Մենք ու մենք

Իմ ռադիո / FM98.3
Իմ ռադիո / FM98.3
  • 0.0 (0)
  • Relationships

Սա փոդքաստ է կանանց և տղամարդկանց տարբեր աշխարհընկալումների մասին:

  1. 03/01/2024

    Մարզից՝ մայրաքաղաք

    Հայաստանում ապրում է մոտ 3 մլն մարդ, որոնք բաժանված են պայմանական սահմաններով, քաղաքներով ու գյուղերով։ Անկախ պայմանական բաժանումներից՝ մեզ միավորում են ազգությունն ու դրոշը, որի տակ ապրում ենք, նաև այն ճանապարհները, որոնք Մենք ու Մենք անցնում ենք կողք կողքի: Հաճախ դրանք բերում են Երևան: Այս էպիզոդում մարզից տեղափոխվում ենք մայրաքաղաք` պարզելու, թե ինչպիսինն է կյանքը Հայաստանի սրտում:

    Մարզից՝ մայրաքաղաք

  2. 02/22/2024

    Սիրո լեզուներ

    Հայերեն՝ գերազանց, ռուսերեն՝ լավ, անգլերեն՝ բավարար, սիրո լեզուներ՝ ․․․․ Երկիր մոլորակի վրա կա մոտ 7000 լեզու, սակայն դրանցից ոչ մեկը բավարար չէ իր ողջ էությամբ սերն արտահայտելու համար։ Մենք և մեր սերը ունենք բազում արտահայտչամիջոցներ ու բարդ բառեր, իսկ ուշադրության և հոգատարության մեջ՝ շրջուն շարադասություն։ Կարճ ասած՝ մեր սիրո լեզուն այնքան բարդ է ու երևի հեչ մեկը չէ: Այս էպիզոդում Մենք ու Մենք բացել ենք բառարանները, գտել և թարգմանել սիրո արտահայտման հիմնական լեզուներն ու ձևերը։

    Սիրո լեզուներ

  3. 02/15/2024

    Կամքի ուժ

    Մենք արդեն 2 շաբաթ է, ինչ փորձում ենք հրաժարվել շաքարից, իսկ Մենք 1 ամիս է, ինչ փորձում ենք պաշտոնի բարձրացում խնդրել: Սակայն կամքի ուժի, ինքնակառավարման կամ պարզապես մոտիվացիայի պակասի պատճառով այս կամ այն նախաձեռնությունը չի ստացվում: Բայց չէ՞, որ կամքի ուժ ցուցաբերում ենք բոլորս ամեն օր յուրաքանչյուր մեծ ու փոքր որոշում կայացնելիս: Այս էպիզոդում Մենք ու Մենք դիտարկել ենք մեր ուժերն ու կանոնները, խոսել և պայքարել վատ սովորությունների ու կախվածությունների դեմ:

    Կամքի ուժ

  4. 02/08/2024

    Աշխատանքի և կյանքի հավասարակշռում

    Այսօր չափից շատ եմ աշխատել... չափից շատ հոգնել եմ.... չափից շատ.... Իսկ ո՞վ է սահմանում աշխատանքի, հանգստի և կյանքի բավարար չափաբաժինը: Հաճախ երկար աշխատանքային օրվանից հետո ընկերների հետ հանդիպման համար անգամ էներգիա չի մնում:  Այս էպիզոդում Մենք ու Մենք փորձում ենք գտնել աշխատանքի և կյանքի միջև սահմանագիծը և հասկանալ` ինչ հետևանքներ կարող է ունենալ այն անցնելը:

    Աշխատանքի և կյանքի հավասարակշռում

  5. 02/01/2024

    Հաճոյախոսություններ

    ⁃ Ձեր աչքերը գեղեցիկ են փայլում: ⁃ Իսկ Դուք շատ հմայիչ ժպիտ ունեք: Հաճելի է, չէ՞: Ինչքա՜ն դրական կդառնա աշխարհը, երբ ավելի հաճախ նկատենք լավն ու գեղեցիկը մեր կողքին: Սակայն, ինչպես յուրաքանչյուր երևույթ, այս մեկը ևս ունի իր հակառակ կողմը. չէ՞, որ լինում են իրավիճակներ, երբ հաճոյախոսությունն անտեղի է կամ սխալ ձևակերպված: Այս էպիզոդում Մենք ու Մենք քննարկում ենք լավագույն և վատագույն կոմպլիմենտները, դրանց ձևաչափերն ու ազդեցությունը:

    Հաճոյախոսություններ

  6. 01/28/2024

    Հեռավորության վրա հարաբերություններ

    Առավելագույնը քանի՞ ժամ կարող եք դիմանալ առանց սիրելիի, իսկ կարո՞ղ եք պատկերացնել ձեր հարաբերությունները կիլոմետրերի հեռավորության վրա: Զգու՞մ եք` ինչպես կարոտեցիք նրան: Այս էպիզոդը հեռավորության վրա հարաբերությունների մասին է կամ այն զույգերի, ում բաժանում են երկրներ ու մարզեր: Ինչպիսի՞ն ենք Մենք ու Մենք հեռավորության վրա:

    Հեռավորության վրա հարաբերություններ

  7. 01/25/2024

    Ինքնուրույնություն

    Անկողինը հավաքել ենք, ամանները լվացել, մնում է միայն կոմունալները վճարել. ինքնուրույնության մասին խոսելու ժամանակն է: Քանի՞ տարեկան էիք, երբ առաջին անգամ ընդունվեցիք աշխատանքի: Հիշեք` ինչքան հաճելի էր առաջին անգամ վաստակած գումարը ծախսելը, իսկ միայնակ ճամփորդության գնալը՞: Այս էպիզոդում Մենք ու Մենք չափում ենք մեր ինքնուրույնությունը, հիշեցնում սեփական որոշումներ կայացնելու կարևորության և անկախ լինելու մասին:

    Ինքնուրույնություն

  8. 01/18/2024

    Միայնություն

    Ե՞րբ ես վերջին անգամ մնացել ինքդ քեզ հետ բացարձակ մենակ: Վաղ թե ուշ բոլորս էլ ուզում ենք աշխարհից կտրվել ու ինքներս մեզ ավելի լավ ճանաչել... ու հենց այդ պահին հայտնվում են բոլոր հնարավոր և անհնար ծանոթ-բարեկամները` իրենց «հո բան չի՞ եղել»-ով ու «բա նորություն չունե՞ս»-ներով: Այս էպիզոդը միայնակ լսելու էպիզոդ է: Փակվե´ք ձեր սենյակում ու լսե´ք, թե ինչ ենք անում Մենք ու Մենք, երբ մենակ ենք:

    Միայնություն
See All (29)

About

Սա փոդքաստ է կանանց և տղամարդկանց տարբեր աշխարհընկալումների մասին:

Information

More From Իմ ռադիո / FM98.3