Profil

Radiotelevisiun Svizra Rumantscha (RTR)

In’ura cun biografias, destins, istorgias ed experientschas da giuven e vegl ch’han da dir u da raquintar insatge.

  1. -4 ДН.

    Selina Solèr: «Jau sun mintgatant da memia per blers»

    Selina Solèr da Mustér lavura en la Clinica psichiatrica da giuvenils a Cuira sco pedagoga d’uffants. Ella sezza ha er patì da depressiuns e ha cun 30 onns survegnì la diagnosa ADHS. Selina Solèr di da sasezza ch’ella è fitg directa e cunquai è ella mintgatant da memia per blers. Quai ha procurà per grevs temps, er gia en scolina e scola. «Blers vegnan gnanc suenter perquai che tut sto ir svelt tar mai», di Selina Solèr en il profil. Uss po ella regular quai meglier. Quest sa cuntegnair ha procurà per resistenza tar ils auters ed ella è sa retratga adina pli fitg, quai che n’ha betg fatg bain ad ella. Quai è ì uschè lunsch ch’ella na pudeva betg pli durmir e la finala betg pli lavurar. Il resultat era ina depressiun. Per sia lavur cun uffants e giuvenils en la Clinica psichiatrica da giuvenils a Cuira po ella profitar da sias experientschas. «Jau sai sco igl è da na betg pudair durmir la notg», di Selina Solèr.» Ed ella sa er tge sforz ch’i dovra en questa situaziun per be far ina chaussa al di, per exempel far la duscha e che quai è gia insatge grond. Tgi che lavura en ina Clinica psichiatrica, ina clinica acuta, sto esser resistent a stress. La situaziun po sa midar dad in mument sin l’auter. Ins na sa betg cura ch’insatgi nov vegn e cun tge problems. Sper quai han er pazientas e pazients ch’èn gia en la clinica basegns. Ed er sch’igl è uss gist tut en urden, po la situaziun cupitgar dad in mument sin l’auter.

    57 мин.

  2. 7 МАР.

    Corsin Demarmels tranter passlung, musica e chant

    Corsin Demarmels (52) chanta, suna e sa mova gugent – da stad cun il velo ed adina pli gugent cun il velo da cursa. Ma d’enviern il pli gugengt cun far passlung al Maraton da skis engiadinais – e quai gia per la 26avla giada. Passlung, musica e chant Corsin Demarmels sa mova, chanta e suna gugent. Da stad è el da viadi cun il velo ed adina pli gugent cun il velo da cursa. D’enviern è il passlung sia grond'amur – insumma saja il passlung il sport da famiglia. «Far sport dat energia» ed sin il pli tard in per meters suenter la partenza dal marathon, saja quai in sentiment tut special. Quai saja er il motiv pertge che l’um da 52 onns va schon per 26avla giada a la partenza. Il chant en il Chor viril Surses saja insatge per l’olma ed il sunar la posauna bass en la Musica instrumentala Salouf, Mon, Stierva saja mademamain insatge per cuminanza ed olma, raquinta l’um cun atgna fatschenta a Cuira, ch’ha schon reglà ussa sia successiun da la firma.

    58 мин.

  3. 25 ФЕВР.

    Corsin Blumenthal: «Fatalissem fiss la fallada reacziun»

    La politica da pussanza è enavos ed ils dretgs umans èn sut squitsch. E tuttina datti persunas che na sa laschan betg decuraschar. Ina da quellas è Corsin Blumenthal oriund da Morissen. L’um da 38 onns lavura tar la fundaziun Swiss Peace a Basilea. Là sustegna el tranter auter organisaziuns en l’America latina tar l’organisaziun e digitalisaziun d’archivs. Quels èn impurtants per lavurar si il passà, sclerir malfatgs e render responsabel las persunas culpantas. En il «Profil» da RTR raquinta Corsin Blumenthal da ses viadis en l’America latina e pertge che la lavur d’organisaziuns umanitaras è oz fitg impurtanta.

    55 мин.

  4. 18 ФЕВР.

    Donat Albin: «Las uniuns dattan vita a Trun»

    El è cussegliader da facultad tar la Banca Raiffeisen Cadi. En ses temp liber viva Donat Albin per ses hobis e per il sport: «La fermezza da Trun èn las uniuns», di il president da l'Uniun da scursalets Trun. El raquinta da sias visiuns per la patinera, dal plaschair dal hockey e da ses viadis. En ses temp liber viva il cussegliader da facultad per sias uniuns: «La fermezza da Trun èn las uniuns. I sa mussa adina puspè che las uniuns tegnan ensemen per realisar projects en vischnanca», di il president da l’Uniun da scursalets Trun. La stagiun dal glatsch natiral a Pustget saja bain curta, dentant fitg intensiva - cun bels puncts culminants sportivs che gartegian grazia a bler idealissem dals commembers e da las commembras. La passiun per il hockey sin glatsch è vegnida messa en tgina a Donat Albin: «Cura ch'jau era pitschen, passentava mes bab praticamain tut l’enviern sin il glatsch. Oz è il hockey era mia gronda passiun, ed jau hai plaschair che nossa uniun giauda buna accoglientscha tar la populaziun». Donat Albin raschuna da sia passiun per il sport, da viadis, da sia musica, ma era dal plaschair vid sia lavur sco cussegliader da facultad ed insumma da sia vita privata e professiunala.

    57 мин.

  5. 11 ФЕВР.

    «La musica ha fatg crescher nossa amicizia»

    Severin Tönett dad Ardez, Anna Capranetti da Ftan e Simon Koller dad Ardez, trais giuvenils da 16 e 17 onns èn la Rümli Gang. Ina furmaziun da musica populara ch'i dat uss dapi quatter onns. La musica populara è la gronda fascinaziun dal trio.

    57 мин.

  6. 6 ФЕВР.

    Franco Cavegn: da l’olimpionic al manager d’events

    Avant bel e bain 20 onns ha il skiunz lumnezian terminà sia carriera, era pervia da diversas blessuras. Uschia n’ha Franco Cavegn era betg pli pudì realisar il siemi da participar a ses quarts gieus olimpics il 2006 a Turin, insatge che haja dà ditg da morder. Durant var in decenni è el però stà in dals megliers skiunzs svizzers da la cursa rapida ed ha cuntanschì 35 giadas in plaz sut ils top 10. Malgrà ch’il grond success ha mancà, p.ex. cun gudagnar ina cursa da la cuppa mundiala, ina medaglia a campiunadis mundials u a gieus olimpics, saja el losch da sia carriera. Dapi blers onns viva Franco Cavegn cun sia famiglia a Maiavilla. Il sport è adina restà sia gronda passiun. Oz organisescha el cunzunt events da sport sco heliskiing en il Canada u navigar a vela en Svezia, dasperas è chavaltgar in da ses gronds hobis. Plinavant producescha l’anteriur skiunz sursilvan in agen vin.

    59 мин.

  7. 28 ЯНВ.

    Alfredo Lupo Wolf: «Che jau sun adoptà sai jau pir intgins onns»

    Il moderatur, affarist e magister da skis patentà da San Murezzan, ha encletg la relaziun disturbada cun ses geniturs pir avant var 5 onns. Alfredo Wolf, savens pli enconuschent sco «Lupo» Wolf è oriundamain da Samedan. Dentant ha el decidì en la vegliadetgna da sis onns dad ir a star tar la famiglia Ronchi a Schlarigna. Quai er causa ch’el na sa sentiva betg bain en l’atgna famiglia. La premissa dals geniturs era dentant, ch’el stoppia ir a scola a Samedan, sa regorda l’um da 71 onns. Daco che la relaziun cun ses geniturs e la sora n’era betg buna e cordiala, sa Alfredo Lupo Wolf entant declerar meglier. Pir avant intgins onns ha el numnadamain realisà tras in’emissiun da televisiun d’ina chasa per uffants a Lai, ch’el na deriva betg da la famiglia Wolf, mabain ch’el è vegnì adoptà. Gugent fiss Alfredo Lupo Wolf daventà pilot. Quai n’hajan ils geniturs dentant betg lubì e sfurzà el da far in emprendissadi sin banca. Silsuenter haja el cumenzà da rebellar cun far festa, rock'n'roll e marihuana durant plirs onns. I saja er stà in'opposiziun encunter ses geniturs, reflectescha l'um sportiv. Entant maina il magister da skis patentà dapi plirs decennis in’atgna agentura per ils pli differents eveniments en val. Tranter auter er faschond sez moderaziuns da las cursas da chavals sin il Lai schelà da San Murezzan u organisond nozzas en Engiadina.

    57 мин.

  8. 24 ЯНВ.

    Anita Simeon: Architectura, schurnalissem e bler auter

    Anita Simeon Lutz (53) è creschida si a Lantsch e viva oz cun ses dus fegls a Neerach en il chantun Turitg. La Surmirana è architecta ETH ed anteriura schefredactura dal magazin per architectura, design e cultura d’abitar «Das ideale Heim». Anita Simeon Lutz ha dentant er auters interess che l'architectura. Ella è ina da las fundaturas ed organisescha las emnas da design Turitg. Sia incumbensa principala dentant è il mument la lavur sco schefredactura da la revista dals samaritans svizzers. Ditg è ella er stada organisatura dals Dis da litteratura rumantschs. Il motiv ch'ella è sa retratga ha er da far cun il destin da ses um. Avant 10 onns è el mort sieva d'ina malsogna maligna.

    59 мин.
См. все (15)

Об этом подкасте

In’ura cun biografias, destins, istorgias ed experientschas da giuven e vegl ch’han da dir u da raquintar insatge.

Информация

  • Автор
    Radiotelevisiun Svizra Rumantscha (RTR)
  • Годы выхода
    2015 - 2026
  • Выпуски
    15
  • Ограничения
    Без ненормативной лексики
  • Авторские права
    © 2026 SRG SSR
  • Сайт подкаста
    Profil

Еще от провайдера «RTR – Radiotelevisiun Svizra Rumantscha»

Вам может также понравиться