ុបប្រចាំកម្ពុជាបានផ្តល់អនុសាសន៍ឱ្យកម្ពុជាធ្វើកំណែទម្រង់គោលនយោបាយទិដ្ឋាការដោយបន្ថែមការលើកលែងទិដ្ឋាការទៅលើប្រទេសរីកចម្រើននៅតំបន់អឺរ៉ុប សហរដ្ឋអាមេរិក ជប៉ុន និងបណ្តាប្រទេសផ្សេងទៀតដើម្បីជួយផ្តល់សន្ទុះវិស័យទេសចរណ៍ឡើងវិញ។ គួរជម្រាបជូនថា រដ្ឋាភិបាលកម្ពុជាបាន និងកំពុងអនុវត្តការលើកលែងទិដ្ឋាការសាកល្បងរយៈពេល ៤ខែពីពាក់កណ្តាលខែមិថុនាដល់ពាក់កណ្តាលខែតុលា ឆ្នាំ២០២៦ សម្រាប់ពលរដ្ឋចិន។ តែអ្នកជំនាញវិស័យទេសចរណ៍មើលឃើញថា ការលើកលែងទិដ្ឋាការសម្រាប់ទេសចរចិនហាក់គ្មានប្រសិទ្ធភាព និងចង់ឃើញរដ្ឋាភិបាលសម្លឹងមើលភ្ញៀវទេសចរមកពីតំបន់ផ្សេង ដូចជាអឺរ៉ុប និងប្រទេសផ្សេងដែលមានប្រាក់ចំណូលខ្ពស់។ តើកម្ពុជាគួរពង្រីកការលើកលែងទិដ្ឋាការសម្រាប់ភ្ញៀវទេសចរមកពីប្រទេសផ្សេងក្រៅពីចិនដែរ ឬទេ?

  5. 6d ago

    អ្វីទៅជាតុល្យការនៃការដឹកនាំរបស់លោក ហ៊ុន ម៉ាណែត ក្នុងរយៈពេល ៣ឆ្នាំ កន្លងទៅ?

    ថ្ងៃទី២២ ខែសីហា ឆ្នាំ២០២៦ គឺជាខួប ៣ឆ្នាំ នៃការឡើងដឹកនាំរដ្ឋាភិបាលអាណត្តិទី៧ របស់លោកនាយករដ្ឋមន្ត្រី ហ៊ុន ម៉ាណែត។ ការដឹកនាំរបស់ លោក ហ៊ុន ម៉ាណែត ក្នុងរយៈពេល ៣ឆ្នាំ កន្លងទៅត្រូវបានអ្នកជំនាញផ្នែកនយោបាយ និងសង្គម កត់សម្គាល់ឃើញផ្សេងៗគ្នា។ អ្នកខ្លះបានលើកសរសើរពីការខិតខំប្រឹងប្រែងរបស់រដ្ឋាភិបាល ទោះក្នុងកាលៈទេសៈ ដែលកម្ពុជារួមរឹតដោយវិបត្តិច្រើនក៏ដោយ និងអ្នកខ្លះទៀតបានមើលឃើញពីការសម្រេចបាននូវសមិទ្ធផលមួយនៅមានកម្រិតនៅឡើយ ហើយចង់ឲ្យរដ្ឋាភិបាលធ្វើការកែសម្រួលបន្ថែមទៀត។ អ្វីទៅជាតុល្យការនៃការដឹកនាំរបស់លោក ហ៊ុន ម៉ាណែត ក្នុងនាមជានាយករដ្ឋមន្រ្តីនារយៈពេល៣ឆ្នាំកន្លងទៅ?

  6. Aug 5

    តើការអនុវត្តច្បាប់ចរាចរណ៍ផ្លូវគោកឡើងវិញអាចកាត់បន្ថយកំណើនគ្រោះថ្នាក់ចរាចរណ៍បានដែរ ឬទេ?

    ប្រមុខរដ្ឋាភិបាលកម្ពុជា លោក ហ៊ុន ម៉ាណែត បានឯកភាពឱ្យអនុវត្តច្បាប់ចរាចរណ៍ផ្លូវគោកឡើងវិញចាប់ពីដើមខែកញ្ញា ឆ្នាំ២០២៦ នៅក្នុងភូមិសាស្ត្ររាជធានី ខេត្តចំនួន ៥។ ការសម្រេចរបស់លោក ហ៊ុន ម៉ាណែតដូចនេះធ្វើឡើង ក្រោយមានការស្នើសុំពីរដ្ឋមន្រ្តីក្រសួងមហាផ្ទៃ លោក ស សុខាកាលពីថ្ងៃទី៣០ ខែកក្កដាកន្លងទៅថ្មីៗនេះ។ អ្នកវិភាគសង្គមសាទរចំពោះការរឹតបន្តឹង និងការដាក់ឲ្យអនុវត្តឡើងវិញនូវច្បាប់ចរាចរណ៍ផ្លូវគោកនៅក្នុងភូមិសាស្ត្ររាជធានី ខេត្តចំនួន ៥។ តែអ្វីដែលពួកគេចង់បានលើសពីនេះ គឺការរឹតបន្តឹង និងការអនុវត្តនៅទូទាំងប្រទេស និងជាអចិន្ត្រៃយ៍ដើម្បីទទួលបានប្រសិទ្ធភាពខ្ពស់។ តើការអនុវត្តច្បាប់ចរាចរណ៍ផ្លូវគោកឡើងវិញអាចកាត់បន្ថយកំណើនគ្រោះថ្នាក់ចរាចរណ៍បានដែរ ឬទេ?

  7. Aug 4

    តើរឿងរ៉ាវរវាងអ្នកជំនួញ ជឹម សុខ និងមេប៉ូលិសខេត្តព្រៃវែង ឆ្លុះបញ្ចាំងអ្វីខ្លះរបស់អ្នករកស៊

    ឧកញ៉ា ជឹម សុខ ដែលជាឈ្មួញនាំសត្វគោទៅវៀតណាមបានដាក់ពាក្យបណ្តឹងទៅក្រសួងមហាផ្ទៃកាលពីថ្ងៃទី៣ ខែសីហា ឆ្នាំ២០២៦។ នៅក្នុងបណ្តឹង លោក ជឹម សុខ បានស្នើឲ្យផ្អាកការងាររបស់ លោក ឈឿន ប៊ុនឆន និងលោក ឡេង ពៅ ដែលជាស្នងការ និងស្នងការរងនគរបាលខេត្តព្រៃវែង ក្រោមហេតុផលថា មេប៉ូលិសខេត្តទាំងពីររូបនេះបានជំរិតទារប្រាក់ ១ម៉ឺនដុល្លារក្នុងមួយខែ ជាថ្នូរនឹងការសម្រួលដល់ការនាំចេញសត្វគោទៅលក់នៅវៀតណាម។ តើរឿងរ៉ាវរវាងអ្នកជំនួញ ជឹម សុខ និងមេប៉ូលិសខេត្តព្រៃវែងឆ្លុះបញ្ចាំងអ្វីខ្លះរបស់អ្នករកស៊ីនៅកម្ពុជា?

  8. Aug 3

    តើកម្ពុជាគួរធ្វើអ្វីខ្លះដើម្បីពង្រឹងការគ្រប់គ្រងសំណល់គ្រោះថ្នាក់ដល់បរិស្ថាន និងសុខភាព

    នៅថ្ងៃទី២ សីហា ឆ្នាំ២០២៦ ក្រសួងបរិស្ថានបានស្នើឲ្យអភិបាលរាជធានី ខេត្ត ចាត់វិធានការផ្លូវច្បាប់លើការនាំចូលសំណល់អាគុយ សំណល់បរិក្ខារអគ្គិសនី និងគ្រឿងអេឡិចត្រូនិក។ សំណល់ទាំងនេះអាចបង្កផលប៉ះពាល់ធ្ងន់ធ្ងរដល់សុខភាពសាធារណៈ និងបរិស្ថាន។ អ្នកជំនាញផ្នែកបរិស្ថាន និងសុខភាពសាធារណៈបានសម្តែងការគាំទ្រចំពោះចំណាត់ការរបស់ក្រសួងបរិស្ថាន។ តែទន្ទឹមគ្នានេះ ពួកគេក៏ជំរុញឱ្យក្រសួងបរិស្ថានពង្រឹងការអនុវត្តច្បាប់ឱ្យបានម៉ឺងម៉ាត់ថែមទៀតដើម្បីគ្រប់គ្រងសំណល់អាគុយ ថ្មពិល និងគ្រឿងអេឡិចត្រូនិកនៅក្នុងប្រទេស និងសំណល់នាំចូល។

See All (70)

About

រៀងរាល់ថ្ងៃ ពី​ថ្ងៃចន្ទ ដល់​ថ្ងៃ​អាទិត្យ យើង​នឹង​លើក​យក​ព្រឹត្តិការណ៍​ក្តៅគគុក​ជាងគេ​បង្អស់​មួយ នៅ​កម្ពុជា​ មក​ពន្យល់​ ដោយ​មាន​អន្តរាគមន៍​ពី​ឥស្សរជន​នយោបាយ អ្នក​ជំនាញ ឬ​មន្រ្តី​សង្គមស៊ីវិល។

Information

More From RFI ខេមរភាសា / RFI Khmer

You Might Also Like