បទសម្ភាស

RFI ខេមរភាសា / RFI Khmer
  • 0.0 (0)
  • NEWS
  • UPDATED DAILY

បទសម្ភាស​ជាមួយ​​អ្នក​នយោបាយ តំណាង​សង្គម​ស៊ីវិល ឬ​អ្នកឯកទេស​ផ្សេងៗ ដើម្បី​និយាយ​ពី​ព្រឹត្តិការណ៍​សំខាន់ៗ ដែល​កើតមាន​ឡើង​នៅ​ក្នុង​ប្រទេស​កម្ពុជា។

  1. 6 HR AGO

    លោកស្រី ឆាយ ស៊ីវលីន៖ កម្ពុជាងាកទៅពង្រឹងវិស័យទេសចរណ៍ជាមួយឡាវ និងវៀតណាម

    ក្រសួងទេសចរណ៍កម្ពុជា និងឡាវបានឯកភាពគ្នាជំរុញការផ្សព្វផ្សាយទីផ្សារទេសចរណ៍រួមគ្នាតាមរយៈយុទ្ធនាការ «ប្រទេសពីរ គោលដៅតែមួយ»។ អ្នកជំនាញផ្នែកទេសចរណ៍មើលឃើញថា កម្ពុជាកំពុងងាករកច្រកយុទ្ធសាស្ត្រផ្សេងទៀតក្រៅពីថៃ ដើម្បីពង្រឹងវិស័យទេសចរណ៍ក្នុងអំឡុងពេលដែលខ្លួនកំពុងមានជម្លោះព្រំដែនជាមួយថៃ។ នៅក្នុងកិច្ចសម្ភាសជាមួយវិទ្យុបារាំង RFI នាថ្ងៃទី១៧ ខែធ្នូ ឆ្នាំ២០២៥នេះ លោកស្រី ឆាយ ស៊ីវលីន ប្រធានសមាគមទេសចរណ៍កម្ពុជាបានថ្លែងថា ការពង្រឹងវិស័យទេសចរណ៍ជាមួយឡាវ និងវៀតណាម គឺជាយុទ្ធសាស្ត្រ​បត់បែនទៅតាមកាលៈទេសៈ ខណៈយុទ្ធនាការផ្សព្វផ្សាយទេសចរណ៍រួមគ្នាជាមួយថៃត្រូវបានផ្អាក៕

    10 min

  2. 10 DEC

    លោក វ៉ាត់ ចំរើន៖ អាស៊ានគោរពការសម្រេចរបស់កម្ពុជាក្នុងការដកខ្លួនពីស៊ីហ្គេមនៅថៃ

    នៅថ្ងៃទី១០ ខែធ្នូ ឆ្នាំ២០២៥នេះ ប្រទេសកម្ពុជាបានសម្រេចដកខ្លួនជាផ្លូវការពីការប្រកួតកីឡាស៊ីហ្គេម លើកទី៣៣ នៅប្រទេសថៃ ក្រោយសាច់ញាតិរបស់កីឡាករ កីឡាការិនីសម្តែងនូវការព្រួយបារម្ភពីសុវត្ថិភាព។ ជាការព្រួយបារម្ភ ខណៈកម្ពុជា និងថៃកំពុងប្រយុទ្ធគ្នា ដោយប្រដាប់អាវុធនៅតាមព្រំដែននៃប្រទេសទាំងពីរ។ នៅក្នុងកិច្ចសម្ភាសជាមួយវិទ្យុបារាំង RFI នាថ្ងៃទី១០ ខែធ្នូ ឆ្នាំ២០២៥នេះ ពីទីក្រុងបាងកកប្រទេសថៃ លោក វ៉ាត់ ចំរើន រដ្ឋលេខាធិការក្រសួងអប់រំ និងជាប្រធានប្រតិភូកីឡាកម្ពុជាបានបញ្ជាក់ថា ក្រៅពីហេតុផលសុវត្ថិភាព អត្តពលិកកម្ពុជាមិនបានរងនូវការគម្រាមកំហែងអ្វីផ្សេងទៀតទេ ខណៈកម្ពុជាបានបំពេញកាតព្វកិច្ចការទូតកីឡា តាមរយៈការចូលរួមកិច្ចប្រជុំនានា និងពិធីបើកកីឡាស៊ីហ្គេមលើកទី៣៣៕

    7 min

  3. 3 DEC

    លោក ធួន ស៊ីណាន៖ ដើម្បីទាក់ទាញទេសចរ កម្ពុជាត្រូវបំបាត់អំពើឆបោកអនឡាញ និងផ្សព្វផ្សាយពីទេសច

    កាលពីថ្ងៃទី២ ខែធ្នូ ឆ្នាំ២០២៥ រដ្ឋាភិបាលកម្ពុជា បានឯកភាពជាគោលការណ៍ ផ្តល់ការលើកលែងទិដ្ឋាការសាកល្បងចំពោះពលរដ្ឋចិន ដែលធ្វើដំណើរចេញពីប្រទេសចិន ដោយផ្តល់រយៈពេលស្នាក់នៅកម្ពុជាចំនួន ១៤ថ្ងៃ។ គម្រោងសាកល្បងមានរយៈពេល៤ខែ គិតចាប់ពីថ្ងៃទី១៥ ខែមិថុនា ដល់ថ្ងៃទី១៥ ខែតុលាឆ្នាំ២០២៦ ដោយនៅក្នុងនោះ ជនជាតិចិនគ្រាន់តែបំពេញ E-Arrival Card។ នៅក្នុងកិច្ចសម្ភាសជាមួយវិទ្យុបារាំង RFI នៅថ្ងៃទី៣ ខែធ្នូ ឆ្នាំ២០២៥នេះ លោក ធួន ស៊ីណាន ប្រធានសមាគមទេសចរណ៍អាស៊ីប៉ាស៊ីហ្វិកបានចាត់ទុកថា គម្រោងសាកល្បង លើកលែងទិដ្ឋាការចំពោះអ្នកទេសចរចិន គឺជាកាដូដ៏ធំ ដែលរដ្ឋាភិបាលផ្តល់ដល់វិស័យទេសចរណ៍។ ប៉ុន្តែ ដើម្បីសម្រេចគោលដៅនេះ លោក ធួន ស៊ីណាន បញ្ជាក់ដែរថា រដ្ឋាភិបាល និងអ្នកពាក់ព័ន្ធត្រូវរួមគ្នាដោះស្រាយបញ្ហាចម្បង ២ចំណុច គឺបំបាត់អំពើឆបោកតាមអនឡាញ និងបង្កើនការផ្សព្វផ្សាយពីគោលដៅទេសចរណ៍សុវត្ថិភាព៕

    13 min

  4. 27 NOV

    លោក សឺន យឿង៖ វៀតណាមត្រូវតែស៊ើបអង្កេតករណីស្លាកស្នាមលើផ្ទៃមុខពលរដ្ឋខ្មែរក្រោម

    តុលាការវៀតណាម នៅថ្ងៃទី១៨វិច្ឆិកា បានកាត់ទោសពលរដ្ឋ និងព្រះសង្ឃ ៣អង្គ/នាក់ដាក់ពន្ធនាគារម្នាក់ៗចំនួន៣ឆ្នាំ​កន្លះ​​​។ ការសម្រេចនេះបានរងស្រោចដោយប្រតិកម្ម និងការថ្កោលទោសពីសំណាក់សមាគមខ្មែរកម្ពុជាក្រោម រួមទាំងសហគមន៍អន្តរជាតិមួយចំនួន​។ នៅក្នុងបទសម្ភាសជាមួយវិទ្យុបារាំងអន្តរជាតិ នាថ្ងៃព្រហស្បតិ៍ទី២៧ ខែវិច្ឆិកានេះ លោក សឺន យឿង ប្រធានសមាគមខ្មែរកម្ពុជាក្រោមដើម្បីសិទ្ធិមនុស្ស និងអភិវឌ្ឍន៍ បានឲ្យដឹងថា ពលរដ្ឋខ្មែរក្រោមនៅតែបន្តរងការធ្វើទុក្ខបុកម្នេញពីសំណាក់អាជ្ញាធរវៀតណាមតាមផ្លូវច្បាប់។ បន្ថែមពីនេះ លោក សឺន យឿង បានស្នើឲ្យរដ្ឋាភិបាលវៀតណាម បើកការស៊ើបអង្កេតដោយឯករាជ្យ ចំពោះករណីស្លាកស្នាមលើផ្ទៃមុខពលរដ្ឋខ្មែរក្រោមមួយរូប ដែលស្តែងឱ្យឃើញ​នា​​គ្រាដែលអាជ្ញាធរវៀតណាម​នាំទៅ​កាត់ទោសកាលពីថ្ងៃទី១៨ខែវិច្ឆិកា​។

    11 min

  5. 26 NOV

    ស៊ុន រដ្ឋា​សង្ឃឹមត្រលប់​ទៅកម្ពុជាវិញ តែប្តេជ្ញាមិន​បោះបង់ចោលសកម្មភាពការពារបរិស្ថាន

    ស៊ុន រដ្ឋា សមាជិកសកម្មរបស់ចលនាមាតាធម្មជាតិតែម្នាក់គត់ដែលបានរត់គេចខ្លួនចេញពីប្រទេសកម្ពុជា ខណៈពេលសកម្មជន៥រូបរបស់ចលនាមួយនេះត្រូវចាប់ដាក់ឃុំក្នុងពន្ធនាគារ ក្នុងទោសរួមគំនិតក្បត់ជាតិ។ តាំងពីថ្ងៃចន្ទដើមសប្តាហ៍នេះ អង្គការការពារសិទ្ធិមនុស្សAmnesty International France បានអញ្ជើញស៊ុន រដ្ឋាឲ្យមកចូលរួមនៅក្នុងយុទ្ធនាការសិទ្ធិសរសេរ និងបំពេញទស្សនកិច្ចនៅប្រទេសអឺរ៉ុបមួយចំនួន ដូចជាបារាំង ប៊ែលហ្សិក និងស៊ុយអែត។ នៅទីក្រុងប៉ារីស ប្រទេសបារាំងស៊ុន រដ្ឋា កាលពីថ្ងៃអង្គារទី ២៥វិច្ឆិកា បានជួប និងរៀបរាប់ប្រាប់អ្នកតំណាងកិច្ចការអាស៊ានរបស់ក្រសួងការបរទេស ពីស្ថានភាពរបស់សកម្មជន របស់ចលនាមាតាធម្មជាតិដែលកំពុងជាប់ក្នុងពន្ធនាគារ ក៏ព្រោះតែបុព្វហេតុការពារបរិស្ថាន និងសិទ្ធិរបស់ប្រជាជនភាគតិច។ #ចលនាមាតាធម្មជាតិ #បរិស្ថាន #ការពារព្រៃឈើ #បូមខ្សាច់ #ទូកនេសាទវៀតណាម #ស៊ុនរដ្ឋា

    21 min

  6. 24 NOV

    បណ្ឌិត អឿង ចន្ថា៖ ក្រសួងមិនលើកទឹកចិត្តឲ្យកសិករបង្កើនការធ្វើស្រែក្នុងតំបន់គ្មានអាងទឹក

    ការសាងសង់អាងទឹកលេខ២ ស្ថិតនៅលើស្ទឹងប្រម៉ោយក្នុងស្រុកភ្នំក្រវ៉ាញ ខេត្តពោធិ៍សាត់ដែលជាអាងទឹកធំជាងគេមានទំហំជាង ២៦ម៉ឺនហិចតា និងអាចស្តុកទឹកបានរហូតដល់ ៨៦០លានម៉ែត្រគូបនឹងត្រូវបញ្ចប់នៅឆ្នាំ ២០២៧។ នៅក្នុងកិច្ចសម្ភាសជាមួយវិទ្យុបារាំង RFI នាថ្ងៃទី២៤ ខែវិច្ឆិកា ឆ្នាំ២០២៥ នេះ លោកបណ្ឌិត អឿង ចន្ថា អនុរដ្ឋលេខាធិការ និងជាអ្នកនាំពាក្យក្រសួងធនធានទឹកបានឲ្យដឹងថា ខេត្តពោធិ៍សាត់នឹងលែងលិចលង់ និងមិនខ្វះទឹកធ្វើស្រែទេនៅពេលអាងទឹក​លេខ ២សាងសង់រួចរាល់។ តែលោកបណ្ឌិត អឿង ចន្ថា ថា ក្រសួងនៅតែមិនលើកទឹកចិត្តឲ្យកសិករបង្កើនការធ្វើស្រែលើសផែនការសម្រាប់តំបន់ណាដែលមិនទាន់មានអាងស្តុកទឹក៕

    10 min

  7. 20 NOV

    លោក វ៉ាត់ ចំរើន៖ កម្ពុជានឹងចូលរួមប្រកួតកីឡាស៊ីហ្គេមនៅថៃ ក្រោមកិច្ចការពារសន្តិសុខពិសេស

    ប្រមុខរដ្ឋាភិបាលកម្ពុជាបានសម្រេចកាលពីពេលថ្មីៗនេះ អនុញ្ញាតឲ្យប្រតិភូ និងអត្តពលិកកម្ពុជាចូលរួមការប្រកួតកីឡាអាស៊ីអាគ្នេយ៍(ស៊ីហ្គេម) លើកទី៣៣ នៅប្រទេសថៃ ដែលនឹងប្រព្រឹត្តទៅចាប់ពីថ្ងៃទី៩ ដល់ទី២០ ខែធ្នូ ឆ្នាំ២០២៥។ នៅក្នុងកិច្ចសម្ភាសជាមួយវិទ្យុបារាំង RFI នាថ្ងៃទី២០ ខែវិច្ឆិកា ឆ្នាំ២០២៥នេះ លោក វ៉ាត់ ចំរើន រដ្ឋលេខាធិការក្រសួងអប់រំ និងជាអគ្គលេខាធិការគណៈកម្មាធិការជាតិអូឡាំពិកកម្ពុជាបានបញ្ជាក់ថា ម្ចាស់ផ្ទះថៃបានអះអាងរួចហើយពីការធានាសន្តិសុខឲ្យបានល្អសម្រាប់ប្រតិភូកីឡាស៊ីហ្គេមគ្រប់ប្រទេសទាំងអស់ និងមានកិច្ចការពារសុវត្ថិភាពជាពិសេសសម្រាប់ប្រតិភូ និងកីឡាករកម្ពុជា៕

    12 min

  8. 3 NOV

    លោក លី វណ្ណៈ៖សៀមរាបបង្កើតកម្មវិធីផ្សេងៗជំនួសការអុំទូកដើម្បីផ្តល់សន្ទុះវិស័យទេសចរណ៍

    ចាប់ពីថ្ងៃទី៤ ដល់ទី៦ ខែវិច្ឆិកា ឆ្នាំ២០២៥ រដ្ឋបាលខេត្តសៀមរាបមិនមានរៀបចំព្រះរាជពិធីបុណ្យអុំទូក បណ្តែតប្រទីប និងអកអំបុក-សំពះព្រះខែ ដូចរាល់ឆ្នាំទេ។ នៅក្នុងកិច្ចសម្ភាសជាមួយវិទ្យុបារាំងអន្តរជាតិ RFI នាថ្ងៃទី៣ ខែវិច្ឆិកា ឆ្នាំ២០២៥នេះ លោក លី វណ្ណៈ អ្នកនាំពាក្យសាលាខេត្តសៀមរាបបានបញ្ជាក់ថា ជំនួសឲ្យបុណ្យអុំទូក សាលាខេត្តបានរៀបចំកម្មវិធីមួយចំនួនដូចជា ជិះទូកកម្សាន្តលើស្ទឹងសៀមរាប ផ្សារទឹក ប្រគំតន្ត្រីស្គរដៃ ការតាំងពិព័រណ៍ ប្រដាល់គុនខ្មែរ ល្ខោនបាសាក់ និងកម្មវិធីកម្សាន្តផ្សេងៗជាច្រើនទៀត។ គោលដៅនៃការរៀបចំពិធីទាំងនេះ គឺដើម្បីឲ្យមហាជនបានកម្សាន្ត និងជួយជំរុញវិស័យទេសចរណ៍។

    7 min
See All (26)

About

បទសម្ភាស​ជាមួយ​​អ្នក​នយោបាយ តំណាង​សង្គម​ស៊ីវិល ឬ​អ្នកឯកទេស​ផ្សេងៗ ដើម្បី​និយាយ​ពី​ព្រឹត្តិការណ៍​សំខាន់ៗ ដែល​កើតមាន​ឡើង​នៅ​ក្នុង​ប្រទេស​កម្ពុជា។

Information

More From RFI ខេមរភាសា / RFI Khmer

You Might Also Like