Dinngiral rewɓe

RFI Fulfulde

Ñannde talaataare kala, RFI Fulfulde no hokka konngol rewɓe e taskaramha mum noddirteeka « Dinngiral Rewbe ».  Yontere kala men yahan yiidugol e rewɓe jokkuɓe fannuuji golle sertuɗe. Keɗoɗen ɓe seeditanoo en, mbawka maɓɓe, faamuuji ɗi ɓe jogii e laawi ɗi ɓe rewi.  E nder kaa taskaramha en yewtan kadi alhaali wonndiigu hakkunde rewɓe e worɓe. En taskoto, tefen anndugol ko honno ɓe wuuridi e nder renndooji Afrik. E nder renndooji aduna e noone kuuɓal.

  1. 4 DAYS AGO

    Ko honɗum woni battane ɓeydagol coggeeli uyki wano gaz defirɗo e nguurdam ɓee rewɓe?

    Tedduɓe heɗiiɓe rfi fulfulde, bissimila mon e yewtere men Dinngiral Rewɓe. Toɓɓere yewtere ndee hannde, tiiɗallaaji ngonɗi e leyɗe men Afrik. e ɗii lebbi ana taskaa ɓeydagol cogguuli gaz defirɗo, ƴulɓe, tiiɗugol cogguuli ko ñaamete. Hooreeɓe yoga jaati, hooreeɓe ɓe nantini ngol ɓeydagol.On alhaali ana tiiɗani sanne rewɓe, holko peeje ɓe kaani ɓe ɓami e ɓuytude caɗeele tiiɗalla goduɗo. Ndee wonno e yonte ƴaɓɓiiɗe, seppooji ngaɗi to Mauritanie ngam mettininde ɓeygugol ɗii cogguli.E jonnde ndee, eɗen gonndi e Djeneba Dia, jannginowo to Nouackcott lamorngo Mauritanie. Koɗo men hannde, ko Fatoumata DIALLO, malinaajo Yewtere ndee joɗɗike, bisilamon e heɗaade.

    10 min

  2. 14 APR

    [fillitaaɗo]: Toɓɓere yeewtere men hannde, ana haala fii alhaali rewɓe waɗuɓe golleeji lobbi yeru e Hadja Aicha Ba Diallo, jaagorɗo kiiɗɗo jannde e needi to Gine

    Tedduɓe heɗiiɓe rfi fulfulde, bisimilla mon e yeewtere men dingiral rewɓe. Toɓɓere yewtere ndee hannde, ana haala fii alhaali rewɓe waɗude golleeji lobbi e semmbinde ɓamtaare rewɓe e nder leyɗe men Afrik. Hannde e yeewtere men, eɗen njaɓɓii gooto e maɓɓe Hadja Aicha Bah Diallo, jeyaaɗo Gine.

    10 min

  3. 7 APR

    Hannde taskaram men yeewtata ko e teŋe, ko debbo tottate koo hade dewgal humeede

    Tedduɓe heɗiiɓe rfi fulfulde, bisimila-mon e yewtere men dinngiral rewɓe. Toɓɓere yewtere ndee hannde, ana haala fii alhaali teŋe dewgal, wonɓe biyan cabbirɗi. Oo fina tawa gonɗo leyɗe men, ko huunde teddunde sanne, rokkude ɗee teŋe woni fuɗɗode dewgal.   Duuɓi ƴaɓɓiiɗi ɗi, ɗii cabbirɗi ana tiiɗuno, ka jooni ɗun warti wasodirgol, moni kala ana yiɗi wiye kañun ɓuri hokkude jawdi teeŋti e kaalisi teŋe dewgal. Yalla so oo aada mawɗo e leyɗe men warti ngal ɓurondirngal, eɗen mbaawi wiide teddungal heddaaki e ɗe tenŋe. Hoko haani waɗeede ngam wartude e ko woduno arane e on alhaali. E yewtere ndee, eɗen njaɓi Pr Alpha Amadou Bano Barry, sociologue renndoyanke jannginoowo to université mo Sonfonia to Conakry laamorgo Gine.

    10 min

  4. 31 MAR

    Debbo waawande hoore mum, mbele eɗum waawi falaade fitinaaji pawateeɗi e dow rewɓe?

    Tedduɓe heɗiiɓe rfi fulfulde, bisimila-mon e yewtere men dinngiral rewɓe. Toɓɓere yewtere ndee hannde, ana haala fii alhaali rewɓe ɓamtiiɓe e jawdi e nder dewle maɓɓe. Eɗen anndi, rewɓe heewɓe wonɓe e dewle ana ngolla, woɗɓe ana ngaɗa njeeygu, ngam heɓude kalalis e wallitaade cuuɗi maɓɓe. Hono yiruɗon ɓee rewɓe, yalla ngal ballal jawdi ngal ngaɗata e dewle, cuuɗi maɓɓe ana waawi lataade sabaabu, ŋotude toraaji ngaɗeete e dow maɓɓe. Yalla ɗun ana wadda mbelamma hakkunde worɓe e rewɓe ɓe e ley galleeji. E yewtere ndee hannde, eɗen njaɓi Mme Doucouré Asmaou BAH, ardiiɗo kala ko faati e tourisme kañun e hotaali e nder Gine. Ko kanko woni koɗo men hannde. Yeewtere ndee joɗɗike bisilamon e heɗaade

    10 min

  5. 24 MAR

    Hannde eɗen njeewta e no renndo ngo yiirata ɓee rewɓe ɓe ngalaa e dewle, maa ndewlaaka law

    Tedduɓe heɗiiɓe rfi fulfulde, bisimila-mon e yeewtere men dinngiral rewɓe. Toɓɓere yewtere ndee hannde, ana haala fii heɓude rewɓe ɓe ngalaa e dewle, na mbiyen ɓe ɓamaaka law. Eɗen anndi on alhaali ana taska e renndo ngo ko ɓooyi e nder leyɗe men. Ɓee rewɓe ana ngonndi e caɗeele mawɗe, saabi noneeji haalaaji keewɗi ana haale e dow maɓɓe, konngi ɓuri manude woni, ɓe rewɓe yiiɗa dewle, ko ɓe suɓotooɓe ? woɓɓe ɗun ana laato sabaabu rafi paamondiral e koreeji maɓɓe.   Holko saabi renndo, ana yiiri ɓe rewɓe no haana ? ko haani waɗeede ngam ɗowtude ɓe rewɓe wonɓe e on alhaali. Hannde e yeewtere ndee, njaɓɓiɗen ko Dr Halima Diallo, oo sociologue maa mbiyen renndoyanke, jannginoowo to duɗal jaaɓi-haattirdi Cheikh Anta Diop Dakar. Yeewtere ndee joɗɗike Bisimila mon e heɗaade.

    10 min

  6. 17 MAR

    Mauritanie: rewɓe ɓee nana ɗaɓɓa sariya ndeenka maɓɓe

    Yeewtere men Dinngiral Rewɓe, hannde, ana haala fii heɓude rewɓe Mauritanie hakkeeji maɓɓe e bannge sariya, so ɓe ndañii caɗeele. Eɗen anndi e ɗii duuɓi, caɗeele keewɗe ana taskaa e yoga e leyɗe Afrik, ɗun woni dolugol walla yenugol rewɓe. Wonɓe ana heɓɓa caɗeele e dewle maɓɓe, ko ɓuri e leyɗe men afrik sariyaaji ɓamaama ngam tottude rewɓe ɓee hakkeeji maɓɓe so ɓe tooñaama. To Mauritanie, tafon rewɓe ndii leydi heɓaali ɗii sariyaaji. Ɗun so tawi eɓɓoore ana woodi e fannu ana fotta duuɓi kewɗe jooni, ka faa jooni oo, eɓɓore noddiraade karama wotaake. Holko saabi ɗun ? Holno ɓee rewɓe leydi Mauritanie toñaaɓe ngaɗata ngam heɓde sariya. E yewtere ndee, eɗen njaɓɓo hoɓɓe ɗiɗon, kadiatou Moussa SOW, ko ɗowtoowo ɓee rewɓe dolaaɓe e ɗaɓude sariya. Koɗo men ɗiɗaɓo oo ko Kadiata Malick Diallo, depiteeji na en biiyan sarɗiyanke to Mauritanie, omo haɓono hakkeeji rewɓe.

    10 min

  7. 10 MAR

    Toɓɓere yeewtere men hannde, ana haala fii alhaali rewɓe waɗuɓe golleeji lobbi yeru e Hadja Aicha Ba Diallo, jaagorɗo kiiɗɗo jaŋde to Gine

    Tedduɓe heɗiiɓe rfi fulfulde, bisimilla-mon e yeewtere men dingiral rewɓe. Toɓɓere yewtere ndee hannde, ana haala fii alhaali rewɓe waɗude golleeji lobbi e semmbinde ɓamtaare rewɓe e nder leyɗe men afrik. Hannde e yeewtere men, eɗen njaɓɓii gooto e maɓɓe Hadja Aicha Ba Diallo, jeyaaɗo Gine. Oo jannginiino chimie, hade makko waɗeede jaagorɗo kalfinaaɗo jannde, on sahaa o waɗii golleji mawnuɗi teeŋti e ɓeydude adadu sukaaɓe rewɓe janngooɓe. Aicha Ba Diallo golli e salndu ONU darnude jannde e fitina tawa Unesco, o heɓiino mbuuñaari Mo Ibrahim. Ko oo debbo dariiɗo silmi en. Yewtere ndee joɗiike, bisimilla mon e heɗaade

    10 min

  8. 3 MAR

    [Taskaram fillitaaɗo] Renndo: alhaali ɓee rewɓe nannduɓe e worɓe loñeteeɗe sera sabu mbaadi maɓɓe

    Tedduɓe heɗiiɓe rfi fulfulde, bissimila-mon e yewtere men dinngiral rewɓe. Toɓɓere yewtere ndee hannde, ana haala fii alhaali rewɓe nannduɓe e worɓe.Rewɓe yoga, ana joggi mbaadi worko, bannge terɗe, haala,  woɓɓe e maɓɓe no  joggii waare.Ko ɓuri heewude fuf e leyɗe Afrik ɗe, ɓe rewɓe  ana joggii caɗeele e renndo, ɗun ana haɗi yoga e maɓɓe heɓude dewgal. Ɗum waɗa woɓɓe kadi loñee sera. Siftinde alhaali oo atletjo siidafriknaajo noddirteeɗo "Caster Semenya" , honorooɓe ( nannduɓe e maɓɓe no ɗuuɗi), nantini jaati ko foolondira e worɓe atleeɓe saabi mbaadi makko. Holko saabii waylital terɗe maɓɓe, e ko holno  ɓe haani ɗowtireede.E jonnde men ndee hannde  eɗen gonndi e Cherif Mariam Aidara anndiraaɗo e Mbappe Kolda, saabi omo nanndi e gorko.Koɗoɗen hannde e yewtere ko Dr Ibrahima Sory Barry, "Endocrinologue" hertoriiɗo e alhaali e hormone. Yewtere ndee joɗɗiike, bisilamon e heɗaade.

    10 min
See All (26)

About

Ñannde talaataare kala, RFI Fulfulde no hokka konngol rewɓe e taskaramha mum noddirteeka « Dinngiral Rewbe ».  Yontere kala men yahan yiidugol e rewɓe jokkuɓe fannuuji golle sertuɗe. Keɗoɗen ɓe seeditanoo en, mbawka maɓɓe, faamuuji ɗi ɓe jogii e laawi ɗi ɓe rewi.  E nder kaa taskaramha en yewtan kadi alhaali wonndiigu hakkunde rewɓe e worɓe. En taskoto, tefen anndugol ko honno ɓe wuuridi e nder renndooji Afrik. E nder renndooji aduna e noone kuuɓal.

Information

  • Channel
    RFI Fulfulde
  • Creator
    RFI Fulfulde
  • Years Active
    2021 - 2026
  • Episodes
    26
  • Rating
    Clean
  • Copyright
    © France Médias Monde
  • Show Website
    Dinngiral rewɓe

More From RFI Fulfulde