Aupa Bizkaia

Bizkaia Irratia
Bizkaia Irratia
  • 0.0 (0)
  • News
  • Complete

Asteburuetako goizak lasai baina informauta eta ondo pasauta hasteko irratsaioa. Albisteak, eguraldia, trafikoa, alkarrizketak…

  1. 3d ago

    Dantza Bertikalaren 4. Topaketak nazinoarteko hainbat artista bildu dauz Bilbon

    Errekaldeko El Fango kiroldegia esperimentazino gune bihurtu da egun honeeetan Europa osotik etorritako dantzari eta koreografoentzat. Dantza Bertikalaren 4. Topaketa eguenean hasi zan eta domekara arte emonaldiak, tailerrak, hitzaldiak eta mahai-inguruak eskainiko dabez, dantza bertikalaz gozatzeko, eta gero eta ezagunagoa dan disziplina horretan murgiltzeko. Portugal, Kalifornia eta Kataluniatik etorritako hizlari eta irakasleak parte hartzen ari dira egun honeetan, besteak beste. La Glo Dantza Zirkoa konpainiak antolatu dau topaketea. Gloria Peonek zuzentzen dauan Euskal Herriko lehenengo dantza bertikaleko konpainiak 20 urte beteko dauz aurten. Aupa Bizkaia programan La Glo Dantza Zirkoko kidea dan Maitane Sarralde Algortako artistagaz berba egiteko aukera izan dogu. Topaketaz gan, dantza bertikalari buruz gehiago jakiteko aukera izan dogu. Azpimarratu behar da, hain ikusgarria dan disziplina artistiko hau gero eta ezagunagoa dala aitatutako konpainiak eta artistek egindako lanari esker, besteak beste.

  2. Sep 6

    Farmazia tartea Juan del Arcogaz (26-09-05)

    Zapatuetan Juan del Arco, geure kolaboratzaile eta farmazialariagaz egiten dogun Farmazia tartean daltonismoari buruz berba egin dogu. Opsinak mintz-proteinak dira, eta argiarekiko sentikor bihurtzen dira, erretinaren kromoforoaren propiedade fisiko-kimikoak aldatuz. Daltonismoa opsinak aldatuta dagozanean gertetan da. Juan del Arcok azaldu deusku zergaitik gertetan dan, ezagutzen diran mota desbardinak eta horren ondorioz daltonismo maila desbardinak eta baita be medikamendu batzuek eragina euki ahal dabela geure kolore pertzepzinoan baina hori ez dala daltonismoa. Tratamenduak hondino ez dagoz guztiz garatuta baina terapia genikoa erabilten hasi dira zientzialariak. Eta interneten bidez bideo desbardinetan ikusi ahal dan moduan, antipar batzuk jantzita daltonismo mota batzuen eragina ekidin leike.

  3. Aug 29

    Zapatuetako Zine tartea David Madarietagaz

    Zapaturo lez, David Madarietagaz astegoieneko estrenaldiei buruz berba egin dogu Aupa Bizkaia programako Zine tartean. Astegoien honetan Lekeitioko Zineman Obsession eta umeentzako saioan  Rufus, igeri egiten ez zekien sugea filmea ikusteko aukera izango dogu eta nagusientzat El ser querido (www.zinemazaleak.eus/es/takilla). David Madarietak plataforma desbardinetako estreinaldiak be kontau deuskuz.

  4. Aug 29

    Farmazia tartea

    Gaurko Farmazia tartean, Juan del Arco farmazialari eta kolaboratzaileagaz ebola izan dogu berbagai, gaurkotasun handiko gaia dalako. Gaixotasun infekzioso horren agerraldia historiako bigarren handiena da, eta aurreko agerraldietan baino azkarrago ari da zabaltzen. Del Arcok azaldu deusku ebola birus batek eragindako gaixotasuna dala eta, batez be, kutsatutako pertsonen gorputzeko fluidoekaz kontaktu zuzenaren bidez transmititzen dala. Horrez gain, gaixotasunaren jatorriaz eta animaliek ebolaren transmisioan daukien zereginaz be egin dogu berba. Saioan zehar, ebola gizakiengana zelan heltzen dan eta pertsonatik pertsonara noiz transmititu daitekeen azaldu dogu, baita gaixotasunaren sintoma nagusiak eta kasurik larrienetan eragin daikezan ondorioak be. Besteak beste, ebolaren hilkortasun-tasaz eta egungo agerraldiak sortzen dauan kezkez berba egin dogu, batez be kasuak ugaritzen ari diran abiaduragaitik eta osasun-profesionalengan daukan eraginagaitik. Azkenik, tratamendu-aukerak eta birusaren hedapena geldiarazteko neurriak aztertu doguz. Del Arcok azpimarratu dauenez, gaixotasun infekziosoen agerraldiak ahalik eta lasterren kontrolatzea funtsezkoa da, ez bakarrik eragindako herrialdeetako biztanleentzat, baita guztion osasuna babesteko be.

  5. Aug 27

    Momentuz ez daukagu datarik melanomaren kontrako txertoa erabilgarri izateko

    Juan del Arco botikariak melanomaren kontrako txertoagaz egindako saiakuntzen emaitzen inguruan egin deusku berba gaur. Asteon zalapartea eragin dau gaiak eta horren garrantzia nabarmendu deusku. Erabilgarri egoteko data zehatzik ez dagoala esan deusku eta argitu deusku ez dala prebentzinorako txertoa, melanoma dabenekin erabilteko baino. Beraz, eguzkiaren aurrean babesteko beti aitatzen diran neurriak hartzea komeni dala.

  6. Aug 16

    Suge bat ikusten dogunean, aldendu behar gara; ez gara hiltzen saiatu behar

    Azken asteetako dinamikeari jarraipena emonda, animalia pozoitsuen hozkadei buruz egin dogu berba astegoien honetako Farmazia tartean Juan del Arco geure botikariagaz. Jendeari ezaguna egiten jako sugegorriaren hozkada arriskutsua dala. Hori dala eta, suge bat ikusten dogunean, aldendu behar gara, baina ez gara hiltzen saiatu behar. Izan be, sugeak ekosistemak mantentzeko eta karraskarien izurriteak kontroletako garrantzitsuak dira. Hozkadei jagokenez, dagozan hozkada motak aztertu doguz eta horreek eragiten dabezan sintomak be. Amaitzeko, sugegorri baten ziztadaren aurrean zelan jokatu deskubridu dogu.

  7. Aug 15

    Emonaldi bikotxa astegoien honetan Lekeition: ‘La Patrulla Canina: La dino película’ eta ‘Palestina 36’

    Zapaturo lez zinean aditua dan David Madarietagaz egin dogu berba Aupa Bizkaia irratsaioko Zine tartean. Astero, Lekeitioko Ikusgarri zineman dagoan ikus-entzunezko edukiaren barri emoten deusku. Astegoien honetan emonaldi bikotxa egongo da. Txikientzat La Patrulla Canina: La dino película eta nagusientzat Palestina 36 egongo dira ikusgai. Plataformak Netflix eta Prime Video plataformetako estreinaldien errepasoa be egiten dogu Davidegaz. Netflixen azpimarratzekoak: Un hijo propio dokumentala, Mourinho dokusaila eta Sobre ruedas, Mi brillante carrera, El peso de la ley eta Moria telesailak. Prime Video plataforman, barriz, Reacher telesaila estreinau dabe eta eta Caminando con el diablo eta Chicas malas 2 pelikulak igon dabez katalogora.

  8. Aug 8

    Netfilix eta Amazoneko estreinaldien barri be emon deusku David Madarietak

    Atrapa un millón pelikulea ikusteko aukerea d**o astegoien honetan Lekeitioko Ikusgarri zinema aretoan. David Madarietak azaldu deuskunez, komedia da eta barre batzuk egiteko aukerea eukiko dogu. Netflixeko estreinaldiei dagokienez, hurrenego honeek izan dira asteon: Pollo a lo grande, una conspiración de comida rápida dokumentala eta El escándalo de Truston dokusaila. Telesailetan, Muertos S.L., Cien años de soledad, Acaramelados eta Gatos callajeros. Pelikula bat be estreinau dabe asteon, La heroína del moño, Japoniako manga filmea. Amazonen, JFK, caso revisado eta Sterling poing telesaila estreinau ditue.

See All (50)

About

Asteburuetako goizak lasai baina informauta eta ondo pasauta hasteko irratsaioa. Albisteak, eguraldia, trafikoa, alkarrizketak…

Information

  • Channel
    Bizkaia Irratia
  • Creator
    Iñigo Esteban
  • Years Active
    2023 - 2026
  • Episodes
    50
  • Rating
    Clean
  • Copyright
    © 2026 Bizkaia Irratia
  • Show Website
    Aupa Bizkaia

More From Bizkaia Irratia