Nuus

Kosmos 94.1

Kry die nuus soos dit breek.

  1. -44 МИН

    TalentsBridge 'n brug na Duitsland

    TalentsBridge Namibia, wat in samewerking met die Berlynse Kamer van Handel en Nywerheid en TalentsBridge e.V. bekendgestel is, is daarop gemik om die land se hoë jeugwerkloosheid aan te pak, terwyl dit Duitsland sal help om in sy groeiende vraag na geskoolde werkers te voorsien. Die program sal na verwagting direkte werk in sleutelsektore skep, beginnende met industriële elektriese produkte, groothandel en kleinhandel, en gasvryheid. Catherine Shipushu, woordvoerder van die Namibiese Beleggingsbevorderings- en Ontwikkelingsraad, het aan Kosmos 94.1 Nuus gesê die program skep nuwe paaie na opleiding en internasionale geleenthede vir jong Namibiërs.

    1 мин.

  2. -1 Ч

    VN se Guterres looi Amerika, Israel én Iran

    Die sekretaris-generaal van die Verenigde Nasies, António Guterres, het Israel en Amerika se aanval Saterdag op Iran veroordeel. Tydens ‘n noodvergadering van die VN se Veiligheidsraad in New York, het Guterres ook Iran se teenreaksie veroordeel, veral die skending van die territoriale soewereniteit van Bahrein, Irak, Jordanië, Koeweit, Katar, Saoedi-Arabië en die Verenigde Arabiese Emirate. Guterres sê die oorlog bedreig internasionale vrede en stabiliteit en die belangrikheid van die onmiddellike hervatting van diplomatieke onderhandelings beklemtoon.

    26 сек.

  3. -2 Ч

    Msimanga wil DA-voorsitter wees

    Die DA Gauteng-leier Solly Msimanga het sy kandidatuur vir die party se federale voorsittersposisie aangekondig, wat tans deur die Wes-Kaapse LUR vir landbou, ekonomiese ontwikkeling en toerisme, Ivan Meyer, beklee word. Msimanga het in Pretoria gepraat en klem gelê op die versterking van partystrukture, die interne desentralisering van mag en die voorbereiding vir die komende verkiesing. Die voormalige Tshwane-burgemeester het belowe om partybeginsels te verdedig, terwyl hy verseker dat takke en lede 'n sterker besluitnemingstem het:

    17 сек.

  4. -21 Ч

    Zanzibar-waterprojek 'misplaaste prioriteit', sê AfriForum

    AfriForum sê die regering se goedkeuring van Rand Water se 800 miljoen rand belegging in 'n Zanzibar-waterprojek is 'n bewys van sy misplaaste prioriteite. Die organisasie waarsku terwyl miljoene in die buiteland bestee word, worstel inwoners van Gauteng, Mpumalanga, die Vrystaat en Noordwes steeds met ernstige watertekorte. Marais de Vaal van AfriForum noem die besluit polities-gedrewe en vra die regering om eers plaaslike waterkrisisse aan te pak:

    12 сек.

  5. -21 Ч

    Iran sweer wraak op Israel, Amerika

    Iran het wraak op Israel gesweer ná laasgenoemde vanoggend met lugaanvalle op die land begin het, gerugsteun deur Amerika. Iran beplan ‘n sterk reaksie, het die land se staatsbeheerde televisiekanaal berig. Intussen het die Israeliese weerman bevestig dat missiele van Iran na Israel op pad is. Ontploffings in die noorde van Israel is aangemeld soos die weermag missiele probeer onderskep en die land het ‘n noodtoestand afgekondig. Amerika se president Donald Trump het die land se betrokkenheid in die Iran-aanvalle bevestig:

    1 мин.

  6. -22 Ч

    Ghana wil soldate uit Oekraïne terughê

    Ghana se minister van buitelandse sake, Samuel Okudzeto Ablakwa, het Oekraïne versoek om Ghanese burgers wat vir die oorlog gewerf is, vry te laat. Ten minste 55 Ghanese is dood, met twee wat as krygsgevangenes aangehou word. Na gesprekke met president Volodymyr Zelensky in Kiëf, sê Ablakwa dat ongeveer 272 Ghanese sedert 2022 in die konflik gelok is. Hy het 'n humanitêre beroep gedoen vir die vrylating van twee Ghanese burgers wat as krygsgevangenes gevange geneem is.

    20 сек.

  7. -23 Ч

    Sokker: Namibië se Gladiators teen SA in Cosafa-finaal

    Namibië se vroue-sokkerspan, die Brave Gladiators, kom môre teen Suid-Afrika in die finaal van die Cosafa Vrouebeker te staan. Die Gladiators het Vrydag geskiedenis gemaak deur vir die eerste keer ooit na die eindstryd van dié kampioenskap deur te dring toe hulle Zambië 1-0 in hul semifinaal verslaan het. Môre se wedstryd begin om drie-uur in die Peter Mokaba-stadion in Polokwane. Die Gladiators se afrigter, Lucky Kakuva, het Vrydag só op sy span se oorwinning reageer:

    1 мин.

  8. -1 ДН.

    Nanso ruk op op Otji oor beweerde polisie-aanrandings

    Leerders en die gemeenskap van Otjiwarongo het Vrydag saam met die Namibiese Nasionale Studente-organisasie, Nanso, opgeruk om ‘n petisie aan die polisie te oorhandig as protes teen die onlangse beweerde aanranding van 31 seuns van die Karundu Junior Sekondêre Skool. Nege polisiebeamptes het glo in klastyd by die skool opgedaag rakende selffoondiefstal, die seuns in polisievoertuie gelaai en hulle buite die dorp na bewering met stokke en gordels geslaan. 'n Ondersoek deur die Polisiegedrag- en Ondersoekdirektoraat is van stapel gestuur. Die voorsitter van Nanso in die Otjozondjupa-streek, Sam Murenga, het die petisie voorgelees:

    1 мин.
См. все (150)

Оценки и отзывы

5
из 5
Оценок: 2

Об этом подкасте

Kry die nuus soos dit breek.

Информация

  • Автор
    Kosmos 94.1
  • Годы выхода
    2019 - 2026
  • Выпуски
    150
  • Ограничения
    Без ненормативной лексики
  • Авторские права
    © Kosmos 94.1
  • Сайт подкаста
    Nuus