學識開咪

學識 Hok6.com

由網上教育平台「學識Hok6」的幕後團隊製作嘅Podcast。學習知識唔一定要坐定定嚴肅地上堂，有時輕鬆地交流，反而愈講先愈相識。幾個從事知識普及工作嘅人，傾盡時事熱話、社會現象、潮流趨勢，探討生活迷思，一齊唔識學到識。 https://www.hok6.com 成為學識會員，一齊用廣東話學習知識！ ko-fi.com/hok6dotcom 關注學識： FB: https://www.facebook.com/hok6dotcom IG: https://www.instagram.com/hok6dotcom/ -- Hosting provided by SoundOn

  1. EP60｜李白係風流渣男？同杜甫、孟浩然疑似BL？才子私德影唔影響作品？

    May 26

    EP60｜李白係風流渣男？同杜甫、孟浩然疑似BL？才子私德影唔影響作品？

    一講李白，好多人會想到詩仙、飲酒、浪遊、任俠同自由。但如果細看佢嘅感情生活同家庭關係，李白又未必完全係一個容易被道德化讚美嘅人物。佢同孟浩然、杜甫之間嘅深厚情誼，常被後人浪漫化 BL 化；佢嘅婚姻、子女同家庭責任，反而較少被討論。今集我哋想評價李白，再問一個更大嘅問題：一個人寫得出偉大作品，係咪就可以令後人淡化佢生活入面嘅缺失？ 主持：Hugo、獻皿 -- Hosting provided by SoundOn

    35 min
  2. EP59｜《山海經》係古代 Pokémon 圖鑑？ 怪獸、神獸與未知世界

    May 19

    EP59｜《山海經》係古代 Pokémon 圖鑑？ 怪獸、神獸與未知世界

    今日講怪獸，好多人會諗起 Pokémon 或鹹蛋超人。其實人類對怪獸嘅興趣，唔係現代先有。《山海經》入面早就充滿異獸、神人、奇國同遠方世界。佢唔單止似古代怪獸圖鑑，亦反映古人點樣想像地理邊界、自然災異、神獸象徵同未知世界。今集我哋會由現代怪獸文化講到古代神怪想像，睇吓怪獸點樣連繫地理邊界、自然災異、神獸象徵，以及人類面對未知世界時嘅想像力。 主持：Hugo、Leo -- Hosting provided by SoundOn

    37 min
  3. EP58｜AI冇時間感？佢好似活喺過去？記憶、語言、時間錯覺

    May 19

    EP58｜AI冇時間感？佢好似活喺過去？記憶、語言、時間錯覺

    點解 AI 有時冇上網，都可以講到好似掌握「最新」資訊？例如問「目前邊個工具最好用？」「最新研究點講？」「而家有咩趨勢？」AI 通常都會用好肯定、好流暢嘅語氣回答，好似真係知道當下發生緊乜事。 但問題係，句子入面嘅「目前」「最新」「現時」，對AI嚟講，可能只係一種語言格式，一種令人聽落好有權威感嘅現在式，但佢未必能夠掌握到時間同知識之間嘅實際關係。 今集我哋由 ChatGPT 嘅時間錯覺講起，討論AI點解咁難理解時間，佢嘅記憶同人類嘅記憶又有咩唔同？人類其實係點樣表達時間？ 主持：Hugo、啟明 -- Hosting provided by SoundOn

    31 min
  4. EP57｜《左傳》原來咁 juicy？夏姬真係紅顏禍水？

    May 19

    EP57｜《左傳》原來咁 juicy？夏姬真係紅顏禍水？

    一講《左傳》，好多人會先諗到春秋列國、外交辭令、戰爭同政治判斷，好似好嚴肅、好難入口。但其實《左傳》入面唔止有軍國大事，仲有好多人物故事、私情醜聞、權力糾纏，戲劇性有時真係唔輸後世小說。夏姬就係其中一個最出名、亦最具爭議性嘅人物。圍繞佢嘅故事，唔單止有男女關係，仲牽涉政治風波、國家動盪、道德批評，同古代點樣書寫女性。更重要嘅係，夏姬呢個形象唔止停留喺《左傳》，後來《東周列國志》等改編仲進一步加深咗佢作為「紅顏禍水」嘅印象。 主持：Hugo、獻皿 -- Hosting provided by SoundOn

    37 min
  5. EP56｜墨家借屍還魂？由鬼神、技術到道教嘅延續

    May 19

    EP56｜墨家借屍還魂？由鬼神、技術到道教嘅延續

    有一種講法認為，墨家喺漢代之後唔係真正消失，而係部分滲入民間社會，甚至被後來嘅道教吸收。支持呢種講法嘅人會指出：墨家重鬼神、重技術、重組織、重群眾動員；而後來道教同樣好重符籙、治病、驅邪、勸善同號召力。但兩者相似，究竟係真有承接，定其實只係回應咗相近嘅社會需要？今集我哋想由一個更核心嘅問題開始：鬼神究竟係信仰，定係一種社會技術？ 而所謂墨家消失之後，會唔會其實只係換咗個殼，喺另一套宗教同民間力量入面繼續存在？ 主持：Hugo、Leo -- Hosting provided by SoundOn

    39 min
  6. EP55｜《逐玉》粉底液將軍：將軍一定要夠陽剛？古代真係有女兵？

    May 19

    EP55｜《逐玉》粉底液將軍：將軍一定要夠陽剛？古代真係有女兵？

    中國古裝劇《逐玉》男主角飾演將軍，但因為妝容太精緻、外形太過白淨，被部分觀眾同官媒批評為「粉底液將軍」，認為佢太過陰柔，唔符合傳統武將形象。同時，劇入面亦涉及女性將軍設定：古代女性究竟可唔可以帶兵打仗？今集我哋借呢個爭議問一個更值得傾嘅問題：古代將軍真係一定要粗獷、陽剛、滿面風霜？如果由史書、先秦諸子同兵書返轉頭睇，中國古代對將軍同男性美、甚至對女性從軍嘅想像，會唔會比我哋而家以為嘅更加複雜？ 主持：Hugo、獻皿 -- Hosting provided by SoundOn

    31 min
  7. EP54｜文言文竟然係破解AI利器，仲可以慳Token？學古漢語新意義

    May 19

    EP54｜文言文竟然係破解AI利器，仲可以慳Token？學古漢語新意義

    一講文言文，好多人會覺得佢離地、過時、只同考試有關。但最近有研究提出一個幾震撼嘅現象：文言文竟然可以成為 AI 安全嘅盲點。2026 年一篇 ICLR 論文指出，文言文因為高度濃縮、表達隱晦，喺某些情況下可以部分繞過大型語言模型嘅安全約束。甚至有人認為改用文言文可以幫大家慳啲 Token 變相使用ai嘅時候會慳錢啲。呢個現象會唔會反而畀到文言文一種新嘅學習意義？ 主持：Hugo、啟明 -- Hosting provided by SoundOn

    24 min
  8. EP53｜旗袍係傳統定時裝？漢服風潮與女性主義嘅爭議

    May 19

    EP53｜旗袍係傳統定時裝？漢服風潮與女性主義嘅爭議

    好多人會覺得旗袍代表中國服飾，但近年愈來愈多人質疑：旗袍並唔係傳統漢服。咁究竟乜嘢先算「傳統中國服裝」？同時，亦有人覺得旗袍優雅有現代感，反而更能展現女性地位。今集我哋重新理解旗袍嘅意義，討論何謂漢服？何謂正式服裝？身份同權力點樣影響衣著服裝。 主持：Hugo、獻皿 -- Hosting provided by SoundOn

    34 min
See All (59)

About

由網上教育平台「學識Hok6」的幕後團隊製作嘅Podcast。學習知識唔一定要坐定定嚴肅地上堂，有時輕鬆地交流，反而愈講先愈相識。幾個從事知識普及工作嘅人，傾盡時事熱話、社會現象、潮流趨勢，探討生活迷思，一齊唔識學到識。 https://www.hok6.com 成為學識會員，一齊用廣東話學習知識！ ko-fi.com/hok6dotcom 關注學識： FB: https://www.facebook.com/hok6dotcom IG: https://www.instagram.com/hok6dotcom/ -- Hosting provided by SoundOn

Information

  • Channel
    學識 Hok6.com
  • Creator
    學識 Hok6.com
  • Years Active
    2025 - 2026
  • Episodes
    59
  • Rating
    Clean
  • Copyright
    © @學識 Hok6.com
  • Show Website
    學識開咪

More From 學識 Hok6.com

You Might Also Like