Profil

Radiotelevisiun Svizra Rumantscha (RTR)

In’ura cun biografias, destins, istorgias ed experientschas da giuven e vegl ch’han da dir u da raquintar insatge.

  1. vor 21 Std.

    Barla Aumer: «Jau dovr aua, bler sulegl ed in vast orizont»

    Dapi sia pensiun viva la Sursilvana Barla Aumer cun ses partenari a Roseto degli Abruzzi. Ses siemi saja adina stà da viver in di sper la mar u almain insanua sper in lai. Ella dovria spazi ed aria e bler, bler sulegl. Avant sis onns hai dà per Barla Aumer e ses partenari Hans-Jörg la chaschun da sa chasar a Roseto degli Abruzzi , in bellezia lieu cun vista sin la mar e cun ils culms da las Abruzzas en vischinanza. Qua giauda la dunna da 71 onns , ch'ha lavurà sco igienicra da dents, la quietezza ed il viver en e cun lade natira. Tar a gronda chasa tutga numnadamain era in grond curtin cun tutta sorts pumera,140 plantas d'olivas e 10 giats. Il invista en questa vita da pensiunaria dat il Profil .

  2. vor 21 Std.

    Eder Lala: «Il ballape ha gidà en ils temps grevs e dirs »

    Il ballape gioga ina rolla centrala en la vita dad Eder Lala, quai davent da la naschientscha. Il num Eder ha ses bab dà damai ch’el era ina grond fan da l’equipa naziunala brasiliana.

  3. vor 2 Tagen

    Flurin Isenrig: «Per mai n'hai mai dà insatge auter che l'art»

    Il figl da Toja Isenring viva dapi ch'el ha 18 onns sco artist en l'Italia. «Arte» dal «renascimiento» e Leonardo da Vinci è il motiv daco ch'il giuven Flurin è da sias uras en la vegliadetgna da 18 onns ì da Laax a Firenza per studegiar art. L'access a l'art haja el segir franc chattà entras sia mamma Toja Isenring ch'ha sia vita duranta adina lavurà sco artista, dentant era entras ses aug Pader Flurin Maissen, che haja pussibilità ad el da dissegnar ed experimentar artisticamain durant ses temp sco student en la scola claustrala. Oz viva l'um da 73 onns ordaifer da Roma a Vetralla, amez la natira sin ina collina en ina gronda chasa ch'el ha endrizzà cun grond gust e senn per estetica. In'invista en sia vita dat il Profil.

  4. vor 4 Tagen

    Luis Bischoff: «A Venezia pudain era viver fitg simpel»

    L'Engiadinais da Lavin viva dapi 5 onns a Venezia. «Amore» è era il motiv ch'ha manà l'Engiadinais da Lavin a Venezia e quai tras sia partenaria Laura, ch'ha collavurà durant ses studi cun in'artista da vaider da Venezia.Ed uschia èn els dus restads en questa citad, l'emprim sco pèrin e dapi tschintg onns era sco geniturs da dus uffants pitschens). Entant che sia dunna lavura oz per il consulat svizzer a Venezia, pendulescha l'um da 43 onns regularmain sco architect d'interiurs e scenograf tranter Venezia e la Svizra. Co quest spagat tranter famiglia e lavur, tranter Italia e Svizra ves'ora udis en il Profil.

  5. vor 6 Tagen

    Lisa Falkenstein: «Jau era ina selvadia»

    «Amore» è il motiv daco che la Jaura viva uss dapi 26 onns a S. Maria la Longa, in pitschen vitg datiers dad Udine. Ses «Gabriele» ha la dunna da 57 onns emprendì d'enconuscher avant 38 onns sin il cunfin a Müstair. L'anteriur «carabiniere» lavurava sin cunfin e la bella dunna cun chavels blonds en la drogaria sin cunfin. Malgrà ch'il talian da Lisa era – sco ella di – a l'entschatta miserabel, han lur egliadas e sentiments tanschì per sa chattar. Oz è Gabriele pensiunà e Lisa lavura anc adina cun grond gust en ina granda firma da spediziun, lur dus uffants Nicolas e Selina sun creschids ed han tuts dus in ferm liom cun il Friaul e la Val Müstair e tavellan cun granda superbia era Jauer. Dapli da la vita en ibella Italia udis en il Profil.

  6. 7. Juli

    Silvana Beer: «I na dat mai nagut da far»

    Dapi il favrer 2024 maina Silvana Beer il campadi Fontanivas a Mustér. Avant ha ella blers onns lavurà en la branscha da segiradas, saja quai a Turitg ma er in onn a Madrid. La plazza sco manadra dal campadi a Mustér n’ha Silvana Beer betg tschertgà. Quella saja vegnida tar ella, di la dunna da 33 onns en il profil dad RTR. Avant che vegnir a Mustér ha ella lavurà en Spagna e suenter avair dà giu la plazza vegnida a Mustér sin il campadi cun ses camper. Ils dis sco manadra dal campadi èn lungs, dis libers scarts. Bleras differentas lavurs èsi da far il medem mument e tuts vulan insatge. Pudair focusar sin ina chaussa è impurtant ed er da priorisar fitg bain las lavurs. Ses satgados ha Silvana Beer er emplenì cun experientschas da viadis, er viadis fitg simpels senza grond luxus – senza electricitad, senza internet. Da l’autra vart giauda ella magari er in pèr dis luxurius per vesair la differenza tranter quels munds. Per ella èsi impurtant da prender ord mintga level, mintga cultura, mintga religiun insatge.

  7. 3. Juli

    Lucas Lombriser e sia finamira ambiziusa

    Il cosmolog svizzer Lucas Lombriser ha ina finamira ambiziusa: En l'anteriura Porta Alpina a Sedrun duai dar in experiment che cumprova l'existenza da la materia stgira. Cun perscrutaziun innovativa ed in lieu unic pudess il project revoluziunar las basas da la fisica.

  8. 23. Juni

    Mirjana Negrini: «S’entupar è per mai sco respirar»

    Cuminanza – quai saja insatge dal pli prezius ed impurtant per Mirjana Negrini. Ed il pli gugent vivia ella questa cuminanza cun chantar en in chor. E cuminanza ha ella er en ses mintgadi da lavur, en la canorta d'uffants a Savognin, nua ch'ella entaupa mintgamai bleras pitschnas fatschas rientas. Che Mirjana Negrini è sa tschentada en Surses è dentant stà in pau ina casualitad. Pertge che cura ch'ella è vegnida cun 16 onns l'emprima giada da la Serbia en Svizra, vuleva ella atgnamain mo far vacanzas. Sch’ins discurra cun ella, sent'ins ina gronda confidenza en la vita. Ma la dunna da 63 onns enconuscha era las varts stgiras e tristas. Avant 10 onns ha ella pers sia figlia pervi d'ina greva malsogna.

Alle anzeigen (15)

Info

In’ura cun biografias, destins, istorgias ed experientschas da giuven e vegl ch’han da dir u da raquintar insatge.

Informationen

  • Erstellt von
    Radiotelevisiun Svizra Rumantscha (RTR)
  • Jahre aktiv
    2015 - 2026
  • Folgen
    15
  • Bewertung
    Unbedenklich
  • Copyright
    © 2026 SRG SSR
  • Sendungswebsite
    Profil

Mehr von RTR – Radiotelevisiun Svizra Rumantscha

Das gefällt dir vielleicht auch