Le Talisman Brisé (Talkuru Helndu)

Français Facile - RFI
Français Facile - RFI
  • 0.0 (0)
  • Education

Porofeseer Omar, gorko faalaaɗo heccinɗingol sahara on ciwlaama, tawi ko juuriyankooɓe haawniiɓe ciwlii mo. Ka nder sardin ƴewndorɗo Suudu Wiɗto Agromi. Kuwame sardiŋaajo makko on yiitii talkuru  Porofeseer on tawi hindu heli ɗiɗi. Ko holto Porofeseer Omar woni ? Ko holmo jogii ndeya feccere nduu talkuru ? Ngam danndude Porofeseer on e jeerennde nden, Kuwame no jukkii ciwliiɓe ɓen. Himo jogii ella gooto : faransiire makko kelɗaa sanne…

  1. 08/05/2022

    ÑANNDE SAHARAA OO WILITOYTA

    Heɗito henndu ndun, ko Saharaa on woni e woyde. Himo fadii neɗɗo nunɗuɗo, moƴƴuɗo, ballitoowo mo wiltude kadi. Heɗito henndu ndun, ko Saharaa on woni e woyde… Himo yiɗi wiltude. Saharaa on wonaa jeereende wonnoo : o woniino leydi labaandi, kecciri. Yimɓe hoɗunooɓe ton ɓen no teddinnoo tagoodi ndin, hiɓe wuuri nguurndam mbelɗam. Hiɓe mbaañatnoo, hiɓe aynatnoo, hiɓe ndematnoo. Hiɓe yiɗi leydi maɓɓe ndin, leydi maɓɓe ndin no yiɗi ɓe. Yimɓe wudduɓe ngari koɗi : bone naati. Ɓeen yimɓe yiɗaa jam, ko ngalu tan ɓe njiɗi. Hay huunde yonataa ɓe, ɓe jokki e ɓeydugol ngaluuji maɓɓe tan. Ka waaño, ɓe mbarat kulle — naa ko ɓe ñaama, kono ko ko ɓe mantora. Ɓe soppi ladde nden — tawi wonaa ko ɓe ɗuwora toɓo maa naange, ko ko ɓe mahira kuɓeeje laamu. Ko ɓeen yimɓe wudduɓe mbaɗatnoo barmini Saharaa oo. O felliti wontude jeereende. Kono yimɓe hoɗunooɓe ton ɓen eggaani, sabu hiɓe yiɗi leydi ndin. Ɗum weli Saharaa on. Fii yettugol ɓe fii giggol maɓɓe ngol, Saharaa on rokki ɓe ɓulli, rokki ɓe kadi daande maayo Niiseer ngoo. Gila ndeen, Saharaa on no weemi. Heɗito henndu ndun, ko Saharaa on woni e woyde. Himo yiɗi wiltude. Ñannde goo, Saharaa on lamndii mawɗo ganndo : « Honno mi yiitirta ndeen jonnde jam jamaanuuji feƴƴuɗi ? » Ganndo on jaabii : « Wondu e yimɓe nunɗuɓe, moƴƴuɓe, teddinɓe tagoodi ndin. » Ganndo on ɓeydi : « Ñannde goo neɗɗo aroyat. O wuurnita huɗo kon e leɗɗe anndanooɗe e ɗiin jamaanuuji feƴƴuɗi. Ko o neɗɗo nunɗuɗo, moƴƴuɗo. O waɗa nguurndam makko fof e puɗi ɗin. Kono haa aljanna majjunooɗo on heɓtoo, ko maa oon neɗɗo foola, yimɓe wudduɓe ɓen. Ɗum saɗtat haa ɓurta. Kono woodat jeyaaɗo moƴƴuɗo balloyoo mo dartaade caɗeele ɗen haa o foola añɓe makko ɓen. Oon neɗɗo no jogii aawdi mbaawndi wallude ma haa wilitaa kadi. » Heɗito henndu ndun, ko Saharaa on woni e woyde. Himo fadii neɗɗo nunɗuɗo, moƴƴuɗo, ballitoowo mo wiltude kadi.  No teddinirɗen tagudi ndin woo, ko noon njiɗirten ndi, ko noon jeereende nden yaawirta wiltude.

  2. 08/05/2022

    Taƴere 25 : gonɗingol taalol ngol

    Porofeseer Omar okkii hoore mum hitaande fii fuɗɗagol ƴewndooji makko e ɗee leɗɗe, o fuɗɗoo aawugol ɗe e nder sahel oo fow. O heɓan ballal Porofeseer Kuwada e sardiŋaajo makko on, Kuwame e Natali on jaɓuɗo wonugol aynoowo kisal suudu ƴewndorndu ndun. Timmoode : ɓay hitaande feƴƴii, mooɓondiral wamngal waɗi, Porofeseer Omar buumiti, holli njaltudi wiɗtooji makko ɗin. Leggal waawungal mawnude ka nder jeerende ! Taalol ngol ko e laataade woni…

  3. 08/05/2022

    Taƴere 24 : Ɓooyataa hara sahara on hecciɗii kadi

    Natali e Kuwame haɓɓi hooreejo Poliisiiɓe ɓen, waliisi mbuuɗi on hettii. Janngo mum, Kuwame arti ka suudu ƴewndorndu, o jonniti Porofeseer Omar ordinateer makko on, talkure helndu nduu. O jonni mo kadi feccere finnde (kood) nde Porofeseer Kuwada joginoo nden, wallaynde nden haa piilol “Sahara kecco” udditoo.

  4. 08/05/2022

    Taƴere 23 : golle moƴƴuɗe waɗii !

    Poliisiiɓe ɓen giddani ciwliiɓe ɓen, Kuwame fuutini Porofeseer Omar. Ciwliiɓe ɓen nanngaa. Fow timmiri no moƴƴiri… Kono nde ɓe hewti ka komisariya, yiiloowo « GIETA » on taskii o tawi cottaari ndi ujune 100 ero ndin mutii. Ko hooreejo poliisiiɓe ɓen ƴetti waliisi mbuuɗi on ! Himo faalaa yahdude e Natali.

  5. 08/05/2022

    Taƴere 22ɓere : Si njamndi 10:30 feƴƴii haray laawike

    Kuwame ɓaaƴiri dooy Porofeseer Omar, anndini mo wonnde himo ɗon.  On kadi sifanii Kuwame goowaaɗi Fenjugu ballooɓe mum ɓen. O anndini mo ko wataki hommbo ɓe haami arde fii nanngugol ɓe. Kuwame rutti haalani poliissiɓe ɓen ko woni fewjoore Porofeseer on.  O yiltitii kadi o haalini Porofeseerjo on ko e njamndi honndi poliisiiɓe ɓen arata.

  6. 08/01/2022

    Taƴere 21 ɓere: Meɗen heddii caggal maaɗa !

    Ko njamɗe seeɗa heddii fii dandugol Porofeseer Omar ! Kuwame e Polisiiɓe ɓen hewtii Darkoy.  E yi’annde Kuwame, huutorgol helikopteer e oo alhaali no hulɓinii fii danndugol ngurdam porofeseer, ko ɗum waɗi o lamndii yo ɓe accu kanko tun, o yaha o ƴeewa no nokkuure nde woniri. O yi’ii daakorde ciwliiɓe ɓen e porofeseer Omar…

  7. 07/29/2022

    Taƴere 20 ɓere : Kuwame ko holɗum faalaɗaa ?

    Gila ka cuurel kaso makko, Kuwame roɓindii kala o anndi ko faati e ciwlagol Porofeseer Omar. O waɗi ko waawi fow fii yo Poliisi on waɗtu yiila e makko. O haaldi e maɓɓe fii yo ɓe accu o yalta o yahda e maɓɓe ɓayri himo anndi weendu ndun Darkoy. O etii haa ɓe jaɓi naɓorgol mo.

  8. 07/29/2022

    Taƴere 19 ɓere : Natali wi’i wonnde a yahan ka weendu Darkoy

    Natali anndinii poliisi on, ɓe nanngii Kuwame ɓe naadii mo kaso !  Ko gila ka cuurel kaso ngel o sokaa e mum ngel o tawtoraa, e hoore alaa ko o waawi waɗude e ngol heblagol poliisiiɓe ɓen fii yahugol nanngoya ciwliiɓe ɓen. Fii Ɗum ɓe huutori helikopterwal otooje 4x4 e aalaaji kaɓirɗi.

See All (24)

About

Porofeseer Omar, gorko faalaaɗo heccinɗingol sahara on ciwlaama, tawi ko juuriyankooɓe haawniiɓe ciwlii mo. Ka nder sardin ƴewndorɗo Suudu Wiɗto Agromi. Kuwame sardiŋaajo makko on yiitii talkuru  Porofeseer on tawi hindu heli ɗiɗi. Ko holto Porofeseer Omar woni ? Ko holmo jogii ndeya feccere nduu talkuru ? Ngam danndude Porofeseer on e jeerennde nden, Kuwame no jukkii ciwliiɓe ɓen. Himo jogii ella gooto : faransiire makko kelɗaa sanne…

Information

More From Français Facile - RFI