Profil

Radiotelevisiun Svizra Rumantscha (RTR)

In’ura cun biografias, destins, istorgias ed experientschas da giuven e vegl ch’han da dir u da raquintar insatge.

  1. 23 thg 6

    Mirjana Negrini: «S’entupar è per mai sco respirar»

    Cuminanza – quai saja insatge dal pli prezius ed impurtant per Mirjana Negrini. Ed il pli gugent vivia ella questa cuminanza cun chantar en in chor. E cuminanza ha ella er en ses mintgadi da lavur, en la canorta d'uffants a Savognin, nua ch'ella entaupa mintgamai bleras pitschnas fatschas rientas. Che Mirjana Negrini è sa tschentada en Surses è dentant stà in pau ina casualitad. Pertge che cura ch'ella è vegnida cun 16 onns l'emprima giada da la Serbia en Svizra, vuleva ella atgnamain mo far vacanzas. Sch’ins discurra cun ella, sent'ins ina gronda confidenza en la vita. Ma la dunna da 63 onns enconuscha era las varts stgiras e tristas. Avant 10 onns ha ella pers sia figlia pervi d'ina greva malsogna.

    53 phút

  2. 19 thg 6

    Ina halla da glatsch daventa sala da concert

    Durant la festa dal prim avost l'onn 2021 è l’idea naschida, tut spontanamain, sa regorda il co-iniziant ed oz president da l’Uniun Scuol Classics, Andrea Matossi. Da realisar mintga dus onns in festival d’auta qualitad cun plirs concerts en la halla da glatsch Gurlaina a Scuol s’è verifitgà.

    57 phút

  3. 12 thg 6

    «Jau avess prest laschà amputar la chomma»

    En sia vita ha Jon Fadri Carpanetti da Crusch/Sent stuì prender inqual storta. L’anteriur lutgader activ ed ussa dapi blers onns trenader da lutga ha emprendì lainari e bostger. In accident da hockey al ha lura dentant sfurzà d’emprender er anc pur. L’accident da hockey pareva l’entschatta ina bagatella. Jon Fadri Carpanetti ha survegnì in puck en la stgaina. L’emprim mument ha el pensà: «Quai n’è nagut». La chomma è dentant s’unflada, a la fin ha el stuì ir tar il medi, e lura èn seguidas numerusas operaziuns. Adina puspè ha Jon Fadri Carpanetti gì tissientadas dal sang. Il mal è restà. Tranteren è quel stà uschè ferm ch’el ha ponderà da laschar amputar la chomma. Ozendi patratga Jon Fadri Carpanetti dentant auter. El di a sasez: «Quai ha stuì esser uschia, per insatge è quai bun». Il bab da duas mattas ha emprendì da viver cun il mal ed el giavischa per il futur da vegnir a frida anc meglier cun quel e da forsa far ina giada in viadi en il Canada per fabritgar era là chasas cun laina radunda. Per el sez ha Jon Fadri Carpanetti gia fabritgà ina tala chasa.

    57 phút

  4. 2 thg 6

    Bernard Cathomas: «L’idea è adina stada dad unir ils Rumantschs»

    Sco directur dad RTR ha Bernard Cathomas schlargià radio RTR da 14 sin 24 uras, construì la chasa da medias rumantscha avant 20 onns ed implementà la purschida online. Sco secretari da la Lia Rumantscha è el s’engaschà politicamain per il rumantsch ed el è il «bab» dal rumantsch grischun. Tut ils engaschis professiunals da Bernard Cathomas han gì l’idea dad unir Rumantschas e Rumantschs. Quai vala per las Scuntradas rumantschas, per il svilup dad ina gasetta quotidiana, per la lescha da linguas che dat al rumantsch in statuts ferm ed era per la creaziun dal rumantsch grischun. «Jau sun stà quel ch’ha in zic inizià, in zic stuschà, in zic fatg las discussiuns e guardà che las cundiziuns sajan dadas», di Bernard Cathomas en il «Profil». El n’haja betg fatg tut sulet. RTR Avant 20 onns ha RTR pudì inaugurar la chasa da medias rumantscha. Quels da la televisiun na sajan betg vegnids gugent en chasa nova, sa regorda l’anteriur directur dad RTR. Els avevan sviluppà in’autra cultura da manaschi che quella dal radio rumantsch. «Dentant sch’ins è pitschen, na ston ins betg anc sa sparter», manegia Bernard Cathomas. «Ins na sto betg anc sa far pli pitschen che quai ch’ins è. Ils pitschens ston empruvar da sa far pli ferms, da mussar lur fermezza cun concentrar las forzas. E quai ha duvrà bleras discussiuns, blera motivaziun, bler insister.» Lia Rumantscha Il 1980 è Bernard Cathomas vegnì elegì sco secretari da la Lia Rumantscha. El ha inizià il rumantsch grischun. Il cumenzament ha questa lavur pudì vegnir fatga senza grondas dispitas e resistenza. Ma enturn ils onns 1990 hai cumenzà a dar attatgas massivas envers Bernard Cathomas. I fetschia impressiun da survegnir smanatschas da mort. «Ed jau hai era gì tema», conceda l’anteriur secretari da la Lia Rumantscha. Questas agressiuns sajan dentant mo vegnidas da paucas persunas.

    59 phút

  5. 28 thg 5

    Lisa Delikaris-Monn: «L’accident ed il yoga han midà mia vita»

    En sasez ha la Tuatschina da 33 onns emprendì fisioterapeuta. Pervi d’in grev accident da velo che avess bunamain custà la vita ad ella, ha ella scuvert il yoga. Oz – 9 onns suenter il grev accident – è ella scolasta, terapeuta, docenta da yoga ed autura. Proximamain cumpara ses emprim cudesch da yoga. En il «Profil» raquinta la mamma dad ina figlia da 4 onns , co ch’ella ha chattà sia via en il yoga, dentant er en la vita.

    1 giờ 13 phút

  6. 19 thg 5

    Jachen Prevost: «Jau hai lavurà clandestinamain»

    43 onns ha Jachen Prevost lavurà en differentas funcziuns per RTR. El ha inscuntrà tranter auter Roland Kaiser ed è be per il nair da l’ungla mitschà da la mort. L’emissiun «Battaporta» da radio RTR era ils onns 1980 in labor. «Nus pudevan empruvar ora chaussas, nus eran fitg independents», di Jachen Prevost che ha cumenzà a lavurar tar RTR il 1983 en la redacziun da novitads. Ma ses grond giavisch era da far «Battaporta» – quai ch’el ha cumenzà a far clandestinamain, senza ch’ils superiurs savevan. Attentat da bumba Suenter la midada uffiziala tar la redacziun dal «Battaporta» saja el stà cuntentischem. Ma er Jachen Prevost ha adina lavurà per pliras emissiuns u redacziuns. Sper «Battaporta» e novitads è quai era stada la redacziun da sport. En quest connex è el stà il 1996 als gieus olimpics ad Atlanta ed è mitschà be per pauc da la mort. Sin in banc han el e collega Tona Poltera vis in satgados ed els èn chaminads vinavant. Forsa 200 meters pli tard hai dà in sfratg ed els han sentì l’unda da pressiun en il dies. Diagnosa Il 2017 è Jachen Prevost vegnì confruntà cun ina diagnosa ch’è stada in grond schoc: in tumor en il torax. In tumor betg uschè privlus, dentant in che pasava 3,8 kilos e che ha stuì vegnir operà. Il tumor vegn ad accumpagnar Jachen Prevost per vita duranta. Quel crescha adina puspè e cunquai dovra el er adina puspè terapias.

    58 phút

  7. 15 thg 5

    Claudio Cadonau: il transfer dal glatsch en biro

    Claudio Cadonau ha giugà bunamain 20 onns hockey sin il pli aut nivel, tranter auter per ils ZSC Lions, ils SCL Tigers, l’EHC Bienna u l’EV Zug. En tut quels onns ha il Turitgais da 37 onns pudì festivar trais titels da campiun svizzer. Avant in onn ha Cadonau terminà sia carriera, el è dentant restà fidaivel al hockey sin glatsch. Dapi la primavaira 2025 è el schef da sport dals Rapperswil-Jona Lakers. Quai saja in ulteriur privilegi, di Claudio Cadonau che n’ha mai pudì dar hockey tar in club grischun, malgrà ch’el ha ina stretga relaziun cun Vuorz. Da là deriva sia mamma e Cadonau passenta uschia era bler temp liber ed ina gronda part da sias vacanzas en Surselva, quai ensemen cun sia famiglia. Da chasa è l’anteriur defensur però restà a Langenthal, nua ch’el ha era giugà duas giadas durant sia lunga carriera. Sco schef da sport tar ils Lakers è Claudio Cadonau oz en ina nova posiziun ed ha ina nova rolla. La passiun per il hockey e la finamira n’èn dentant betg sa midadas.

    59 phút

  8. 7 thg 5

    Renato Netzer: «Il cornet è per mai il pli bel instrument»

    Renato Netzer (26) è cornetist cun corp ed olma. El suna en differentas furmaziuns – en la Musica instrumentala Savognin, la Brass Band Cazis e natiralmain er en la musica militara, en la Swiss Armed Forces Central Band. Il giuven Surmiran sa mova uschia tranter differentas classas, qualitads e sfidas da la musica instrumentala. Ina premiera spetga el dentant il matg. Anc mai n’è el stà ad ina festa da musica federala. Bienna è damai ina premiera. Là vegn el a star a la testa ed a manar ils musicists e las musicistas da Savognin en la concurrenza da marschar.

    59 phút
Xem tất cả (15)

Giới Thiệu

In’ura cun biografias, destins, istorgias ed experientschas da giuven e vegl ch’han da dir u da raquintar insatge.

Thông Tin

  • Nhà sáng tạo
    Radiotelevisiun Svizra Rumantscha (RTR)
  • Năm hoạt động
    2015 - 2026
  • Tập
    15
  • Xếp hạng
    Sạch
  • Bản quyền
    © 2026 SRG SSR
  • Trang web chương trình
    Profil

Nội Dung Khác Của RTR – Radiotelevisiun Svizra Rumantscha

Có Thể Bạn Cũng Thích