Faggudu e ɓamtaare Afrik

RFI Fulfulde

RFI Fulfulde heblanan on yontere kala, taskaram yewtanɗo fii faggudu. En jokkoto mbayliiguuji waɗanɗi e nder dunuyaaru hella ka faggudu e battane ko ɗum woni accude e nder renndooji. Ngalu, ɓamtaare, luumooji Afrik e winndere, ɗii fow fensitete, laɓɓinee e nder ndii njuɓɓudi. Sincuɓe kafalji, yiilooɓe sosiyeteeji, hertiyankooɓe, laamɓe, yeeyooɓe, soodooɓe e kala dillooɓe baŋŋe faggudu aran seeditoo e oo taskaram.

  1. 1 DAY AGO

    Ko holɗum ngol koolol MASA woni e battinande yeeyo arɓe tawtoreede e ngol koolol

    Ngonɗen ko Cote d’Ivoire, e nder ɗee galle pinal woni Palais de Culture mo Abidjan ngam tawtoreede MASA hitaande 2026. MASA, ko koolol ñeeñal Afrik. Mo wiyi haala ko faati e jime e gami, kono kadi faggudu ndu heedataa heen caggal. MASA ko jeere yeeyoore ɓeen yimooɓe, amooɓe ... ekn. MASA kadi ko jeere ɗo geɗe keewɗe njeeyate (comci, paɗe, laafaaji, e geɗe keewɗe goɗɗe tawo ko ñeeñe Afrik). Ko ɗum woni mbaadi walla toɓɓere yeewtere men hannde e nder taskaram faggudu e Ɓamtaare Afrik. En njeewtidii e yeyooɓe  heewɓe, ummiiɓe e leyɗeele goɗɗe, ngari ɗoo e MASA.

    10 min

  2. 16 APR

    Nafkugol jaaynirɗe: ko holno ɗee mejaaje woni e heɓirde jawle ko wuurna ɗe?

    Tedduɓe heɗiiɓe rfi fulfulde, onoon e jam. Oon calminaama, oon njettaama kala ɗo mbaawuɗon taweede e heɗaade e oo wakkati, ndee yewtere, Faggudu e ɓamtaare Afrik. Hannde en njewtan e dow keɓe jawdi jayndeeji men…eɗen anndi, ndeen mballiigu laamu, publiciteeji e mballa heɗetooɓe, ƴeewooɓe e janngooɓe ɗiin jaayndeeji mballanno no ɗi nguurdi. Hannde, annde keɗe ɗe, facebook, youtube, tik tok ekn ngaddii alhaali keso, ko saabi jaayndeeji tawaaɗi ɗi fuu mbaylii koɗal, naa mbaasi keɓe mum en. Eɗen njaɓɓii hannde Ibrahima Allaye Tiocary jaayndeyanke Mali ardiiɗo N’DAR TV e Nouhou Baldé administrateur Guinéematin.com.

    10 min

  3. 9 APR

    Hannde yeewtere men ana fawii e tiiɗallaaji ɗi awooɓe njogii e gollal mum en

    Tedduɓe heɗiiɓe rfi fulfulde, onon e jam. On calminaama, on njettaama kala ɗo mbaawuɗon taweede e heɗaade e oo wakkati, ndee yewtere, Faggudu e ɓamtaare Afrik. Hannde yeewtere nde ana fawii e tiiɗallaaji ɗi awooɓe njogii e gollal mum en. Hakkunde 10, 11 e 12 lewru nayoɓordu hitaande 2026, hawriinde mawnde hakkunde awooɓe immiiɓe e leyɗe keewɗe : Sénégal, Mali, Gambie, Guinée e goɗɗe. Enɗam Subalɓe noddi ndee hawriinde, nde e muuɗum eɓe njiɗi anndinde kala tiiɗallaaji ɗi ɓe njogi e noddude dabareeji laatiiɗi yalla eɓe keɓa ɓamtaare e ngal gollal. Eɗen njaɓɓi Amadou Tera Sarr ardiiɗo waalde Enɗam subalɓe e Balla Sall, oo awoowo jooɗiiɗo Kanel, ɗoo e Sénégal. Nii woni yewtere nde, bisimilla moon !

    10 min

  4. 2 APR

    Ko woni sabaabu ngol taƴugol kuuran wakkati fuu e nder leyɗe men Afrik?, hannde ko ndee toɓɓere njeewtaten

    Tedduɓe heɗiiɓe rfi fulfulde, onoon e jam. On calminaama, on njettaama kala ɗo mbaawuɗon taweede e heɗaade e oo wakkati, ndee yeewtere, Faggudu e ɓamtaare Afrik. Hannde en njewtan e dow kabaaru kuran e ley leyɗe men ɗe. Eɗen anndi ko ɓuri jaalaade e leyɗe ɗe taƴugol kuuran ana taykee e keewal.   Ko woni sabaabu ngol taƴugol kuuran wakkati fuu? Ko saabi jaati coggu kuuran ana tiiɗi e leyɗe men ɗe? E hoɗum saabi kuuran huuɓaali nokkuuje ɗe fuu? En njaɓɓoto Abdoulaye DIA koolaaɗo kuuɓal WAPP, ndee gollirde hiirnaange Afrik daraniinde reendinde gollirɗe kuuran Afrik hiirnaange. Nii woni yewtere nde, bisimilla moon !

    10 min

  5. 26 MAR

    Hannde en njewtan e dow tiiɗallaaji e banngal faggudu keɓaaɗi e baawuɗi heɓeede e ɗii fitnaaji gooduɗi hakkunde Iran-Israél e Amerik

    Tedduɓe heɗiiɓe rfi fulfulde, onoon e jam. Oon calminaama, oon njettaama kala ɗo mbaawuɗon taweede e heɗaade e oo wakkati, ndee yewtere, Faggudu e ɓamtaare Afrik. Hannde en njewtan e dow tiiɗallaaji e banngal faggudu keɓaaɗi e baawuɗi heɓeede e ɗii fitnaaji gooduɗi hakkunde Iran-Israél e Amerik. Hello aranndeewo ngo en njewtii e dow tiiɗallaaji faggudu taykaaɗi e ley adunaaru ndu fuu. Hello ɗiɗoɓo hannde ngo en njewta e dow tiiɗallaaji taykaaɗi e baawuɗi taykeede e ley ruunde afrik nde.   Eɗen njaɓɓii koɗo men hannde, Alhassane Mariam Diallo fagguduyanke jeyaaɗo Guinée. Nii woni yewtere nde, bisimilla moon!

    10 min

  6. 19 MAR

    Hare Israel-Amerik e Iran ina adda caɗeele keewɗe e dow faggudu Afrik e faggudu aduna oo

    E ndee yeewtere, Faggudu e ɓamtaare Afrik, en njeewtan e dow tiiɗallaaji e banngal faggudu keɓaaɗi e baawuɗi heɓeede e ɗii fitinaaji goonuɗi hakkunde Iran-Israél e Amerik. Jeewte ɗiɗi jokkondirɗe, caɗeele ɗee e faggudu Afrik e caɗeele ɗee e faggudu adunaaru nduu fuu. Hello araneewo ngoo hannde, en njeewtan e dow caɗeele faggudu adunaaru nduu saabe ngoo haɓo Iran-Israél e Amerik. Eɗen njaɓɓii koɗo men hannde, Alhassane Mariam Diallo fagguduyanke, jeyaaɗo to Guinée.

    10 min

  7. 5 MAR

    Taskaram men yeewtata hannde ko e ɗii cumuuji gaɗooji bonanndaaji mawɗi e ley gese, e cumuuji duu bonnooji ladde to Guinee

    Tedduɓe heɗiiɓe rfi fulfulde, onoon e jam. Oon calminaama, oon njettaama kala ɗo mbaawuɗon taweede e heɗaade e oo wakkati, ndee yewtere, Faggudu e ɓamtaare Afrik. Hannde en njewtan e dow ɗii cumuuji gaɗooji bonanndaaji mawɗi e ley gese, e cumuuji duubonnooji ladde.   E keɓe jawdi torra majjum ana mawni. To Guinée, e wakkati fuu cumu immoto e gese, bonna jawdi maɓɓe fuu. En keɗoto heɓuɓe ɗii torraaji e hono ɗum waawirta sakkeede? En njaɓɓoto Bekaye Keita e Mouctar Sylla, ɓee ɗiɗon fuu remooɓe Kindia to Guinée.

    10 min

  8. 26 FEB

    Toɓɓere yeewtere men hannde faati ko e ɗii luumooji walla jeereeji cumuuji e nder Afrik

    Faggudu e ɓamtaare Afrik, hannde, en njewtan e dow ɗii luumooji/jeereeji cumooji wakkati fuu e ley leyɗe men ɗee. Ana taykaa e laabi keewɗi cumuuji ana ngaɗa e jeereeji keewɗi Afrik. E ko ɓooya tan en tinii ko waɗi Mali, cumu ngoo luumo Madina Coura. Fadde ɗum, cumuuji ngaɗii e jeereeji Conakry to Guinée, goɗɗi to Burkina e Cote d'Ivoire e nokkuuje keewɗe goɗɗe. Miɗon jaɓɓii Cherif Mohamed Abdallah Haidara hooreejo GOHA International, ndee waalde gollirante en jawdi. Immoraade Mali, miɗo jaɓɓii Bassirou Coulibaly e Imam Kane yeeyooɓe e ley luumo Madina Coura.

    10 min
See All (24)

About

RFI Fulfulde heblanan on yontere kala, taskaram yewtanɗo fii faggudu. En jokkoto mbayliiguuji waɗanɗi e nder dunuyaaru hella ka faggudu e battane ko ɗum woni accude e nder renndooji. Ngalu, ɓamtaare, luumooji Afrik e winndere, ɗii fow fensitete, laɓɓinee e nder ndii njuɓɓudi. Sincuɓe kafalji, yiilooɓe sosiyeteeji, hertiyankooɓe, laamɓe, yeeyooɓe, soodooɓe e kala dillooɓe baŋŋe faggudu aran seeditoo e oo taskaram.

Information

More From RFI Fulfulde