Nuus

Kosmos 94.1

Kry die nuus soos dit breek.

  1. 13 GIỜ TRƯỚC

    Zanzibar-waterprojek 'misplaaste prioriteit', sê AfriForum

    AfriForum sê die regering se goedkeuring van Rand Water se 800 miljoen rand belegging in 'n Zanzibar-waterprojek is 'n bewys van sy misplaaste prioriteite. Die organisasie waarsku terwyl miljoene in die buiteland bestee word, worstel inwoners van Gauteng, Mpumalanga, die Vrystaat en Noordwes steeds met ernstige watertekorte. Marais de Vaal van AfriForum noem die besluit polities-gedrewe en vra die regering om eers plaaslike waterkrisisse aan te pak:

    12 giây

  2. 13 GIỜ TRƯỚC

    Iran sweer wraak op Israel, Amerika

    Iran het wraak op Israel gesweer ná laasgenoemde vanoggend met lugaanvalle op die land begin het, gerugsteun deur Amerika. Iran beplan ‘n sterk reaksie, het die land se staatsbeheerde televisiekanaal berig. Intussen het die Israeliese weerman bevestig dat missiele van Iran na Israel op pad is. Ontploffings in die noorde van Israel is aangemeld soos die weermag missiele probeer onderskep en die land het ‘n noodtoestand afgekondig. Amerika se president Donald Trump het die land se betrokkenheid in die Iran-aanvalle bevestig:

    1 phút

  3. 15 GIỜ TRƯỚC

    Ghana wil soldate uit Oekraïne terughê

    Ghana se minister van buitelandse sake, Samuel Okudzeto Ablakwa, het Oekraïne versoek om Ghanese burgers wat vir die oorlog gewerf is, vry te laat. Ten minste 55 Ghanese is dood, met twee wat as krygsgevangenes aangehou word. Na gesprekke met president Volodymyr Zelensky in Kiëf, sê Ablakwa dat ongeveer 272 Ghanese sedert 2022 in die konflik gelok is. Hy het 'n humanitêre beroep gedoen vir die vrylating van twee Ghanese burgers wat as krygsgevangenes gevange geneem is.

    20 giây

  4. 16 GIỜ TRƯỚC

    Sokker: Namibië se Gladiators teen SA in Cosafa-finaal

    Namibië se vroue-sokkerspan, die Brave Gladiators, kom môre teen Suid-Afrika in die finaal van die Cosafa Vrouebeker te staan. Die Gladiators het Vrydag geskiedenis gemaak deur vir die eerste keer ooit na die eindstryd van dié kampioenskap deur te dring toe hulle Zambië 1-0 in hul semifinaal verslaan het. Môre se wedstryd begin om drie-uur in die Peter Mokaba-stadion in Polokwane. Die Gladiators se afrigter, Lucky Kakuva, het Vrydag só op sy span se oorwinning reageer:

    1 phút

  5. 17 GIỜ TRƯỚC

    Nanso ruk op op Otji oor beweerde polisie-aanrandings

    Leerders en die gemeenskap van Otjiwarongo het Vrydag saam met die Namibiese Nasionale Studente-organisasie, Nanso, opgeruk om ‘n petisie aan die polisie te oorhandig as protes teen die onlangse beweerde aanranding van 31 seuns van die Karundu Junior Sekondêre Skool. Nege polisiebeamptes het glo in klastyd by die skool opgedaag rakende selffoondiefstal, die seuns in polisievoertuie gelaai en hulle buite die dorp na bewering met stokke en gordels geslaan. 'n Ondersoek deur die Polisiegedrag- en Ondersoekdirektoraat is van stapel gestuur. Die voorsitter van Nanso in die Otjozondjupa-streek, Sam Murenga, het die petisie voorgelees:

    1 phút

  6. 18 GIỜ TRƯỚC

    Verdrag van Walvisbaai vandag 32 jaar oud

    Vandag 32 jaar gelede is die Verdrag van Walvisbaai in 1994 onderteken om die soewereiniteit van dié kusdorp en die 12 Pikkewyn-eilande amptelik van Suid-Afrika na Namibië oor te dra. Dit het 84 jaar van Suid-Afrikaanse beheer beëindig en die VN-Veiligheidsraad se Resolusie 432 van 1978 vervul, wat die hawe weer in Namibië geïntegreer het. Kosmos 94.1 Nuus het met afgetrede weermag luitenant-generaal Martin Shalli gesels oor die betekenis van die hawestad vir Namibië.

    1 phút

  7. 19 GIỜ TRƯỚC

    Copps 94.1: Reho se eerste burger beïndruk met 'safety clusters'

    Rehoboth se burgemeester Justin Coetzee het Vrydagaand by die Copps 94.1-span aangesluit en eerstehands die probleme beleef wat deur veral drankmisbruik op die dorp veroorsaak word. Soos altyd, was Francois Lottering deel van die aksie en doen verslag van die toneel:

    1 phút

  8. 1 NGÀY TRƯỚC

    Die dag wat was, 27 Februarie 2026

    Kry die nuus soos dit breek.

    3 phút
Xem tất cả (150)

Xếp Hạng & Nhận Xét

5
/5
2 Xếp hạng

Giới Thiệu

Kry die nuus soos dit breek.

Thông Tin

  • Nhà sáng tạo
    Kosmos 94.1
  • Năm hoạt động
    2019 - 2026
  • Tập
    150
  • Xếp hạng
    Sạch
  • Bản quyền
    © Kosmos 94.1
  • Trang web chương trình
    Nuus