Vikulokin RÚV

Sunna Valgerðardóttir ræðir við Friðrik Jónsson, sérfræðing í öryggismálum, um uppreisn Wagner-hersins í Rússlandi. Gestir í hljóðstofu eru þau Jón Gunnarsson, fyrrverandi dómsmálaráðherra Sjálfstæðisflokks, Jóhann Friðrik Jóhannsson, þingmaður Framsóknarflokks, og Þorbjörg Sigríður Gunnlaugsdóttir, þingkona Viðreisnar. Þau ræða Rússland, ríkisstjórnarsamstarf á völtum fótum, gagnrýni Framsóknar og Sjálfstæðisflokks á ákvörðun ráðherra VG um að banna hvalveiðar og Íslandsbankasöluna. Brot úr viðtali við Eirík Bergmann stjórnmálafræðiprófessor um ríkisstjórnarsamstarfið á Morgunvaktinni heyrist líka. Tæknimaður Vikulokanna er Jón Þór Helgason.

Sunna Valgerðardóttir ræðir við Hildu Jönu Gísladóttur, bæjarfulltrúa og varaþingmann Samfylkingarinnar á Akureyri, Sigurð Kristinsson, prófessor í heimspeki og siðfræði við Háskólann á Akureyri, og Þórarinn Inga Pétursson, þingmann Framsóknarflokksins og bónda. Þau ræða söluna á Íslandsbanka og afleiðingar hennar, siðfræðina í stjórnmálunum, ríkisstjórnarsamstarfið og brothætt traust almennings á þeim sem ráða. Þátturinn er sendur út frá RÚV á Akureyri og tæknimaður í Efstaleiti er Joanna Warzycha.

Hallgrímur Indriðason ræðir við Oddnýju Harðardóttur þingmann Samfylkingarinnar, Vilhjálm Árnason þingmann Sjálfstæðisflokksins sem er staddur á Akureyri og Þorstein Sæmundsson fyrrverandi þingmann Miðflokksins. Rætt er um jarðhræringar á Reykjanesskaga, Lindarhvolsmálið og samstarfið í ríkisstjórninni. Tæknimaður er Jón Þór Helgason.

Höskuldur Kári Schram ræðir við Fannar Jónasson bæjarstjóra Grindavíkur, Halldóru Fríðu Þorvaldsdóttur forseta bæjarstjórnar Reykjanesbæjar og Gunnar Axel Axelsson bæjarstjóra Voga um meðal annars jarðhræringar og eldgosið á Reykjanesskaga, viðbúnað við gosstöðvar og gasmengun.

Tæknimaður er Kári Guðmundsson.

Höskuldur Kári Schram ræðir við Þorstein Víglundsson forstjóra og fyrrverandi félagsmálaráðherra, Helgu Jónsdóttur bæjarfulltrúa í Kópavogi og fyrrverandi ráðuneytisstjóra og Guðmund Hrafn Arngrímsson formann Leigjendasamtakanna um eldgosið á Reykjanesskaga, fasteigna- og húsaleigumarkaðinn, efnahagsmál og Íslandsbankamálið.

Tæknimaður er Joanna Warzycha.

Gestir Vikulokanna eru Stefán Pálsson, sagnfræðingur og varaborgarfulltrúi, Pétur Markan biskupsritari og Áslaug Hulda Jónsdóttir, aðstoðarmaður háskóla-, iðnaðar- og
nýsköpunarráðherra. Rætt var um lagalega óvissu við framlengingu á skipan biskups, ónáægjuraddir innan Sjálfstæðisflokksins sem hafa fengið nóg af stjórnarsamstarfinu við Vg, menningarstríðin í bíóhúsunum, fréttir af hugsanlegu kuldaskeiði á Íslandi og hitabylgjum í Evrópu, ferðaþjónustu og sorphirðu.
Tæknimaður var Kormákur Marðarson.